نسب الفكي ابراهيم ( تور شادلي )

[عبده مصطفي إبراهيم]

يا ياسر ما تلخبتنا.......... الشجرة ما صحيحة ولا ما مكتملة
ما صحيحة .....الشجرة مرسومة حسب كلامك الفوق
ما مكتملة دي لا ن الصفحة ما بتشيل الناس دي كلها
ح اجزئها شوية
بإختصار حبوبتنا فاطمة أم أولاد إبراهيم أحمد سالم دي
مش مفترض تكون فاطمة بت زينب بت خالد ود دفع الله ود إبراهيم محمد عبدالله ود مريم بت الفكي الزين
وإبراهيم ود أحمد سالم ود سارة بت الفكي الزين
....................
دا حسب كلامك الفوق
دا بوريك انا ما ناقش

حبيبنا عبدو ( المدير العام ) مساءك جميل .
بالنسبة للرسمة غير صحيحة لانك خلط بين الشجرتين .
انسي الفكي الزين الجاب مريم والسارة .
.................................................. ......
وخليك في الاتي :
دفع الله انجب
خالد
وفاطمة
كلتوم
التومة
......................
فاطمة هي والدة ابراهيم ( الصغير ) وهو والد زينب والدت ( احمد ابراهيم التوم - المهدي ابراهيم التوم - عبدالله ابراهيم التوم _ ......) .
ارجع للشجرة القديمة ولصق الجماعة ديل الزكرتهم )
كلتوم ( انجبت
محمد حسن ريس
فاطمة الانجبت ودالمامور ).
.................................................. ..................

التومة ( الامين اولادها ( احمد الامين - الحننة - فاطمة الكادة - صفية - دار الجلال - امنة )
فاطمةاولادها ( اهلنا في امليحة منهم الجاك -نمر .... الخ )
بتول اولادها ( محمد احمد - ابراهيم الخليل - الزهراء - ..... الخ )
زينب اولادها ( حسن دقاش - علي الجمل ))

الجديد في الشجرة دي هو خالد ( خالد انجب
دار الجلال
دفع الله
امنة
زينب
ام الحسين
بتول )
ومن ثم اذكر التفصيل بتاع ابنائهم .
بالمناسبة في تفاصيل لم ازكرها لانهم غير موجودين عندي نرجو تمامتها ان كانوا لديك . حتي تكتمل الصورة الصحيحة .

[عبده مصطفي إبراهيم]

مالك وقفت يا ياسر
نتمني أن يكون المانع خير
....
وترجع بالكتير

لماذا سمي جدنا ابراهيم بـ ( تور شادلي ) ؟
طبعا الرواية دي شفاهية وسمعتا كتير وبي طرق مختلفة ومن ناس عديدين ولكن سوف اذكرها هنا ولو هنالك شخص ينفي او يدعم هذة الرواية فمرحبا بة :
قيل ان جدنا ابراهيم هذا كان لة صديق في شادلي ( حلة تقع شرق تنوب ) يدعي ايضا ابراهيم وكانا يتزاوران ويتسامران منز الصغر وعندما كبرا وشعرا ان الموت قد اقترب اوصي جدنا ابراهيم ان يدفن في شادلي وحدث ان توفي جدنا ابراهيم في فطيس وتم تجهيزة وحفر لة قبرة في المقابر وعندما اتوا ليحملوة تمنع لهم ( العنقريب ) ولم يستطيعوا حملة حتي تزكروا وصيتة فهموا بحملة الي حيث اوصاهم فتيسر لهم حملة حتي بلغوا حيث اوصاهم وهنالك تم دفنة .
ولا اعلم اين قبرة هناك ولا مدي صدقية الحديث الذي يقال ولكن هذة الرواية يبدو انها قوية لانها متداولة بكثرة .
اذا اي احد لة راي مخالف او راي مغاير نتمني ان يتحفنا بة لمزيد من الاثراء .
هنالك ايضا روايات لشخصيات عدة نرجو من يلم بي احد منها او لة رواية لشخص اخر ان ياتي بها