|
|
08-07-2010, 12:33 AM
|
#1 | ||||||
|
زائر
|
الى الاخ العزيز عوض خضر
عطبرة حميد ياعطبرة الطيبة ــ يا منجم الثورات كيفك بعد غيبة ــ غربة ووطى جمرات رجالتك الهيبة ــ نسوانك الحارات قالن لي قولة تسر ــ تنفع زمان الضر وكل البلاد ام در ــ والمهدي حي ما مات الخطوة في الشارع ــ منبوشة ثورية بق الغضب طالع ــ ابرول وطورية شافع ورا النافع ــ طلبة وافندية الجوعا كان دافع ــ لي هبة شعبية ما الصبر ما نافع ــ في ايام متل دى زات وضع هنباتى ــ وعسكر حرامية طارت حماماتي وـــ وركت سلامية غدروها شماتى ــ كتل الرصاص فى لي حضرة الآتي ــ شايل الفرح لي عبيت مساماتي ــ من غيمة متكية وعلى ارض مأساتي ــ فرغت مابى ضل الوطن شاطي ــ وشمسو المراكبية النيل ديمقراطي ـــ والغيمه منفية جني اماتي ــــ بي جيرتق امنية ربطن لي جراحاتي ــ بي طرحة اغنية وصاحنبي صد صارع ــ ياعيش وحرية ويتبدل الواقع ـــ يا ميتة دغرية نار التكل ماتت ــ نار فينا شن حية روحك ازا فاتت ــ روح الوطن حية اماتي يا امات ـــ كل الغلابة الجات من حلفا لي نملى ــ من بارا لى سنكات غضب الخلا البغلي ــ صرصيرة الغابات من عب ضلوع النيل ــ جيب الغلب غيمات اشواقه تال الارض ــ والارض شوقها ثبات اماتي يا امات ـــ ود الحيا الصنديد قلن لكل عنيد ـــ صاحب دقن هنبات قولنلو نحنا حديد ــ زي المرمي شداد واللي ضمينو يخون ــ ما امنوه بلاد يامستبدا بات ــ حارساهو دبابات كضاب وكضابات ــ هواب وهوابات شن حزبك الويحيد ــ ضرعاتك ام حجبات عاين جيهتك وين ــ سيد الاشتراكي الفات لا البوت ولا النبوت ــ لا التوت ولا الكهنوت ونقل الفلاشا افاد كان يحكمونا بيوت ــ لو يحكمونا افراد طارين حديث الموت ــ البعث والميلاد مو العلة يا مسخوت ــ اسم الله نحنا عباد العلة كيف القوت ــ البعث والميلاد والشغلو كلو زيوت ــ لا يلقي زيت لا زاد لا يلقى الطري ــ ضاقتبو السبل العجل العري في النار والبغل ــ خيرو وسكرى في الدقن ام قمل ــ سفي صدري جيبي دمار دبل ــ ريري لاباشكرى شامبو دلال وفل غني وشكري ــ يا كوزة المتل في الضيف تنهري ــ وحمدك الدبل وبت السمكرى ــجيهتك للرجل دهنا كركرى ــ في الطلح الكحل ما فاقدين مثل ــ زهدنا فاض فضل وين يوجعنا وين ــ مادام نتأكل عيش يامفترى ــ ويوم كامل شغل تسرق وتنكري ــ ولا بلاش تكل هوى يا عسكري ــ فكر من قبل فاكر الناس هبل باسم الدين تطل ــ وبي اسمى المثل ترعب تنفعل ضاحك بالعقل والمن دوب طفل ــ يفتي ويشفي غل هوي يا عسكرى ـ يا عسكر التالفين يا تالف العسكر يا لائصا في يمين ــ الشعب قوو ايسر ما جف ساق ابريل ــ اكتوبر الاخضر ان جات شيمة ليهو تشيل ــ كلما الرياح تكتر ويتنامي عشري عديل ــ وكل الرياح تنشر وطير الخطى الجايات ــ مابتفزعا الفرات لا طيورك النازلات من دم رعاف الطين فاكر نفسك مين ــ وفاكرنا مين بالزات دا القرشي قاسم امين ــ وبي دا الشفيع ما مات وحاضرنا ماهو ضنين ما اكتر الجايات ــ يا عطبرة وجايين يا لابسن وشين ــ علي مين تدور وتحوم شغلك ضلالي وغش ضحكك عسل مسموم ــ قاصد جبينو تتش ويضحي البلد مجروح ــ فارت في راسو شمش ويعتب بعيد مكلوم الجايي بعد تمشي ويومك تغطغط نوم ــ ياضاحكا غياظ لي شعبك المأزوم صنت ليالي الصيف ــ ما ادلدل الكازوم في مزارعو مافي رزاز ــ لاغيمه طاشه تحوم لازيت ولا امباز ــ جفت مصانعو عموم وبرضك تنوني انقاز ــ ينقزنا منك يوم علي دكة التلفاز ــ دايما تطل ملخوم تطاير الانقاز ــ ووزيرك المتخوم عرب الكنانى حجاز ــ تستقبلم مهجوم عشما في كوتة جاز ــ عربونا كم قدوم شن ودتك تنحاز ــ في غزو مالو لزوم كان ماك نتن فتان ــ لزاز ولخبات كوم شن ودتك تنحاز ــ بين عرب الكويت والروم لا قلب لا عكاز ــ وكت الدميرى تقوم |
||||||
|
|
08-07-2010, 06:04 AM
|
#2 | ||||||||
|
مازالت هداياك كما هي تحمل طابعك الخاص كانت هداياك الاجمل ومازالت حسب النص اعلاه شكرا لكل هذا الشموخ |
||||||||
|
|
 |
|
|
 |
 |
 |
Linear Mode
