|
|
02-21-2010, 07:41 AM
|
#11 | ||||||||||||
|
المشرف العام
|
الجزء الخامس
الجزء الخامس من اليوم داك بقيت اغنى ليك : يايوم بكرة ماتسرع - عشان الشوق غلبنى وعشان اعلان مملكتنا الجديدة بتبدأ من اليوم داك وعمتى شغالة لى شغل وهى جات مع امى تصور وتحمض- وكمان ما تقول السفر ملح وماتقول فيها علاج ملح من وجع البطن والكرعين ومن شافتنى مسكتنى من جضومى وتشلق فينى : - هسع يالمفعوص كان قلت لى داير اعرس ما كان عرستك ليك و سقت مرتك معاك - ياعمتى الموضوع جاء براو ، وبعدين اسوقا معاى كيف إنت قايلانى السفير السعودى باركيها بس - يبركوا فيك خنق , جارى للبدرة دى والله كلمة البدرة حرقتنى حرقة بس اسوى شنو غير اكب الزوغة منها واخليها مع امى يناضموا ساى وامى تقول ليها - برى انا امو ما ماشاورنى من هناك متفقين - شباب الزمن دا عاد بنقدر عليو - اها اتحزمى ساى وارجى الجاييك والله موش نسوان الخرتوم ديل بورنيك ليهو شديدات ولضيضات , هسع بتى الرضية ما لا ما كان زيتنا فى بيتا ولا نحن لينا الله بس امى تقلبوا هظار طوالى معاها - الولد بقى راجل وانت ليوم الليلة تشلقى فيهو - هووى هو ود بتين ، وكان انت امو الوليد تيهو انا امو الربيتو وتقول ليها : - هسع دا كلو هين كدى نشوفوا جاب لى شنو وانا يازول لابد لى تحت حيطة والموبايل فى اضانى واليد فى الاضان التانية التقول داير أأذن .وامى تعاين فينى ساى وتقول للجماعة - الولد دا مالو جن كدى طويبتو(من طوبة ) دى ما بتفارق اضانو - ياهو شباب الزمن دا - والله يقعد يباريا كدى ويتفصل ليا إلا تسوقوا من اضانو زى النعجة يوم الجمعة الهايس دى اتملت لرب عينها ومعاها البوكس والدلوكة تقول ياقدرتى والله الخطوبة براها بقت سيرة والبرنامج لازم امشى الكوفير اجيب البنية والجماعة التانيين بمشوا على البيت دغرى وبعدين على النادى والنادى دا من عمها فنجرة ساى ونظام بوبار وكمان بعربية ايجار- والطيب ود عمتى سايق لى وعايش جووو صاح مع ترباس وانا راكب معاهو بقدام ماشين للكوفير ودى فرحان بيها فرحة - الليلة بحتو ليك حت جد اخلى ليك علالاتا فوق - بس اوعك تقابض مقابضتك ديك - وابقى رايق - قال رايق والله كان الجكس بتاعون دا دوم ساى بوصلك وبرجع اشوف لي نومة تنفعنى - دوم انت ، بس اوعك تفتح لى فى خشمك وتسهى فيهن ونمشى شوية واللستك يضرب بينا تاح واسبير مافى - هسع نسوى شنو
|
||||||||||||
|
|
02-22-2010, 08:06 AM
|
#12 | ||||||||||||
|
المشرف العام
|
الجزء السادس
