ماذا لو...؟

اخواني واخواتي اعضاء المنتدي اليكم مجموعه من الاسئله او الامنيات(ان صح التعبير) ماذا لو كنت/كنتي مكان هولاء الاشخاص ماذا انت فاعل؟
ماذا لو كنت صديق اوباما المقرب ماذا ستقترح عليه؟
ماذا لو كنت القاضي الذي حكم علي صدام حسين ماذا سيكون حكمك؟
ماذا لو كنت فنان لمن سوف تغني؟
ماذا لو كنت رئيس دولتك اول قرار سوف تصدره؟
ماذا لو كنت وزير الاعلام هل ستكون راضي علي ما تبثه القنوات الفضائيه؟
ماذا لوكنت ستختار اسما غير اسمك ماذا ستختار؟
ماذا لو كنت مكاني ماهو السؤال الذي تحب ان تضعه هنا؟

[عبده مصطفي إبراهيم]

لو كنت صديق أوباما ... بقترح عليهو ... قطع العلاقات الأمريكية الاسرائلية
لو كنت القاضي في قضية صدام ... لجعلتها أطول محاكمة في تاريخ البشرية تتواصل الجلسات يا مات هو يا مت انا طبيعيا
لو كنت فنان لغنيت لخلف الله حمد "الكان دا كا"
لو كنت رئيس السودان ... "15 دقيقة ولسه ما لقيت حاجة" ... أعفونا من دا
لو كنت وزير الإعلام ... لم ولن أكون راضي علي ما تبثة القنوات الفضائية السودانية خاصة
ما ريدتاً في اسمي لكن قالو خير الاسامي ما عبد وحمد ........خلينا في عبد دي
لو كان لديك الخيار في التصرف في قروش التوسعة للحرم 16 مليار... ح تعمل التوسعة ولا تحل بيها مشاكل الامة الاسلامية "الجيعانة"؟
وسؤال تاني
لو كنت سايق سيارة بسرعة الضو وولعت نور العربية البحصل شنو؟

لو كنت صديق اوباما كنت نصحته بأنه يسحب قواته الطاشة ببلاد الله بلاشغلة دي!
لو كنت القاضي في محاكمةصدام كنت حاكمته محاكمةعااااااادلة.
لو كنت فنان بغني غناي براي مابغني لزول لأنه الغناء سمح في خشم سيدو بس!
لو كنت رئيس الدولة أول قرار ح أصدره مجاااااانيةالعلاج
لو كنت وزير الإعلام ح كون راضية عن فضائياتنا مالها يايمة قنوات السرور!!
ماعندي نية أغير اسمي لأنه عااااجبني شدييييييد هو في أحلى من *الوفاء*
هو انتي خليتي لينا سؤال ثاني نسأله!

[عبده مصطفي إبراهيم]

وفاء مفترض... تجاوبي الأسئلة الفي الرد القبلك كمان
وتختي سؤال عشان يجاوبو البعدك بالإضافة للأسئلة الرئيسية

قروش التوسعة دي لو لقيتها برضو ح أوسع بيها الحرم لإنو الأمةالإسلامية ح تفضل جيعانةمهما أدوها ولن يغير الله مابقوم حتى يغيروا ما بأنفسهم...
لو سايقة عربية بسرعةالضوء وولعت النور ما حيحصل شيئ بس ح ادخل لي في عمود كهرباء ولاشجرةكبيرة
‏........................
سؤالي: لو كنت رئيس اللجنة الشعبيةفي فطيس اول حاجة حتعملها شنو؟؟ (هي فطيس فيها لجنة شعبية؟)

كل سنة وانت طيبة يا ام رهف لو كنت صديق لاوباما لنصحته يشوف ليه حجة غير القاعدة والثورات للحروب علي الشعوب لاننا عرفنا اللعبة ---لو القاضي علي صدام لحكمت عليه بالسجن حتي تهدا الامور وبعدين الشعب وهو اختار الحكم احسن صدام ولا احسن العراق الان كل يوم الناس تقتل في بعض --- لو رئيس السودان التعليم والعلاج مجاني -- لو وزير للاعلام امنع اي قناة من بث المدائح بالموسيقي لانها افقدت المديح معناه -- لو فنان اغني للفنان مصطفي سيد احمد-- لو امر بالتوسعة الحرم المكي الان كبير وين المسلمين عشان يوسعوا ليهم كلهم ماتوا احسبوا عدد الدول الاسلامية التي توجد فيها مشاكل اساعدهم بالقروش دي اولا --- لو رئيس اللجنة في فطيس اجعل كل الاعضاء من الشباب -- سؤالي لو كنت مدير قناة الجزيرة او العربية هل انت راضي عن الاخبار التي تبثها القناتين وشكرا

[صادق محمد عوض]

لو كنت صديق اوباما : كنت خليت واحد يديني ام دلدوم عشان أتأكد إني ما بحلم.....
لو كنت القاضي الذي حكم علي صدام حسين كنت سأتحري في حكمي العدل لوجه الله تعالي
لو كنت فنان كان حرقةً في السودان البقي كلو فنانين ده احرد وما افتح خشمي بي اغنية تب
لو كنت رئيس دولتي اول قرار شرع الله (الصح) والتطبيق بحد السيف فوق الكل
لو كنت وزير الاعلام بقوم بجلد كل الغنايات الفي السودان (تعزيراً) حلوة مش يا بتاعين القانون
لوكنت سأختار اسما غير اسمي لإخترت الصادق الأمين ..... فأي إسم غير الرسول أبغي
مسعولين من الخير......................... الحال في السودان بقي كده كيف؟؟؟؟؟؟؟ وين الخطأ ؟؟؟؟ في الحاكم أم المحكوم؟؟؟؟؟؟؟


والله طالما الشمار بجي في القناتين من خشم أسيادو......... ما بطال....... بس بدون أجندة خفية..... وخدمة لأهداف الغير......