|
|
03-01-2010, 03:47 AM
|
#1 | ||||||||
|
ياوالده يامريم - محجوب شريف
ياعامرة حنية . .انا عندي زيك كم ..ياطيبة النية بشتاق وما بندم..اتصبري شوية .. ياوالدة يامريم ماني الوليد العاق لا خنت لا سراق.. والعسكري الفرّاق بين قلبك الساساق وبيني هو البندم والدايرو ما بنتم. . يا والدة يامريم عارف حنانك لي .. راجيك تلوليني دايمًا تقيلني وفي العين تشيليني .. القاهو عز الليل .. قلبك يدفيني ضلك علي مشرور ..قيلت في سنيني انا لو تعرفي الفيني انا كم بحبك كم والعسكري الفراق بين قلبك الساساق وبيني هو البندم والدايرو ما بنتّم طول النهار والليل في عيني شايلك شيل لكني شادي الحيل لا خوف علي لا هم .. هاك قلبي ليك منديل .. الدمعة لما تسيل .. قشيها يا مريم ما بركب السرجين وماني زول وشّين ياوالدة دينك كم دين الوطن كمّين ما شفتي ود الزين الكان وحيد امو قالولو ناسك كم ورينا ناسك وين؟ ورينا شان تسلم العودو خاتي الشق ما قال وحاتك طق تب ما وقف بين بين لي موتو يتقدم انا ما بجيب الشين انا ما بجيب الشين انا لو سقوني الدم.. والعسكري الفراق بين قلبك الساساق وبيني هو البندم والدايرو ما بنّتم وكم من حبيبًا لي .. كان مالي بينا دروب ما ودّع الحباّن ما وسدوه الطوب حي حي قولي ما حي ووب ما خلّى ساعة الموت يمة السرج مقلوب إتشتت الرصاص في جسمو واتقسم لاقاهو يتبسم والحولو حبلو وكان ريحة صباو تنشم زي التقول يوم داك يوم العرس يادوب انا ما بجيب الشين انا لو سقوني الدم والعسكري الفراق بين قلبك الساساق وبيني هو البندم يُّمـة السجن مليان رجالّة ما بتنداس الختّو قبلي الساس والشالو هّم الناس والفات وليدًا ليه وما مسّكو الكراس ما سمعو يتكلم ما نحن عود الفاس فرسان حمى وحراس في الحارة نتحزّم عشم القدر ما كاس مالاقي بيت يتلم عشم ماالطواهو الجوع المُتعب المعدم والعسكري الفراق بين قلبك الساساق وبيني هو البندم .. والدايرو ما بنتّم ما تقولي شن سويت ما تبكي ما سويت غير البطمّن ناس بي همّهم حسيت حارس مع الفرسان حارس بلدنا البيت إخواني علّو السور .. انا طوبة ما ختيت ديل من زمان تاتيت لامن كتبت قريت وعرقنا ياما يدر يمّة اللبن والزيت الكسرة والكراس لي قشة الكبريت وتقولي جيدًا جيت راجع مع الفرسان فايت الحدود واسيت وتغني يا مريم لينا وتجرّي النّم والعسكري الفراق بين قلبك الساساق وبيني هو البندم والدايرو ما بنتّم يا والدة يا مريم |
||||||||
|
|
02-17-2011, 11:39 AM
|
#2 | ||||||||||
|
[marq]دعني أعلن قلقي على الروعة في نفسي تثرها أنت عن غير قصد أو بقصد [/marq]
|
||||||||||
|
|
|
02-17-2011, 11:40 AM
|
#3 | ||||||||||
|
سلام
[marq]دعني أعلن قلقي على الروعة في نفسي تثيرها أنت عن غير قصد أو بقصد [/marq]
|
||||||||||
|
|
|
02-18-2011, 05:28 AM
|
#4 | ||||||||
|
مشرف قسم العلوم والتكنلوجيا
|
يا عوض. انا عندي زيك كم ..ياطيب النية |
||||||||
|
|
|
02-20-2011, 04:27 AM
|
#5 | ||||||||
|
شكرا علي مروركم المشجع عمار ومحمد ابراهيم |
||||||||
|
|
 |
|
|
 |
 |
 |
Linear Mode
