جدال...الأحبة

[عوض خضر]

والله يابتنا وفاء كنت داير اصبر لما تهدأ العاصفه لكن اخونا ابوعبد الرحمن دا كان ما كتحنا مابرتاح

وحقيقه انا استمتع بالكتاحه القادمه من تالاهو وتالاهو دي اتحدي عبدو ان يفسرها كما فسر الفرناقه ( اسع يتلبج ويمشي يسال زول تاني حتي يرد )

وقدر مافتشت لطريقه اتقي بها كتاحة ابوعبدالرحمن مالاقيت غير انو تكون الاسئله الموازيه للاستفسارات التي طرحها هي الطريقه المناسبه

وعليه قررنا نحن عوض خضر احمد ومن شايعه ممن يخشون نير الانظمه الشموليه ويتوقون للحريات ويحلمون


بعوالم ذي رؤي الاطفال حوالم

ببلد من غير حدود
بي وجود مامشت بينو القيود


قررنا ان نتدرق من كتاحة ابو عبدالرحمن العاتيه بالتساءلات الاتيه

ماذا تقولين

للذين يرفعون العنف شعارا ويتخذون من اقصاء الآخر نمطا يكنكشون عليه

ثانيا

واقتبس من اقوالك اعلاه


لو كنت قاصد منبع العدالة ياعبدو فيظل الاختلاف قائم حول اساس العدالة هل هي فطرية وذات جذور في طبيعة الإنسان ام انها مكتسب حضاري ناتج عن المجتمع اي التعاقد الضمني بين الأفراد بهدف تنظيم التعايش الإجتماعي . او إعتبار العدالة قرارات قضائية تنظم العلاقات بين الناس.
اما لو قصدت اساس تطبيق العدالة ففي رأيي انا أن المساواة بين الناس رغم صعوبة تحقيقها واقعاً تبقى هي السبيل الى تحقيق هذه العدالة كقيمة أخلاقية عليا تستند الى القوانين لتطبيق ماهو معترف به دون إفراط او تخاذل لأن التوازن الاجتماعي ضرورة من أجل حفظ شعار العدالة

انا لااريد النظر الي رأس جبل الجليد اي نتاج تطبيق القوانين ان كانت ردعيه او غيرها

لكن اتطلع لعلاقة القانون بالمشرع اي مايجعل من القانون اداة للتضييق علي الناس لتكريس سلطات معينه

ما الذي يجعل من القانون وكما قدمت انت هو تعاقد اجتماعي

اداة يمكن ان تفرز مسارات ذات جدوي فيما يخص الحريات والعمل العام وبراءة الذمم

ان يطبق القانون في ظل نظام شمولي ام ان يطبق القانون في ظل نظام مكتنز بالمؤسسات التي يمكن ان تراقب وتقّوم تطبيق القانون

وانا هنا اتحدث عن المؤسسات المرجعيه ( مؤسسات تشريعيه منتخبه )

وطبعا دي حلقه أولي نرجو ان تفي بالمطلوب


.........................

[عبده مصطفي إبراهيم]

عوض ود الخضر
مالك بدردق فوقي جنب الكرسي

وحقيقه انا استمتع بالكتاحه القادمه من تالاهو وتالاهو دي اتحدي عبدو ان يفسرها كما فسر الفرناقه ( اسع يتلبج ويمشي يسال زول تاني حتي يرد )

تالاهو ....دي ...ما دحين بترمز لي جهات غير معينة
ولا قصدك دي
ناشدت جلابة الظلام جلابة هووى ما شفتو لى
قالو البينشف بالعوج ما بيتعدل لو يبقى نئ
زولاً ملفح بالظلام ما بيستريح فى قلبو ضِئ
تالاهو تنهشك الظنون يوماتى طول ما انت حى
الرد خاص لعوض

[عارف عبد الرحمن]

