ضحكــــــــــــــــــــة من مافي .....

مطارحه شعريه بين اربعه مساطيل طباخ و عجلاتي ومدرب كوره وساعاتي..

الطباخ قال:
يا طابخه فيني شراب حنين
يا سكر العسل المتين...
... عايز الخبط فيك مشاعري
وابقا جواك استكين
افرميني وقطعيني انا مامهم
بس تبقي لي حبي الدفين
لو فيكي اطبخ باقي ريدي الجاي ليك
واشرب معاك شوربة حنين
انا كنت برتاح واستوي
واتنفسك انا بالسنين

العجﻼتي قال:
منفاخ هواك
قطع فرامل حبي ليك
خﻼني ماقادر الف
فاقد التوازن جاي ليك
زايد معاك سرعة هواي
ﻻ دسة بدال يوم عليك
ﻻ يوم ردفتك بي وراي
حاسس بلف في كوني فيك
ﻻ يوم رقعتك كلمه ساي
ﻻ جبت اسبير يوم عليك
انتي الوحيد الفي هواي
ساحراني دايما بس عنيك

المدرب قال:
فاول عيونك فيني جهج نوم عيني
خﻼني حايم في ميادينك علي
ﻻ فيكي صديت الدفاع
ﻻ هجمه كانت كانت عندي لي
شلتي القلب سابح وراك
وريني حكمك انتي لي
واسقيني بين شوطين هواك
يا غاليه تحنانك علي

الساعاتي قال:
بحسبك جواي ثواني
وفيك بلف انا زمني تاني
زيدي ساعات حبي ليك
من حنانك ومن حناني
لما طاقتك انتي توقف
جد معاك انا جد بعاني
وببقا بظبط تاني زمنك
شان ماترجعي لي زماني
ونركب اﻻشواك نلفلف
في اتجاهات الثواني
واصلو ماتفوتنا الدقايق
نبقا ﻻفين مانعاني ^^