الجزءالسادس - إتصرف كيف ؟ انفخوا ليك بخشمى!!!! - خلاص عفرت العربية سر يع وفكو ونشوفلينا بنشر قريب من هنا - هع هع يازول انت ما نصيح دايرنى بالشكة دى افك اللستك - اه منو البفكو - يازول هووووى انت ضمنت خلينا نحن نشوف سوقنا وين - والله انا عارفك ما زول حارة - زول حارة اوديك سوق ليبيا امارضك فى مستشفى لكنشيتن متيل دا اعفينى منو - يالطيب سوى اللستك وبعدين نرجع سريع البيت تغيرملابسك ونمشى - يازول هوووووووووووى ما تكتر لى كلامك والله هسع افوت اخليك هنا طبعاً الطيب دا زول غشيم بس طيب وحبوب ولمن تقفل معاهو لابشوف وراء ولاقدامبشوت طوالى انشاء الله تطلع اوت عشان كدى لازم اهدئ ليو شوية - خلاص .. خلاص وقفلينا رقشة ولاتاكسى ولا اى مصيبة وكان على اللستك انا بفكو - مافى مشكلة ياحبة ويوقف عمك بتاع تاكسى مارى بالشارع وشكلو من الصباح ما لاقى ليهو فردة يبردبيها حشاه الطيب : - سلام عليكم ياحاج - اهلاً وسهلاً - ياحاج واللهاللستك دا ضرب لينا هنا وديرين نوديهو اى بنشر قريب عمك يعاين فى العربيةببالوناتا وشرائطا الحمرة والخضرة والوردية - دى عربية عريس ولاشنو -اىياحاج - مافى مشكلة بلحق ليك عريسك دا الحفلة بس صلحوها معانا - يازول مافىمشكلة ما بنقصر معاك تب -يالا ارفع اللستك وارح معاى وبشيل منكم سبعين الف - معليش ياحاج ممكن تفك لينا اللستك اصلو عفريتة ما عندنا - انتو بس بتاعينسواقة غير الطارة دى ما بتعرفوا الحبة لاقين عربات التقسيط دى وراكبنا سكتنا ساىنسوى شنو يقوم يزرقن معانا يخرب لينا الشغلانة مرة واحدة ووكت مافى للنقة الطيبوعمك مافى نص ساعة إلا اللستك ركبوا فى العربية والجماعة بهناك فلقو رأسى كل مرةيتصلوا وين انتو حتى ندى ذاتة لمن شافت نحن أتأخرنا قلقت : واشيل واصبر فيهم وهم : نعل ما حادث - واحد تانى : انا عارف الطيب بكجك وتالت : نرسل ليكم زول ..........قالوا زول هو المعاى انستر عشان يجينى زول تانى الحمد لله ربنا وصلناسالمين لى عند النادى والجماعة رابنا ربة ومن شافو العربية انبهلوا فينا ناسناوناسم وفى ناس شمارات ساى من اهل العروس عاوزين يشوف العريس ياربى سمح ولا خلاقةوتلافة وشين واهلى عاوزين يشوف العروس عشان كدى كان الهجوم كاسح واعمامك من بعيد : هو ياجنيات ادوهم الدرب خليوم ينزلوا - ناس بهناك شغالين مخرجين لبتاع الكاميراوانا فى اللحظة ديك بقيت زى رئيس الجمهورية رأسى كبر - عالم و إستقبالات وتصويروفنان من اول ما دخلنا وقف غنيتو وادانا واحد كدى بتاعت سيرة وننزل يجننا النسوانالكبار بالبخور والطيب بهناك يازول اتنفخ نفخة جد ودى الدايرة وعمل طوالى وزيرالعريس -الشغلانة فيها لمبات تولع تطفئ وكور لافة وموكيت مفروش والغنية معانا لحدىما وصلنا للكوشة والطيب دا من وقف العربية برة ويديها ليك سكسكة ورقيص وكشف صاحوكان على الفنان غايتو فناناً بفك الحيرة وكان على الغنيتين الغناهم قبل ما ينزلللفاصل الاول -ما فهمت منا شئ واحدة بتقول : ( حاجة ) شنو كدا ماعارف بالهوسا ودىالحت فيها قرض وزول فاضى للتانى مافى والتانية : قال سنتر الخرطوم .