خارج نص الحكاية .. ونستأذن أستاذتنا وفاء واستميحها عذراً أن تسمح لي بسطور لأرد بها لأخونا عوض :
أخي عوض أنا قاصد عديييييل أن أحبك لا موارباً ذلك ولا مخبئ ولا مختبئ .. وارسل صافنات القول سهماً مخترقاً كل الحواجز والمتاريس (الترابية ) والخرسانية لأقول لك بلي أنا مشتاق وعندي لوعة لمقالع الأبحار صوب مرافئ البلد الحبيب .. أشتاقه وانا فيه وبين أهله .. لا تفجعني المنقصات .. ولا ترهقني أفكار الهلام ولا الضبابية .. فقط يحزنني البيع بالمجان ونستورد الفكرة التي لا تشبهنا ونلبسها ثوباً لوطن مكلوم بأهله وهو لا أهل له ..أتمني ان آخذ بتلابيب الأفكار وأمزجها فيض فكرة تعطي الناس السلام والأمان وترشد التائه أن الرشاد فينا كامن نجهله أنسان ذا قدرات وفهم .. مجبول علي فكرة الأيمان بحقيقة المبادئ السامية العليا .. نخرجها عندما نكتشف أنها من أصلنا .. ولتبتعد كل الذئاب التي نجلبها لتحرس أغنامنا .. أوجدها الله فينا كلمة سوية .. كلمة حق من أجل حق لأرض سلام ومسرة .. لا أظن أخي عوض أن المحطات محطة واحدة وألا لوصلنا من زمان .. فلابد من الترحال والتجول والتوغل في ذاتنا العميقة .. الرجوع للحق فضيلة .. والفضيلة أن الدين مخرج لكل المعضلات ..ملحوظة صغيرونة الأنقاذ ليست معنية بالدين بل معنية بالاشخاص حتي لا تفهم حديثي أني أدافع عنها ( طلقتها زمااااااان ).. بل هو ما بين أنت وبين أنا .. لو زرعنا الجميل لحصدناه .. ولكن زرعنا الكراهية لتأكلنا النار التي أوقدناه .. ألقاك أخي عوض في مدرج شعر وهوي وبلسم حبور لقرح ذا دمامل وبسمة طفل تهب الكون فيض محبة وصباح جديد أو حديث أسي وتأسي أو فرح وتهنئة .. وعن فطيس الحبيبة .. أنا أمقت السياسة والملل يتلبسني سريعاً عندها .. لك الود

حتي لا يفهمنا ابو عبدالرحمن غلط...الداير يقرا كلامو يظلل

عذرا اختنا العزيزه وفاء
دخلت بفهم ان الموضوع متعلق بك كما جرت العاده ان يجلس احدنا علي هذا الكرسي غير الوثير وتسلط عليه الاضواء لكي يعرفه من لايعرفه ويستزيد من يعرف . ولكن وجدت ان ثمة من صادر حقك وحقنا في معرفة ماغاب عنا منك مستعرضين بعض الالفاظ الفلسفيه والعبارات الفضفاضه وكان يمكن ان تقال في مقام غير المقام ومكان غير المكان رغم عدم موضوعيتها حيث ان منتدي الحوار مكانها فمن ارادها فليذهب اليها .
علي كل كنت اود ان اسأل عن علاقتك بالجذور اجتماعيا وهل لك من الصداقات والعلاقات في فطيس حظا كبيرا كما اود اجابه واضحه علي سؤالي التالي

( من الله شق حنكك دخلتي في فطيس كم بيت في السراء والضراء ؟ )


وايه الدنيا ايه غير لمة ناس في خير او ساعة حزن

[عوض خضر]

ابوعبدالرحمن

مااجمل ماذهبت اليه

لاوالله لاكراهيه لاحد وان تراكم الظلم

اما بالنسبه لك فأنت تعرف تماما اني

اشتاق ان اولد في عينيك طفلا من جديد

اشتري اللون البنفسج اعتلي شكل الهويه


طلاقك للانقاذ جعلنا نلتقي بشكل آخر اي في محطه اخري غير المحطات العديده التي التقينا فيها من قبل


ولايهم ان يبقي هامش خلاف ولكن المهم ان خلافنا حول الأنقاذ لم يشكل يوما خدشا في اتفاقنا حول فطيس الحبيبه

ولك

كل الود

بنتنا وفاء لك العتبي حتي ترضي واتمني ان يكون تداخلنا هذا جمّل البوست ولم يجعل القراء ينصرفون عنه

[عوض خضر]

عبدو الاجابه ماها ياها

رغم محاولاتك الحريفه

المره دي جهجهتك

تالاهو تعني جهته او جانبه

[عارف عبد الرحمن]

