فوائد الصلع

[عثمان الخليل]

فوائد الصلع


تعتبر الصلعة بمثابة مراية وعاكسة لأشعة الشمس
***************************************
الأصلع إذا أنضرب في رأسه ما يحتاج يحلقوله عشان الخياطة على طول يخيطوا رأسه يعني فيها راحة للدكاترة
***************************************
الأصلع شخص يسهل تمييزه مهما كان المكان مزدحما.
**************************************
تتحرر ميزانيته من مصروفات الحلاقة والشامبو والكريمات والمشط وغيرها
*********************************
إذا تورط في جريمة فمن الصعب أن يترك »شعرة«في مكان الحادث تسهل وصول الشرطة إليه.
****************************
يبدو مغريا وجذابا للأطفال ويصادقهم بسهولة.
****************************
لن تستطيع العواصف ولا الرياح الهائجة أن تفسد تسريحة شعره!
************************
تثق فيه زوجته أو حبيبته أكثر من منطلق انه لا توجد امرأة تسرق رجلا أصلع من امرأة أخرى.
*************************
إذا تورط في مشاجرة فلن يجذبه احد من شعره.
*************************
لن يصاب الثعلبة.
************************
لن يصاب بقشرة الرأس.
***********************
لو كان ممثلا فسيحصل علي ادوار مهمة مثل وزير، رجل أعمال، مجرم دولي، رئيس مجلس إدارة شركة.
***********************
وأخيرا يوجد نسر أصلع
ولكنك لن تجد حمار أصلع أبدا

[عارف عبد الرحمن]

الظاهر عليك ياخلي .. بدت الشعيرات تتساقط .. والأ شنو تشكر لينا في الصلعة وصقر وحمار .. ياخوي أركز

[محمد ابراهيم احمد ابراهيم]

والله الواحد بقى مطمئن يعنى ما نشيل هم لانو الواحد مرشح بالصلعه
لاكن ياعمو لو فى طريقه تشوف لينا علاج

[عارف عبد الرحمن]

ما تاكل فول ولا فتة كتيرة ولا طعمية ولا تخت في رويسك حاجة أسمها المريخ .. لا صلع بجيك ولا يحزنون وما تمش مع مهدي ـــ مهدي عمك ما جدك ــ

[عثمان الخليل]

الحبيب محمد لك التحايا والاشواق عمك عارف وصف ليك العلاج .......... لك التحايا مرة أخرى

[يوسف طه]

خلو يا ابو صلعه ما تشكر الراكوبه فى الخريف .
فى مثل مصرى بيقول ..
ما تاخدش من الاقرع نصيحه ...
لو ربه بيحبه كان ساب لو راسو صحيحه

والله لو المكان مناسب كان الواحد حكى قصة الدكتورة البيطرية مع التور الأقرع!!!!!!

[عارف عبد الرحمن]

أنت ياود نورين خجلان مالك ما صلعة بس .. أنت قايلا شنو يعني رأس ما فيهو شعر .. علي الأقل تكون وفرت حق المشط والكريم والشامبو والحلاق .. شوف دي كم براها يعني الحكاية توفير أحسن من الشعر الغزير ..وبقترح للأحوة المصلعين يعملوا نقابة وبمكتبها ومجلس أدارة وحاجات زي كده ويعملوا مزرعة دواجن وخرفان ضحية ومشاريع زراعية .. مش أحسن من الواحد أعدي النهار كلوا أسرح في شعرو؟؟

عثمان الخليل والله دة كلام زول بيفتش في المراقات....من يكوس ليها في النسور........تحياااااااااات

[عارف عبد الرحمن]

ود الخليل راس السوط وصلك ولا شنو ولا خايف علي أخوك .. شكلك داسيها .. ومحمداك محمداك.. اصبر ساي