|
||||||||||||
|
|
|
02-26-2010, 12:07 PM
|
#13 | ||||||||||||
|
ما اروعك سردك معاويه لو ما التفاصيل مختلفه كان قلنا ده انت ذاااتك عقبالك انشا الله واااااااصل
|
||||||||||||
|
|
|
02-26-2010, 01:57 PM
|
#14 | ||||||||||||
|
المشرف العام
|
الجزء السابع
الجزءالسابع اعاين فى زولتى وفى عيونا اسرح فى دنيا بعيدة خلاااااااااصوالبسها الدبلة والحاجات التانية وتلبسنى الدبلة واتمنيت فى الوكت داك اصلو ماتزحيدا من يدى ونكون كدى ماسكين فوق بعض وما تفرقنا حاجة واشوف الوشوش قدامنا فرحانةلينا وكل الدنيا وتجئ نها وناهد وامها وامى وبنات عمها وصاحباتها واهلى واشوف عمتىجاى على من هناك كاريها ولدا الطيب وتبشر فينى وتقول لى فى اضانى - عاد معالقمرة دى بتعرس بتى كيف اضحك ليا واقول: ما مشكلة ياعمتى بدبل بيا هوىياجنة : الصيدا دى بدبلو فيا شوف ليك شغلة اقضا وتبارك لى وتمشى لندى وتعصرا عليهاوتقول ليا : يابتى انا عمة احمد دا وولدى عديل ختيو فى عيويناتك - ندى تعاين لىوتقول ليا : انشاء الله ياخالتى وزولى الطيب من بارك لى اشوف هناك قاعد معنسابتى يقرقر شكلو بقولم فى نكات وكمان جاب امى وامو وقعدم جنبهم ومن بدا الفاصلخماهم فى نص الساحة وجرانى والزولة معاهم وهاك يارقيص وبعد شوية جونا صاحبات ندىوالطيب بجنبى :شوف البرتق دا جامعات ساى ياخوى والله الليلة التقانة ما فضل فيهازول يأشر لى واحدة بجنبنا : البنفسجى دا كيف ياحبة اتلفت اشوفا نها اخت ندى : يازول دى اخت ندى - ها زول انا ما بقيت عديلك تب - عديلى ، انا اتفك مناختك تقع لى انت - يازول مالى ناقص كراع ولاناقص يد - لا لا ما ناقص ، بسالبت ما بدوك ليا هسع عاين ليا كويس خلقة زى دى بجدوعو ليك ساى ؟!!! شوية يجئ ودعمها والنصيحة زولاً مليان بالحيل رزانة وادب وذوق يسلم ويرقص شوية ويسحب نهاويقعدو ليوم فى كراسى جنبنا والطيب فتح خشمو : والله القدح عندك - اها تانى شنقولك البت ودايرا ود عمة - يازول انا الليلة اصلى ما بطلع ساى - يازول اناما قلت ليك خلى مقابضتك دى شوية نسمع ليك الفنان يغنى ليو فى اغنية : ( اللبنابو لى بي) والنقز اشتغل كل واحدة تنقز وزولى الطيب يكورك فى نص الحفلة : وووبوووب شاف الغزلان دى كيف بتنطط وشالتو الهاشمية وقام كدى شالنى فى كتفو ويبشر فىالناس وحلف ما ينزلنى إلا يلف بى الحفلة جت . عديناها رقيص وفرح وبهجة وطرب والناسمبسوطة وخطوبة خمسة نجوم وتمت فى اليوم التانى ابوى قال لى - ياولدى دايريننعزم الجماعة نسابتك ديل قبل ما تسافر ويرجعوا - مافى مشكلة انا بكلمم خلاصالامور بقت سالكة بينم وبينا زى الاهل وبقينا نمشى ليهم ويجونا واسبوعين تمام طبعاً اخرتا سفرى اسبوع بحالو عشان ارجع معاهم سوا وفى احلى من الحب فى الطيارةوالزولة بقت ملكى خلاص وكمان جايين لسجن ما عارفين نتقابل كيف وامى : اها ياولدىختوبة وشوفناها بتعرس بتين دايرين نفرح بوليداتك والدنيا ما معروفة . - انشاءالله قريب
