قصة مثل

واحد من ناس أمغد زمان مهووس بالامثال .....كلما سمع بواحد بيحفظ امثال يركب حمارو ويمشي لعندو....مرة راكب 4 يوم يجمع أمثال من واحد....في طرف الحلة سأل منو وصفوه ليه في الزراعة بتاعتو...لاقاه قال ليه انت قالوا بتحفظ أمثال كتيرة عايز اسجلها منك....الزول عاين ليه كدة قال ليه انت جايي من وين هسي؟؟؟؟قال ليه من أمغد... قال ليه وقاطع المسافة دي كلها شان تلقط أمثال؟؟؟؟ قال ليه أيوة.....الزول عاين فيه كدة قال ليه والله صحي (الفايق بيهمز أمو) ومشي خلاه....صاحبنا سجل المثل دة ورجع أمغد.... إقتراح صغير للإدارة: رأيها شنو لو عملت منتدي متخصص للأمثال تسهل ل (رباية الحبوبات) الوصول للأمثال بسهولة خاصة وإنو عندنا موروث ضخم من الأمثال بنتداولها بدون نعرف أصلها والسياق التاريخي اللي اتقالت فيه؟؟؟؟

[صادق محمد عوض]

شكرا خلي...... موجود بالفعل في الموقع مجموعة ضخمة من الامثال الشعبية...... بدأها ود الشايب..... ثم وثق لها عبد الملك مصطفي عبد الغني..... وشاركناهم بكمية.... راجع قسم السياسة والاخبار....

مشكووووووووور حرش علي الملاحظة... انافعلا ما كنت مريت علي الاقسام بتفصيل شديد....شكرا مرة ا خري

[صادق محمد عوض]

ولا يهمك يا عم..... في افكار كتيرة وجميلة داخل المنتدي..... حتندهش من الكمية الكبيرة من البرامج داخل هذا المنتدي.... تقريبا الشباب ما قصرو اثرو الساحة لمان اتدفقت....