الحصل أمس....ندعو الله ما يتكرر

[عبده مصطفي إبراهيم]

تنبهت لمشكلة التصفح ..أمس.. قبل العاشرة صباحا .....بتقويت هنا...أها قمت إتصلت بالشركة المستطيفة....قالو بيعملو في تحديث
قلت الله يستر....كل شوية أتصل يقولو لسه...بعد كم ساعة ...السيرفرر رجعت ولكن عملو حاجة غريبة....غيرو بالخطأ الترميز (encoding) لقاعدة البيانات كلها
وتحولت الي لغة لا يعلما إلا الله
ولأن المنتدي بالغة العربية قلت خلاص طمسهوا لان كل ما أتصل يقولو لسه شغالين في الموضوع
قلت هوي خليهم ....عملت نسخة جديد....ونزلتها وقمت بتغير الترميز...ورفعها مرة أخرة... أخذ هذا الوقت ما يقارب حداشر ساعة.
لان كل خطوة كانت يجب أن تتم في السيرفر المحلي قبل ما تمش للويب سايت
ونحمدالله إنو كانت هناك قاعدة بينات إحتياطي بالرغم إنها ناقصة سويعات
أها انا قضيت اليوم كدا
أها ورونا عملتو شنو لما تعزر تصفح المنتدي.....لان دي أول مرة

........................
مخرج: لا زلت ساكيهم...لمعرفة السبب

[عارف عبد الرحمن]

دي قلة أدب منهم .. خلاص سامحهم المرة دي .. وتاني لو كرروها .. الا أمرقنهم كرعينم .. انت عارف دي غيرة سااااااي والله ما لقوا زي عسل منعم ولا ذكريات عوض ولا مساهمات الشباب الحلوين ديل .. قاموا أتعاوروا كده .. عين واصابتنا أقروا الأخلاص بأخلاص عشرة مرات .. الله اديك العافية وتسك الخواجات لمن أعرفوا حاجة .. ودمت

[عبدالمنعم]

الأخ عبده لك التحايا و... القومه ليك
طوال فترة توقف المنتدى كنت أحس بمعاناتك وتخيلتك في كل ما قمت به من جهد وفقك الله.
فقط كنت أخاف من عدم وجود (Backup) ولكن الحمد لله لقيناك جاهز مويه ونور فقد تخطيت أول إختبار بامتياز شوية المشاركات الراحت كرامه وسلامه.

أخونا عبده حصل مشيت بيتكم لقيتو مافيش مستحيل طبعاً مش؟ أهو دا الشي الحصل بالضبط

اديك العافية اخي عبدو وانت دائما مهتم بالمنتدى والله انا قايل نفسي تهت عنه وطول الليل احاول وفعلا جات كتابه اول مرة اشوف نوعها
وكنت قايل دا فيروس الحمد لله
تخريمةاالظاهر انو جماعتك ديل زعلت بنتهم اعمل حسابك

بصراحة انا حاولت كثير امس ادخل المنتدى والجهاز رافض لمن فقدت الامل في عودته مرة اخرى لكن الحمد لله عاد الينا منتدانا متألقا بأهله كعادته بارك الله فيك يامديرنا العام

[صادق محمد عوض]

والله انا افتكرت انو الموقع تعرض للتهكر.... وانو في واحد هكر اجتاح الموقع.... لكن بحمد الله طلعت الحكاية رفرشمنت ... وكمان طلع مديرنا جاهز بالباك اب... مشكور اخي عبدو علي المجهود الجبار...وفي موازين حسناتك... واخيرا اتلم الشمل... وعادت المياه الي مجاريها....وغردت العصافير في حديقة فطيس....

والله جد يديك العافيه علي المجهود الخرافي لاعاددده المنتدي
وانشاء الله اخر مره

طبعا ثلاثه موايضيع نزلتها ولم اجد لها اي اثر
بس انشا الله برجعا

[محمد ابراهيم احمد ابراهيم]

تحياتى لك عبدو مـــــن بعيد
انا ما خشيت المنتدى عشان كدا ما ركبت ( ) هههههههههههههههههه

عوداً بلا انقطاع

مشكور الاخ عبدو مصطفى على هذا الجهد الرائع وربنا يخليك