|
|
09-28-2010, 09:06 AM | #1 | ||||||||
زائر
|
التحية وكل الشكر للاخوة الذين قامو بالتعليق على هذا الموضوع ولايفوتنا ان نذكر الجميع بان رايهم يهمنا ونحن فى الانتظار ونفيدكم بان لم تبقى لنا سوى خطوتين من انشاء المنظمة انشاء الله والخطوة التالية التبشير بها والجلوس والتشاور مع اهلنا بدون فرز فى فطيس انشاء الله |
||||||||
09-28-2010, 11:46 AM | #2 | ||
نتمني ليكم كل التوفيق.......وختوتين ما هن كتار.......واهم شي "الوحدة" ونحن في إنتظار التفاصيل
|
|||
09-29-2010, 02:03 PM | #3 | ||||||||||
|
الأخ هيثم تحياتي .. زي ما قال عبده خطوتين ماهن كتار .. وربنا أوفق .. والعمل العام داير صبر وتحمل وطاقة جبارة من طول البال .. وبالذات في بلد زي بلدنا .. عشان تجمع الناس لكلمة واحدة عاوز ليك شهر عشان توصل ليهم معني ماتريد أن نفعله .. والشواهد كثيرة وبالكوم .. نصحيتي ليك أن تعتمد في تطوير الفكرة والقيام بالمشروع الما هين والمهم للجيل الجديد عسي أن تجد فيهم من يستشعر المسئولية وبه من الهمة والنشاط والرغبة ما يساعد في قيام المشاريع التي تنهض بالخدمات في المنطقة ولو بالسواعد .. من جانب الأخوة هنا محتاجين زمن لهضم الفكرة وبعد داك مناقشتها .. دا أذا فكروا في النقاش .. أنا ما داير أحبط هممكم في قيام مثل هذه المشاريع .. بس دا واقعنا هنا .. الناس كأنك لا تحدثهم بلغة يفهموها .. قد تجد بعض الأخوة فيهم الخير وممكن يعتمد عليهم ,,بس ركز في جهدك علي الأخوة الهناك وباشر معاهم طرح الفكرة وحثهم علي أيجابيات المشروع وكلام من هذا القبيل .. وربنا أوفق الجميع
|
||||||||||
10-04-2010, 01:09 PM | #4 | ||||||||
زائر
|
الاخ الكريم ابو عبد الرحمن شكرا كثيرا على اسدا النصح والارشاد الشى المهم العايز الفت نظرك ليهو نحن هنا فى الخرطوم من طلاب وموظفين وغيرهم حسينا ان ليس لدينا اى انتماء الى اى جهة يعنى احساس يتيم للشى البشوفو والسائد فى المناطق الاخرى فى السودان دا ولد فينا احساس بان نعمل اى شى اعتبارى يرعى الطلاب والخريجين ويشارك بقوة لنهضة البلد حتى المناطق المجاورة لم ننساها استهدفنا شباب نشط ولديه علاقات طيبة ممكن تساعدنا كتير وحسبنا حسبتا لاهلنا فى فطيس نعرفهم جيد بالذات اذا الفكرة جاءت من الشرق ولكن يعلم الله بالجد كدا عايزين وفاق لو ما مائة بالمائة يكون فى الثمانينات عشان كدا مشينا خطوة خطوة وعايزين نولد منظمة باسنانها عشان ما تموت ونورثها انشاء الله لاجيالنا القادمة |
||||||||
10-04-2010, 02:35 PM | #5 | ||||||
زائر
|
الأخ هيثم تحياتي لك وانت تحمل هم البلد وتطرح أفكارا نيرة قل من يجود بها نتمنى من الله العلي القدير أن يسدد خطاكم وبارك الله فيكم ونحن معكم قلباً وقالباً ودمتم في خدمة المجتمع والى الامااااااااااااااااااااا م |
||||||
10-26-2010, 10:25 AM | #6 | ||||||||
زائر
|
سلاااااااااااااااااااام كتييييييير لاهلنا واحبابنا الجوه والبره قبل كده قلنا عايزين نعمل لينا منظمة وطرحنا الموضوع فى المنتدى والاخ عبده مصطفى ما قصر عمل المنتدى عشان اولادنا واهلنا معظمهم بكونو حضور فيهو ولكن الشى الموسف ما علقو على الموضوع دا الا عدة اشخاص لا يتعدى عددهم اصابع اليد ونحنا ما بنزعل لانو عارفين مشاغل الناس والناس ما فاضية ولكن رجاءا اخوتى ولو قليل من الزمن عايزين وقفة ولو صغيرة معانا تشد من ازرنا وتعطينا دافع وهسع بنطمئن اخوانا العرفو باذن الله المنظمة قائمة قائمة ما فى شك لكن همنا كله ما قيام المنظمة بس عايزين الناس تتحد وتتوحد ويكون فى وفاق عشان بعدين نقدر ننجز ولو قليل |
||||||||
10-27-2010, 08:06 AM | #7 | ||||||||
مشرف قسم العلوم والتكنلوجيا
|
لتحقيق أهداف المنظمة لابد من إسناد كل مجموعة منها إلى شخص يملك السلطة المناسبة لتحقيق أداء هذا النشاط مع ضرورة تحديد السلطات وتنسيق العلاقات عمودياً وأفقياً. ايضاً اتمنا ان ترى النور قريباً وانشاء الله سنكون معكم فى اى زمان ومكان و لابد ان يكون المنتدى هو المنبر الاعلامى لهذا المشروع وتناقش فيه كل الخطوات عشان نكون فى الصوره |
||||||||
11-22-2010, 09:27 AM | #8 | ||||||||
زائر
|
تحية طيبة لكل اهلنا ونقول ليهم كل عام وانتم بخير اها نرجع تانى لموضوع المنظمة قبل كده كان قلت ليكم باقى خطوتين الخطوة الاولى نكلم اهلنا فى فطيس وضبعا مشيت الحلة قريب والتقيت باخونا حسن شيخ الحلة وطرحت عليهو فكرة انشاء المنظمة وتفاعل معها بروح طيبة ووعد بنشر الفكرة على كل اهل فطيس ونحن فى انتظار ما تسفر عنه نشر الفكرة ويليها انشاء الله عقد الجمعية العمومية ومناقشة الدستور وتكوين المكاتب وعايزين كمان اخوانا فى دول المهجر يشاركو معانا فى تكوين المكتب التفيذى عن طريق ترشيح من ترونه مناسب ونحن بدورنا نرشحهم فى اجتماع الجمعية العمومية ودمتم للبلد |
||||||||
11-22-2010, 09:54 AM | #9 | ||
نحن في إنتظار ما يتمخض عنه هذا العمل الجليل......ونتمني أن تكون خطواتو أسرع ولا أعتقد إننا في المهجر ممكن أن نساهم في تشكيل اللجنة.....فهذا الأمر متروك لكم أنتم أدري بمن هو أهل لذلك...... ولكن أقترح أن تتكون لجنة موازية ...تشريفية بالمملكة السعودية...تكون حلقة وصل بين المنظمة......والمغتربين وأعتقد ......المنتدي ممكن أن يشكل...مساحة لتلاقي الأفكار...... ونتمني لكم التوفيق
|
|||
11-24-2010, 09:25 AM | #10 | ||||||
زائر
|
فكرة انشاء منظمة تطوعية فكرة واقعيه وممكن تسهم كثير فى احياء المنطقة والجزيرة عامة نتمنى لك اخى هيثم التوفيق والسداد ونحن من خلفكم انشاء الله |
||||||
|
|
|