تغيير اسم (السودان)....!!

سؤال هل ما يردده الشماليون من وهم ان دولة الجنوب الحديثه سوف تكون كارثة ومزبحة ولن تدوم طويلا هل هو قراءة جيده للمستقبل ام صرخة دون وعي لنبز الخوف من قيام دولة مجاوره حديثه تملك كل المقومات لقيام دولة قوية من بترول واراضي زراعية ومناخ استوائي تتعدد فيه المحاصيل وغابات وانهار
وثروة حيوانيه الاوهي قد تكون سابقة افريقيه ان تولد دوله حديثه بكل هذه المقومات بما فيها البترول وجيش منظم ومسلح؟؟؟؟؟؟؟؟؟
خوفي يا عارف من ان نغترب عندهم
اما بخصوص تغيير الاسم فيكفي انه السمه الوحيده التي صارت تميز السودانين فلا ادري اذا ما تم التغيير كم يساوي الباقي له والعجب كان طلع الهلال من الكونفدراليه والله تاني ما يعرفونا الا بي الكبري الجديد والكبري القديم

[عارف عبد الرحمن]

تتخيل ياعاطف؟؟؟؟؟؟؟؟؟؟؟؟؟؟؟ أنتو سلفا كرين دا في نيويورك كان بنادي بالوحدة ولا بقرة الشؤم ( باقان ) كان بحنس فينا عشان نقعد سوا .. بس لأنو صوت الأنفصاليين أعلي ولقوا مساحة أكبر في وسائل الأعلام .. ودا ما حقيقة ناس الجنوب كلهم .. بس لو قالوا كدة الموت .. زي ما عملوا في الأنتخابات حيعملوا في الأستفتاء .. لأنهم لا يمثلون الجنوب ..ديل بمثلوا سان فرانسيسكو .. القضية ما السودان .. الموضوع كلوا في القرن الأفريقي والبحر الاحمر والسيطرة علي أفريقيا البكر والغنية بمواردها ..يعني الطبخة أكبر من السودان والجرزان الجنوبية وأفريقيا كلها .. وكملوا العراق وقبلوا علينا .. بس نحن في الحقيقة ولا جعرانة قدام مدر ودهاء ولصوصية الناس ديل .. ولقوا في ناس قريعتي هدفهم وبقوا أنفخوا فيهم لمن الواحد صدق أنو مناضل وليه قضية وممكن بكرة حيعيش في جنة ..أبقوا قابلوني لو لقوا حاجة من الوهم الكبير العايشنوا ؟؟؟

ههههههههههههههههه دي حقت الناس خخخ خخخخخخخخخخخخخ خخخخخخخخخ دي حقت مامون وبابكر وهي تعني ضحكه صدق ؟.عجبتني شريكتك دي للناس
وسبق رديت ليكم علي الموضوع في اقتراح مامون في مساهمات فصل الكمبيوتر وتحويل المبلغ من الفصل للعنبر بانه اتجاه مقبول ومعقول
بس يا عارف برضو حكاية المنتدي دا ما العدد الكافي الشغلة عاوزه تحرك اكبر ومكابسه وجيتو علي ذكر استاذ حمدان وانه موجود والراجل مشكور بعرف يتحرك بين الناس بي لباغه لكن ما حاسي بي حركة في الرياض

[عارف عبد الرحمن]

ياريت يا عاطف أخوي كان أحسوا .. الواحد والله مستغرب البرودة دي جات من وين .. عبدو في بلد الخواجات ومسخن علي طول .. ياريت الناس تتفاعل مع الأمور بجدية وصدق واحساس .. أنو العمل دا كلو للبلد ولصالح البلد ولناس البلد .. ومبلغ صغير ممكن أكملوا في مكالمة واحدة للسودان .. ممكن اليوم داك ما أتكلم واديها للناس عشان تساعد ولو بالقليل .. والله مافي حاجة بضيع وحقكم محفوظ والأجر عند الله .. بس في الآخر لابد من التحرك وبسرعة يا جماعة الخير هوووووووووووووووووووووووو وووووووووووي .. أصحوا ....وزي ما قال مأمون لو في العمربقية برجع ليكم تاني وتالت وألف حتي تصحوا .. بس الزعل ممنوع جداً