الكــــرسي الســــــــاخن..يجلس عليه (-)

[نضال احمد]

السلام عليكم وورحمة الله

نضال...أبقي جاهزة

جاهزين جاهزين لحماية الدين
بس ياسر مهدي دا البقومو شنو؟؟؟؟؟؟؟

بس ياسر مهدي دا البقومو شنو؟؟؟؟؟؟؟

هي ما تصبري النلملم عفشي الجبتوا دا .

اها تفضلي


وهاك المس كول دا قبل ام محمد تدخل وتحيرني .

سيرتك الذاتية علي ان يشتمل علي الاسم - السكن - العمر - الحالة الاجتماعية - الدراسة - العمل - الخبرات ان وجدت - ..... الخ

بالتاكيد بجيك صاد

الأخ ياسر يقولون أن تأتي متأخراً خيراً من أن لاتأتي ولكن يبدو اني تأخرت كثيراً فلم أجد ماأقول سوى " حضرنا ولم نجدكم " لكن ما مشكلة الجايات اكثر من الرايحات .................................................. ..................................... نضال مرحباً بك ضيفة على الكرسي الساخن وزهرةً تعبِقُ المكان بأريج الحروف

أختنا نضال أحمد التحية ليك ولكل عضو يفصح عن نفسه دون الاسماء المستعارة والتخفى خاصة من بنات حواء حتى يسهل التواصل معها بكل شفافية وتكون الاسئلة مبنية
على خلفية بالشخص المعنى بالجلوس على الكرسى .... بما انكم ارتحلتم من فطيس استجابة لظروف الحياة من خلال هذه التجربة ماذا تقولين للذى ينوى الارتحال عنها ؟؟؟
ويسكن البندر وسلبيات وايجابيات هذه التجربة ليك ؟؟

[نضال احمد]

ياسر بي مهلتك اصلي ما شفقانة وانا بقترح انك تقعد لسه كم يوم
لانو واضح انو لسه في ناس عندهم اسئلة كتييييييييرة
مشرفتنا وفاء نموذجا وابو عبد الرحمن برضو ما جاء بيتك دا ووووو
فرايك شنو؟؟؟؟؟؟؟؟؟؟؟
وفاء :
شكراً جميلاً واتامل ان اكون عند حسن ظن الجميع

[نضال احمد]

السلام عليكم ورحمة الله
دخلت ولقيت عبدو قوّم ياسر وخت ليك اسمي فوووووووووق
عشان كدي
اتوكلت علي الله الذي لا يندم من توكل عليه
وقلت بسم الله
نبدأ

سيرتك الذاتية علي ان يشتمل علي الاسم - السكن - العمر - الحالة الاجتماعية - الدراسة - العمل - الخبرات ان وجدت - ..... الخ

الاسم : نضال أحمد محمد عبدالرحمن

السكن: الخرطوم - الكلاكلة

العمر:

عمري بروحي لا بعد سنيني..
فلأزهدن غداً من التســـعين..

(خليك حريف وتقرأ ظريف المره ما بسالوها من عمرها)

الحالة الاجتماعية: غير متزوجة

الدراسة:

اساسية الزهراء بفطيس

فطيس الثانوية المذدوجة

الجامعة الإسلامية - كلية العلوم - قسم الحاسوب وتقنية المعلومات

العمل: علي رصيف الإنتظار

فهو حلما صعب علي تحقيقة بعد التخرج وما زلت منذ 2009 احمل لقب خريج عاااااااااااااااااطل

الخبرات:

سبعة صنايع والحظ ضايع

- مدرس تطبيقات الحاسوب بمعهد اليونسكو تواصل بالكلاكلة اللفة

- البرمجة بلغة الفيجوال بيسك والدوت نت

- تصميم المواقع باستخدم

html-php-frontpage

ونظام ادارة المحتوي جملة!

(بعد اذن عبدو طبعاً)

[نضال احمد]

الاخ يوسف سعد الف تحية لك ولاسرتك الصغيرة والكبيرة

بما انكم ارتحلتم من فطيس استجابة لظروف الحياة من خلال هذه التجربة ماذا تقولين للذى ينوى الارتحال عنها ؟؟؟

نقل فؤادك حيث شئت من الهوي

ما الـــحب الا للحــــــــبيب الاول

كم منزل في الارض يألفها الفتي
وحنينه ابداً لأول مـــــــــــــنزل

سلبيات وايجابيات هذه التجربة ليك ؟؟

- نمط الحياة يتغير في المدينة ويسحب معه هذا التغير العديد من العادات والتقاليد والهدوء والحياة الإجتماعية

ايضاً هنا الزحام ومايندرج تحته من كثرة الحوادث وبعد المسافات وسوء الجو السائد في المكان لكثرة انبعاث الغازات من السيارات .. إلخ

بالمقابل قد تتوفر ظروف احسن للتعليم والعمل ومواكبة التطور و توفر الإمكانيات والخدمات .. إلخ

[عوض خضر]