يا حسبو ود كوي أو الخليفة .. مالي أراك شابي في حلقي .. كلما قلت وجدتك ـــ يا خي أنا ما داير معاك شكل .. ياخي ما سمعت بأن أختلاف الرأي لا يفسد للود قضية .. فعشان الأمور تكون مهذبة خلي بينا أحترام والكلام أكون في مداره .. لو داير تفهم بفهمك ,, خلي المعارك للمعترك ولا دي برضو فلسفية وما فاهمها .. ونحن في الآخر عاوزين نتونس .. لو داير تخلق ليك موضوع من مافي .. والله أنا ما الزول الممكن أحقق ليك هدفك .. ولو في زول وصل ليك كلام بالغلط قول لي وانا والله ما بخاف الا من الخلقني .. وأظن بينا أحترام ــ علي الأقل من جانبي ــ فياخي خلينا أخوان أذا كان عندك أستعداد .. والأ بالله خليك عند حدودك ولا أسمح لك بالتمادي أكثر من ذلك .. ويا عبده بالله لا تمسح الكلام دا وخليه أقراه وما داير منك رد .. أنا قادم لجدة بعد شهر تعال ناقشني وقول لي الفي رأسك وليه أنت قارش ملحتي .. تحذير شديد لعبده ما تمسح

يا حسبو ود كوي أو الخليفة .. مالي أراك شابي في حلقي .. كلما قلت وجدتك ـــ يا خي أنا ما داير معاك شكل .. ياخي ما سمعت بأن أختلاف الرأي لا يفسد للود قضية .. فعشان الأمور تكون مهذبة خلي بينا أحترام والكلام أكون في مداره .. لو داير تفهم بفهمك ,, خلي المعارك للمعترك ولا دي برضو فلسفية وما فاهمها .. ونحن في الآخر عاوزين نتونس .. لو داير تخلق ليك موضوع من مافي .. والله أنا ما الزول الممكن أحقق ليك هدفك .. ولو في زول وصل ليك كلام بالغلط قول لي وانا والله ما بخاف الا من الخلقني .. وأظن بينا أحترام ــ علي الأقل من جانبي ــ فياخي خلينا أخوان أذا كان عندك أستعداد .. والأ بالله خليك عند حدودك ولا أسمح لك بالتمادي أكثر من ذلك .. ويا عبده بالله لا تمسح الكلام دا وخليه أقراه وما داير منك رد .. أنا قادم لجدة بعد شهر تعال ناقشني وقول لي الفي رأسك وليه أنت قارش ملحتي .. تحذير شديد لعبده ما تمسح[/

بالله هسي ده شنو

خلونا في وفاء

(ان يطبق القانون في ظل نظام شمولي ام ان يطبق القانون في ظل نظام مكتنز بالمؤسسات التي يمكن ان تراقب وتقّوم تطبيق القانون

وانا هنا اتحدث عن المؤسسات المرجعيه ( مؤسسات تشريعيه منتخبه ))

(انا لا اريد ان انظر الي جبل الجليد)

اخي عوض
لك مني خالص التحية والاحترام
(اخي عوض اراك لحنت وذلك لشئ في نفس يعقوب؟...........)
تحرر من سجن كتاباتك تكن مبدع من الطبقة الاولي ... سؤال لما تلبثها بموقف الضعف وانت القوي
من حق الاخ عبده ان يبحث عن معني العدالة
هل هي مكتسب ام شئ فطري ومن حق الاخت وفاء ان تفلسف الاجابة بمدخرها القانوني واللغوي
ولكن سؤال الاخ عبده يظل هو السؤال
في الباحث عن كنه الانسان
نجد انه مجموعه من العوامل الداخليه التي تتاثر بالموثرات الخارجيه بين قوي الخير والشر
منها تاسس مفهوم البحث عن العدالة
والعدالة تقوم علي عدة اسس
الظلم .... الحق ..... الخ
في الختام القوتنين سواء تم وضعها بمؤسسيه او غير ذلك فهي تهدف الي تحقيق العدالة
اما مدي تحقيقها فهو معيار موضوعي قد نختلف عليه ولكن تبقي الغايه واحده

[عارف عبد الرحمن]

عبده تحياتي .. الرد حقي أتلحس وغار في ستين داهية .. برضو أحسن لانو ما بستحق .. خلينا في المهم .. عفواً وفاء للأزعاج شوشنا عليك شوية .. عفواً أخونا حسبو . لأننا صغرنا عندما حسبنا أنفسنا قدر فهم الجميع وأننا قدر الأيصال والتوصيل .. نحن في أجازة عن النقاش حتي نثقف أنفسنا قليلاً حتي نستطيع ان نوصل ما نريد أن نوصله حتي لا يسخر منا .. لكم العتبي خلوني في صوري دي