|
||||||||||||
|
|
|
03-05-2010, 05:45 PM
|
#15 | ||||||||||||
|
المشرف العام
|
ناسف للانقطاع
ناسف للانقطاع والان ثلاث اجزاء مرة واحدة
|
||||||||||||
|
|
|
03-05-2010, 05:47 PM
|
#16 | ||||||||||||
|
المشرف العام
|
الجزء الثامن
الجزء الثامن فى يوم ندى مسكلت لى وقمت دقيت عليها - عاين يا احمد انا جاتنى فرصة شغل - خير انشاء الله شغلت شنو الفى السعودية كمان !!!! - لا الشغل دا ما فى السعودية - وين - فى دبى - فى دبى؟؟؟؟؟؟؟ - اى اصلاً انا من كذا شهر مقدمة لشركة طيران عشان اشتغل فيا والحمد لله الليلة اتصلوا على وقالوا لى نحن اعتمادناك معانا وحايشغلونى فى مكتب دبى - وهسع رأى اهلك شنو - أنا بهمنى رأيك انت قبل اهلى - انا ماعارف اقول ليك شنو اه هسع لو مشيتى دبى بتسكنى كيف وانت بت - إنت لسة مع الحاجات دى عادى الشركة عندها سكن وكل شئ مرتب - والله انا خايف عليك من الغربة والبشتنة - الشغل ما فيو مشكلة وكان على الغربة نحن من قمنا متغربين - لكن ياندى انت المرة دى براك وما معاك اهلك - ما إنت حاتكون معاى -اكون معاك كيف ؟ - عقد العمل فيهو السكن عائلى وكل شئ على الشركة - واها بعدين اقعد ليك فى البيت ساى ولا كيف !!! - لاطبعاً ، ما حاتشوف شغل وبعدين انا وانت ما واحد - نحن واحد ما قلت شئ بس الحكاية دى دايرة ليها تفكير - دى فرصة عمرنا وما بتتكرر - انتى هسع محتاجة للشغل ولا ساى - كيف ما محتاجة للشغل وانت عارف ابوى خلاص كبر والحمل بقى كتير عليو - كدى يازولة خلينى افكر وبرد عليك - خلاص ما تتأخر على انا فى انتظارك
|
||||||||||||
|
|
|
03-05-2010, 05:49 PM
|
#17 | ||||||||||||
|
المشرف العام
|
الجزء التاسع
الجزء التاسع تانى يوم ندى تمسكل وتتصل لمن فترت وانا ماقدرت ارد عليا لانو ما عارف ارد اقول ليا شنو وبعدين ما كنت رايق عشان نتناقش فى الموضوع والنفسيات فى الواطة - وشوية اسمع ليك رنة الرسائل فى الجوال كان القا رسالة من ست قلبى بتقول : (محال انساك واسيب الريد وانسى هواك لانك فى قلبى وقلبى انت شلتو معاك ، شنو الجفا دا ) - الرسالة دى عملت فينى عمايل وولعت فى قلبى النار ودقيقة مافى اتصل عليا - الو ندى كيف عاملة - كويسة - شنو عامل فيا تقيل كدا - والله ياحبيبتى كنت مشغول شديد و رأسى ما قادر احكو - كان ترد لى وتقول لى مشغول - معليش حقك على ، رسالتك تجنن انا كان عارف بتعملى كدى كان طنشت منك من زمان - هووى يامستهبل ، تانى تطنش كان اضبحك تسكت شوية : - شنو يعنى ما رأجية ردك - والله حيرتينى معاك و ماعاوز اكون عقبة فى طريقك - يعنى موافق خلاص - بصراحة كان قلت ليك خلى الشغل دا بتخليو - والله عشانك ممكن - خليك منى انا ،اها عشان نفسك كيف - والله الشغل دا عاجبنى وبعدين انا قريت عشان شنو- موش عشان اشتغل - هىىى انت قايلة الشركة دى شغلتك عشان شهادتك - نانا عشان شنو - هسع وينا خبرتك إلا