سوق السجم (المتنرفز الزهجي)

الزول شقي ومن قام صقير
بي مويه الفول انفطم
عامل بسيط يكدح يكد
ياكل شقا ويجقملو هم
كل الظروف ماشابو عكس
والدين كتر فوقو اتردم
مرتو التقول فقاسه بس
دسته عيال مخموه خم
واحد بدور حق الفطور
وواحد بدور ياخد قلم
واحد مرض داير علاج
علشان يزول منو الالم
اما المدام كاوبوي عديل
مافيش عذر..لأ لن ولم
في البيت كمان ضافراهو ليك
ساقياهو من كاس الندم
يوم ابلكمش خاتالو كع
حنكو انفتل سنو انشرم
جلدوه بالمفراكه زيين
كفتوه ليك كف محترم
قالتلو قوم جيب الخدار
جيب الرغيف جيب اللحم
ماهيتو ما بتجيب خدار
مسكين اخوي ,ماهيتو كم
في الفول وفي العيش انتهت
كباها في السوق ابجضوم
يا حتيتا ماهيت السجم
مسكين اخوي من تاني يوم
فلس عديل جيبو اتخرم
ومن الندم مسك اصبعو
وعضاهو ليك لما انقرم

احلنا الحله بله