نضال الله يديك العافيه

ساذكر لك عدة اسماء وارجو ان تكتبي عنهم مااستطعت دون مجامله وباسهاب لو امكن

الدكتور حسن عبدالله الترابي

المرحوم محمود محمد طه

المرحوم محمد طه محمد احمد

الاستاذ ه سعاد احمد محمد عبدالرحمن

المرحوم محمد الحسن سالم حميد

الاستاذه عائشه التجاني

يمكن ان نضيف لهذه القائمه اخرين لاحقا

من خلال سيرتك الذاتيه اتضح لنا تماما انك متخصصه في المعلوماتيه

مارأيك بكل وضوح في المنتدي من ناحيه تقنيه بحته

هل انت راضيه عن مشاركة المرأه في المنتدي علي وجه الخصوص وفي امورنا العامه اي السياسيه منها والادبيه بشكل عام

انت عشت صراع طويل لاخفاء هويتك في بداية انضمامك للمنتدي وبالذات معي ومع اخونا ابوعبدالرحمن ونجحت في اخفاء هويتك حتي

افرجت عن هذه المعلومات في الوقت الذي اخترتيه ماذا وراء الكشف عن هويتك هل هناك مستجدات ام انك مللت من التخفي خلف المناضله الجزائريه الشهيره

جميله بوحيرد ولماذا جميله بوحيرد تحديدا

الان وصلنا للقراءه

هل تركزين علي قراءات معينه وبشكل اوضح ماذا تقرأين فكر سياسه ادب غير ذلك ام خليط من الكل

السؤال المتفرع من هم الكتاب الذين يحظون باهتمامك فتسارعين لاقتناء كتبهم

طبعا حظك كده جاء دورك وانا متفرغ تب ماعندي اي ضغوطات عكس اخونا ياسر مهدي الذي جاء دوره في تداخل ضغوطات كثيره

ماتقييمك لوضع البلد الآن ومارؤيتك للحلول

وذي ماقتليك في الاول القائمه الفوق دي يمكن نضيف ليها اسماء مازلت امخمخ فيها

اخدي راحتك تب ماني مستعجل لكن متوقع اجابات مثاليه

طبعا ماطالبك مغصه ذي ماحتفكري اول ماتشوفي الكوم دا لكني اعتقد ان الكرسي الساخن فرصه

لجعل العضو اقرب للاخرين من خلال معرفة جوانب في شخصيته لاتبينها مشاركته العاديه

[محمد ابراهيم احمد ابراهيم]

Originally Posted by ياسر مهدى

ياعبدو ما تكشف الورق خليك حريف .

قبل ما نفارقكم محمد ابراهيم كان عندو طلب بسيط كدا ويا محمد ان شاء الله يعجبك المقطع دا .

وهاك الشعيرية دي .

فجر من الحسن الذي
كسر الجمود المستكين
ملاء المواني الساكنة
وتثاقل الزمن الكئيب
في لجة الالم الدفئين
وهنالك عند الشاطي الغربي
تصطرع اجنحة الشوق
المسافر
والمقيم
.
.
.
وبلحقك اخرا كان بقينا موجودين

مشكور الخال ياسر على الابيات الجميله



يا اخت نضال خليك جاهزه

[نضال احمد]

مرحباً اخ عوض:

والله ام محمد ما خاتية كان اتجرست الجرس ديك كلها
اسي انت اسئلتك دي كان تديني ليها بالقطارة
غايتو
هجمتني هجيمت السجم والرماد وتاني بتجي كمان !!!!!!!!!
ان شاء الله ربنا يسلط عليك كفيلك لحدي ما اقعد زول تاني
بمناسبة الزول التاني كدي اقترح لي زول اقتراح ساي لي الله والرسول سمح
اها اقول بسم الله وابدا بالرد

ساذكر لك عدة اسماء وارجو ان تكتبي عنهم مااستطعت دون مجامله وباسهاب لو امكن

1- محمود محمد طه :

لا اعرف عن الرجل غير انه شخصية مثيرة للجدل نشأ باسرة دينية وصوفية وقدم للدين اشياءً بمفهومه واجتهاده هو وحده لا احد غيره وكثير من الناس انتقدوا هذا الامر.......وكثيرين تكلموا فيه .......

عن شخصي طالعت كتابه الصلاة عماد الدين فوجدته يحتوي علي كثير من الدس والتدليس فلم اكرر التجربة بكتاب اخر
علي العموم الرجل افضي لمقابلة رب كريم وسيحاسب ان كان محسناً باحسان وان كان مسيئاً فهو بين يدي رب اسمه العفو

2- الدكتور حسن عبدالله الترابي:

سياسياً:

سيحاكمه الشعب السوداني يوما إن كان حياً أو ميتا ويقدم له الاتهام بدعم ومباركة حركة خليل وإذا ثبت عليه الجرم فلا شك أنه سيكون من زمرة الأشرار الذين مروا على تاريخ السودان والذين توصلوا لنيل السلطة بكل ما استطاعو من دماء وأشلاء مثله مثل محمد بك الدفتردار وجون قرنق ومنصور خالد وياسر عرمان والحلو وعقار

فكرياً وعقائدياً:

له اراء دينية مثيرة للجدل شانه في ذلك شان سالف الذكر محمود محمد طه بل واراه يسير علي خطاه النعل حذو النعل نخشي عليه نفس العاقبة

3-محمد الحسن سالم حميد:

شاعر عالمي صاغ لوحات شعرية كانت أكبر حجة وأعظم دليل أن العامية السودانية من أغني موارد الجمال والحكمة والثراء