كان خلقتك دى ودا المخوفنى شديد وقاطع قلبى -هاهاها هع ههههههههههه - هسع البضحكك فى كلامى دا شنو - بتغير علىَ للدرجة دى - كيف ما اغير عليك والله انا بخاف عليك من الهوا الطاير - اطمن انا ما بكون لزول غيرك وانت كل حياتى - خلاص عديلة وربنا يحفظك ، يلا مع السلامة - مع السلامة اقفل الخط بهنا كان تانى تجينى منا رسالة : (ورود الدنيا اخطفها وبشوق قلبى اغلفها ومع النسيم لأحلى حبيب أرسلها , الله يخليك لى ) فى المسا جانا ابو ندى وسلم على الجماعة وطبعاً الجماعة يوسوسو ساى ويراقبوا فينى ويشاغلوا ، دى مافرصتم كان قالو لى اعمل اى حاجة بعملا سترة حال وانا وشى عاوز يقع من الخجل ( النسيب ما عين شمس ) وبعد السلام براحة سحبنى من يدى ،وقال لى : ياولدى البت ورتك بالشغل ورتنى بموافقتك وانت كان ما راضى وبتجامل فيا ساى انا هسع بعقد ليك عليا وانت وهى مخيرين بس اهملها كدى براها ما بسويا- أنا قدرت الموقف وفهمت سبب كلامو يعنى يامحمد الزولة دى لو ما عقدت عليا طريقة سفر ليها مافى وهو ما معترض علىالشغل بس دايرة تكون تحت راجل يحميا . ودعت ابوالنسب بعد ما إ تعشا معانا بالقوة وبالضغط وحلاف طلاق من الجماعة فى البيت ودا حالم يهاظروا ويشاغلوا بس وكت الجد تلقاهم رجال . بعد ما مشى وانا قاعد برة فى الصالة بالشقة نادانى عمنا صاحب نسيبى - اقعد انا دايرك - خير انشاء الله نعل مافى شئ - خير ، طبعاً انت زى ولدى وبتكلم معاك كإبن - مافى مشكلة الموضوع شنو - بخصوص البنية خطيبتك ويسكت شوية ويكمل : ابو البنية كلمنى قبيل فى الشغل وحكى لى الموضوع كلو وحتة الشغل دى ما راكبا ليو فى رأسو هو ومرتو إلا إذا بقت معاك اها ياخوى كان مستعد تعرسا هسع وتمشى معا لدبى الموضوع بقى محلول ولايمنعوها الشغل وقال لى : ياهو المرة فى النهاية للراجل وهما شفقانين عليا من شحتفة الغربة وانت شايف براك نحن الرجال قولنا الرووب عديل كدى .اه شن قولك نفس تحليلى بالضبط والحسبتو لقيتو زى ماهو مفطس مفطس والكتلة جاتنى لين عندى . - بس انت شايف الحال براك نحن ما تمينا شهر من الخطوبة وتكاليفا - يازول ابوا ما داير منك شى بس تعقد عليا واقرب إجازة ليك تسوى عرسكم براحتكم - ماهى نفس المشكلة برضو حاتتغرب وتتبشتن يعنى بس دايرنى اغير اسما من ابوا لإسمى - لا ما نفسى الشئ هى لمن تمشى عزابية ما زى تمشى مربوطة ليا فى راجل وممكن بعد فترة تلحقا - والله ياعمى كلامك سمح بس جوَط رأسى جوطة شينة - يازول إنت رأسك براهو جايط ، هسة فى زول لاقى ليو فرصة زى دى -كدى خلينى افكر فى الموضوع براحة - ياولدى البت ما عندا وكت لازم بعد اسبوعين تسافر لشغلا -خلينى ادورا فى رأسى واحسبا - ما تنسى ابوا حايسافر معا دا لو وافقت ويقعد معا الفترة الاولى دى كلا لحدى ما تكمل هى إجراءاتا وكمان اجراءتك حسب العقد ولازم طبعاً تكون قسيمة الزواج معا - وابوها حايخلى شغلو ولا كيف - لا حايشيل إجازة - اصلو خمسة سنين ما شال إجازة ولانزل السودان. يعاين فينى وشاف حيرتى - خلاص انت فكر برواقة - وابشر حرم الناقصة بنتمها ليك بس ما تنفذر لينا وكمان البنية حاتشتغل بختك مرة سمحة ومعا قروش - هسع وين القروش - والله راتبا السمعتو قدر راتبى مرتين
