|
|
12-20-2011, 02:53 PM
|
#1 | ||||||||||
|
تربية وطنية-الدرس المهمل
تربية وطنية-الدرس المهمل محمدحسن السيد اعــتــذار .. لـيـك يـا وطـن عـن كـل ... دمـعـة غُـبـن مـرّت مــن فـؤادك لـي عـيْـنـيـك عن كل خوف اتربّا فينا وقمنا عـلقناهو فيك اعــتـــذار .. عـن خَـيْـبة الـنـاس الكُبار عـن بـكـرة لـسع ما بقـي لـكـنـو آيــــل للـشـقـــــــا لو برضو أهملنا الصُغار لــو مـا كـتـبـنــا في كـــل سبورة وكتاب قبل العلوم .. قبل الحساب انــّك مـنـــو؟ ومفروض نقدم ليك شنو؟ لـو مـا اتـحـفظ حبك نشيد اوتــار قــلــوبــنـا تـلـحّـنو الفاتحة في باقي العقاب جـيـل الــسراب لــو ما قـــدرنا نأمّـنُو وبي عزك انت نطمّنُو يــا وطـن مـظلـوم مـعـانـا وبـخـتـنـق جـوّه الخريطة عايز اهمس ليك وافضفض واشــرح الـفـكرة البسيطة رغــم مـلـيـون مـيـل مـربـع فـيـها يـبـدو الـحـضـن أوسع انت جـوه عيون ولادك ما لقيت أرضاً وهيطة وما لقيت راحة ف شِبِر هـل فـيـهـا سِــر؟ كـونـو البريدك منكسرْ! او كلّما .... كان الكلام في الانتما النـاس ســريـع بـتـلـم حروفا وتختصر! ليه موج هواك في الروح بروح يوماتي ناقص ومنحسر؟ هــل فـيـها سـر ؟ رغماً عن المشي للامام فيك انهزام جواك هواجس بي الألوف تهتف تقول : للخلف سِـر هـل فـيـها ســر ؟ عــذراً وآسـفـيـن يـا وطن مفروض نحبك ونصطفيك مين اللي قال الازمــة فيك؟ غير السؤال.. الصبرو طال محتار يجينا ويمشي ليك : ( ما عرفت انت تحبنا ؟ أم ما عرفنا نخاف عليك ؟! ) الغلطة كانت من زمن من بدري ايامنا الصغار والعقل ابيض في انتظار درس المبادي البِرسخن كسّرنا ادارج في الفصول وكــراســي... ما فهّمنا زول انـُـو الـكـسـَرنا دا حـقـنـا وحــقّ الــوطـن وانو ما حقّ الحكومة عشان نلوما وبكرة عارفين بي سهولة مـن مـصاريفـنا الخجــولة ليها حنرد التمن كــل الـحصص كـانت تـمــام حاضرين اساتذتا بي انتظام عربي وحساب وعلوم ودين كل التلامذه مصحّحين كل الكراريس والكتب - بي الامر- كانو مُجلّدين لكن ملامحك يا وطنْ ما ادّرسنْ شان تبقي اجمل وايــه حنــعـمـل؟ ومــن رِبــيــنـــا.. فِـضـلـت فــيـنــا غصب عننا درس مُهمل جملة ناقصة وما بتكمل حصة ما ضمّاها جــدول كنت طيش الدفعة دايما ومــا حصل ندهوك اول ورغــــم انــك انـت اول يــا وطن والله عـارفــك فيك امـل زي أي والـــد عـايــز الـخـيـر لي ولادو الا نـحــنا الـــمــاعـرفـنـا نرجي حـلـمـك في مِعادو ويــامـا كـم جـرّحـنا فيكا وايّ عــجــز نـسـبنا ليكا نـسـمـع الصوت البلومك وندّي ضهـْرنا لي وفـيـكا وانت صبرك ونُبل صمتك شـالـو مـن عـافية مشيكا شـان دمــوعـك جوّه قلبك ومـا حـصـل بـلّـن وشـيكا ونـحـن حـابـسـيـن امنياتك بين شقا اللحظة اللي فاتت ولحظة الحزن الوشيكة يا بهيْ الروح والملامح انت مجروح من ولادك بس عليك ارضك تسامح لسه فينا الحلم جامح انو نقدر بي العزيمة ننسف الهم والهزيمة ونبنِي ايمان الفوارس جوه جيل باكر حيصحي وقبل ما يرن في المدارس صوت جرس لي أي فُسحة نلقي اسمك أقوي من كـل المخاوف وصورتك أجمل من امِس وتبقي أكبر من عـلم مرفوع في سارية وبهّتت لونو الشمِس
|
||||||||||
|
|
12-20-2011, 04:06 PM
|
#2 | |||||||||||||
|
المدير العام
|
Quote:
وذي ما قال محمود محمد طه " من الأفيد للشعب السودانى أن يمر بتجربة حكم جماعة الهوس الدينى .. فسوف تكون تجربة... مفيدة للغاية – إذ إنها بلا شك سوف تكشف مدى زيف شعارات هذه الجماعة ..وسوف تسيطر هذه الجماعة على السودان سياسيا واقتصاديا حتى ولو بالوسائل العسكرية – وسوف يذيقون الشعب الأمرين . وسوف يدخلون البلاد فى فتنة تحيل نهارها إلي ليل – وسوف تنتهى فيما بينهم – " ولسه يا ما ح نشوف
|
|||||||||||||
|
|
|
12-20-2011, 10:11 PM
|
#3 | ||||||||||
|
استاذي اسعد الله مساك في واقعنا هنا قل استشعار المسؤليه بل وحتي الوطنيه واصبحت العباره السائده البعد والا البلاد امسعد فصحف الخرطوم هذه الايام تتحدث عن هجره مئات الاطباء الي الخارج وتاره اخري المعلمين ايضا لحقو فبربكم من بقي ليغير وقبل ساعات شهدت بام عيني مظاهره في نصف الخرطوم نادت برحيل النظام وساندت قضيه المناصير فرقتها قوات الامن في اقل من نصف ساعه واعتقلت العشرات |
||||||||||
|
|
|
12-21-2011, 05:09 AM
|
#4 | ||||||
|
زائر
|
تربية وطنية ................وتربية دينية ........................وتربية رياضية ....................... وجميع تخصصات كلية التربية جامعة الخرطوم بمجرد ما راحن وبقينا نقرانهن لافتات ويافطات وشعارات في المنتديات واركان النقاش والجرائد والمساجد والونسات صار حالنا كلة كوجين ولت وعجن وهضربة ( خلاص مافي داعي استرسل ) فل استوب |
||||||
|
|
|
12-21-2011, 09:24 AM
|
#5 | |||||||||||||
|
المدير العام
|
Quote:
ويا ابوذر انت وكت الله جابك جمبها ما كانت تنقلا لينا ولا تشارك ..... الأمنجية لا يعلمون أن الإسلوب القمعي دا بولد .... ثورات ما بتفرز متي تتحول الشرطة لحماية الشعب....
|
|||||||||||||
|
|
 |
|
|
 |
 |
 |
Linear Mode