|
||||||||||||
|
|
|
03-05-2010, 05:50 PM
|
#18 | ||||||||||||
|
المشرف العام
|
الجزء العاشر
الجزءالعاشر رغم جرسة امى ودى شئ طبيعى ومتوقعوا هى دايرةتفرح بولدا وتحننو وتهز فيهو وتبشر عليو بس حال الدنيا وحكما. تانى يوم اتصلتطوالى على زولتى وهاك ياكلام واشواق وريدة التقول اول مرة الاقيا - ابشرك - خلاص - اي - هىى ما بصدق - انا عندى اغلى منك تضحك وتسكت ما خلاصالموضوع بقى ليا جد واواصل : - اه انا الليلة بمر عليكم وبلاقى ناس بيتكم ونشوفالموضوع دا نسكت شوية واقول ليا - اها تأمرى بشئ ( حركة المغتربين الشالوهامن السعوديين ) - الليلة مستعجل كدى مالك ابتسم واقول ليا - ما دايرانىاودعك ولا شنو - دايرة اتونس معاك حبة - مشتاقة لى قدر دا - تسكت شويةوبراحة تقول :كيف انا شوق ما بكمل !!! -خلاص انا بخليك بشوقك دا لحدى ما اجئبعدين المساء سلام - سلام فى الشقة لميت الجماعة وقلت ليوم : انا داير اسوىعرسى هنا ودايركم تقيفوا معاى ردودم الحلوة وتجاوبهم معاى عجبنى شديد وعمناطوالى نط وقال :يازول ابقى بعيد نحن بنرتب كل شئ بس جيب العندك وربنا الباقى بتمو . الجماعة ما كضبوا فكروا فى المندى وفى الصالة والاستراحة وين تكون الحنة وكيفيعزمو العوائل البعرفوها والفنان وكل الترتيبات وكلهم ما قصروا تب شدوا من ازرىورفعوا معنوياتى فوق فى السماء .وكمان حتة العقد فى السفارة دى هم بتولوا امرا فى المساء قشرت قشرة صاح واتوكلت عليك ياخالق روحى ومشيت طوالى لبيتم وهناكتقابلنى البنية وامها اصلو ابوهم طلع قريب وبجئ وبعد ماقطعت كباية العصير المخصوصوما شفت اطعم منو كلوكلو عشان عاملة ست الناس وقعدت قصادى تضاير ساى وتتبسم وتعاينفينى مناعاين ليا تغير عيونا منى اتونسنا شوية وجا ابوها - كيفك ياعمى - تمام وانت كيف - الحمد لله صنة ما طويلة واتنحنح : - طبعاً ياعمى اناجايكم الليلة فى موضوع العرس - مرحب ياولدى إنشاء الله ربنا يتم على خير - يارب ... وقررت نعملوا هنا وخلاص - ياولدى زى ما قلت لعمك نحن ما عاوزين منكحاجة ، ونحن مقدرين الظروف - والله ما بتقصروا وانا انشاء الله انا ما بقصر - مافى مشكلة بس تعال بالعندك وما تكلف نفسك وتعصر عليها - الله يبارك فيك . استأذن انا ياعمى وانشاء الله بكرة بتصل عليك نشوف التفاصيل كيف يمسك فينى فىالعشا بس بقى لى صعب بعد الكلام الحلو ، وداير اقعد مع الشباب فى البيت عشان نحدداليوم و الطريقة تكون كيف . الشباب ماقصروا وحددوا معاى اليوم طبعاً اقرب خميسجاى يعنى بعد اسبوع من الليلة ووزعوا الادوار ناس مسئولين من الصالة وناس عن المطبخوالمندى وناس للفنان والحفلة وكدا .....
|
||||||||||||
|
|
|
03-07-2010, 10:15 AM
|
#19 | ||||||||||||
|
المشرف العام
|
الجزء الحادى عشر - يازول انا رتبت ليك حنة كاربة - انت ما نصيح حنة شنو كمان فى البلد دى انتو دايرين يقول علينا شنو . - يازول دى ساهلة تب - كيفين الكلام دا - موش الحنة الخايف منها دى والله فد يوم بنطلعة من يدك بعد العرس - العلم اتطور ياخوى - يازول كدى نشوف الحاصل شنو وبعدين برد عليك - بعدين شنو؟ انا حجزت الاستراحة خلاص - مافى ليك طريقة - استراحة ؟؟؟؟؟؟ - نان نحتو معاك كيف كما ضربنا الخلا دا - يازول الشغلة دى بتودينا التوج هسع كان ناس الهئية مروا علينا ساى والله مع الحنة دى يطلعونا شئ تانى - يازول العالم دى كله شغالة كدا - هى الاستراحات البرة دى سوا لشنو ما لجنس دا وبعدين اخوك علاقاتو كويسة ما تشيل هم وكان حصل شئ بتحلا بس خلينا نهجج شوية فى البلد المامعروف ليا رأس دى -يازول مشكلة مافى . - وكمان اقول ليك حاجة نسوى فيا عازومة ونقطة مرة واحدة - نقطة شنو- دى انا ما بسويا ابقى زى الشحاد . - يضحك ، يازول ماعلى كيفك ابقى بعيد بس سكتنا وطوالى قال : - خلاص يازول اتفقنا الخميس الجاى وخلى الشباب يعزموا جماعتم وانا بعزم جماعتى وبالبركة الزول من فات والجماعة بدوا النقاش : - يازول سوى العرس كلو هنا وانسى السودان خلاص - اى والله وامشى دبى مع البنية شهر عسل اقعد معا اسبوعين تلاتة - والله دى فكرة كويسة وتشوف شغلا كيف إمكن تلقى ليك شغلا هناك وتقعد معا . - اه شن قولك اعاين فيوم كدى واسرح شوية اصلو الفيوزات بدت تضرب عندى واقول فى نفسى : هوى ديل بتلكموا ساى ودى ورطة بنت كلب صرف شديد وكان قعدت تلاتة سنة ما تكفينى سداد ديون . الشباب فهموا حيرتى و نقشوا الفى رأسى - يازول انت خايف تنقطع -الدنيا ما معروفة ياجماعة والبلد داك مابعرفوا كويس - يازول انت كان خايف من السكن فى فندق - انزل معا فى سكنا إنشاء الله غرفة واحدة - كدى امورك ظابطة يامعلم كان قعدت شهر ما فارقة - سوى حجزك من هسع وخلى التردد بتاعك دا - والله ياجماعة عرسى دا شغلكم شغلة يضحكوا - يازول انت هين - خلاص ، الواحد على الاقل يتفسح فى الدنيا دى شوية كان كدى ياجماعة نعدل البرنامج -كيف - الخميس الجاى الحنة العاملها عصام والخميس البعدو نسوى العرس ويوم الجمعة السفر - اه شفت الزول كان قال بسم الله كل شئ بنتم . -
|
||||||||||||
|
|
|
03-07-2010, 02:09 PM
|
#20 | ||||||||||||
|
محن معاويه
شحتفت روحنا واصل
|
||||||||||||
|
|
 |
|
|
 |
 |
 |
Linear Mode
