الكــــرسي الســــــــاخن..يجلس عليه (-)

[نضال احمد]

عبدو ياخ شيل تاء تجلس دي وشيل معاك كرسي عارف الجابو لي ام رهف معاك عشان ياسر دا يجلس كويس في الكرسي حقك داااااااااااك
ياسر مهدي

ازيك ماك طيب

الاخ ياسر ماشاءالله بسحرووك عديييييييييل :

ام محمد الكلام علي الشماعة والحمد لله لسع حديد .

هاك الكوووووووووووووم المشكل دا :

والله كوووووومك لكن ما كوم .

ياسر مهدي رئيس جمهورية السودان يلا وريينا ابداعاتك ؟

والله جمهورية السودان زي حلة الكمونية .

رايك في انفصال الجنوب؟

شي لابد منة وان طال السفر بدون زكر اسباب وتطويل في الاجابة .

لونك الرياضي ؟

هلالابي باهت ، يعني ما متعصب .

ما الذي يعصبك في المرأة ويخرجك من شعورك؟

الكلام تقولوا مائة مرة اخوش بي جاي واطلع بي جاي ( مع الاعتزار لحواء ) .

هل انت مع تعدد الزوجات ام لا ولماذا؟

في الزمن العلينا دا لا (واحدة تكفي ) واحتمال نص بس .لماذا نسبة لان كيلة العيش بقت بي 40 جنية ( قايتوا العرسن ربنا ستر عليهم والماعرسن البورة الراجياهن )

رايك في اعتزار الرجل للمرأة هل ينقص من قدره ؟

يعني الاعتزار اكون بشي من الدبلماسية والخروج من التصريح المباشر انا شايف اكون احسن برضو نحن رجال ما بنرضا بالحقارة .

لو طاعتني النساء في ......................... لم تطلق واحدة ؟

( عدم وضع راسن مع راس الرجل في سرج واحد ) .

نصيحة منك لحل الخلافات الاسرية؟

اي خلاف انا شايف انة سوء فهم فقط وتسرع وتهور .
النقاش بهداوة .
تفهم وجهة الرجل ( لانة هو اساس البيت ) .
لو ما وصلوا لحل الخلاف انا شايف وجهة الرجل التمش وبعدين تاني تناقش بي هداوة .
ابعاد الاهل او اي شخص كان من المشاكل .
والرجل انا شايف يجب ان يكون متفهم لنفسيات المراة لان هنالك اوقات المراة بتكون خارج السيطرة علي اعصابها لاسباب هرمونية .

رايك في نسوان الزمن دا بصراحة ؟

متفهمات وواعيات اكثر من جيل ابائنا ( لو كانت المقارنة المقصودة ) بس دماغن ناشفة .

رايك في عمل المرأة ؟

ضد عمل المراة بصورة عامة الا تحت ظروف خاصة وعمل خاص ( تدريس مثلاً ) .

خارج النص

الكرسي دا حلفتك بالله شيلو معاك بيتك ....... اقول ليك قعد فيو اي زول غير ام محمد وليك علي وقسمت بالله

الولدة الجاية اسميو ياسر مهدي عددددددديل امكن كان سميتو ياسر تقول علي ياسر عرمان :

الا تجيبي لي فيزا وبعدين تاني نقعد نتفاهم والا والله الكرسي محمدك ومرمدك والكمدة بالرمدة .

لك التحيه استاذ ياسر وشايفاك نشيط ماشالله عليك .......

هاك الاسئله الخفيفه دى مانتقل عليك من البدايه ........

1/ مامدى علاقتك بالكتاب ؟ واى الكتب تستهواك ؟ وهل ترى ان الانترنت اصبح يغنى عن الكتاب ؟

2/ هل يمكنك ان تُكون انطباعا عن الشخص من خلال كتاباته ؟ وهل تستطيع ان تميز ما اذا كان الكاتب رجلا او امراه وخاصه فى المنتديات ؟

3/ هل تعتقد او تؤمن بوجود صداقه بين الرجل والمراه ؟ والى اى مدى ؟

4/ جيل اليوم رغم كل المعطيات .....تعليقك ؟ وكيف نجعله يشعربالمسئوليه اكثر ويترك الاتكاليه ؟

5/ لماذا لم نرى (ام ساجده) ضمن اعضاء المنتدى ؟ وهل لك تحفظ فى ذلك ؟ وهل ترى ان ثقافة المنتديات والانترنت عموما تناسب مجتمعاتنا ؟

وكان الله اراد بجيك راجعه .......

نضال مساك الله بالخير :

عبدو ياخ شيل تاء تجلس دي وشيل معاك كرسي عارف الجابو لي ام رهف معاك عشان ياسر دا يجلس كويس في الكرسي حقك داااااااااااك :

عاجبك كرسيك ابو شوك دا وزي ماقال المثل جلدا ما جلدك جر فية الشوك .

ياسر مهدي

ازيك ماك طيب :

[color="darkred"]والله بسطا ابقصوا منوا .[/color

]

ام رهف مساء رايع عليك :

لك التحيه استاذ ياسر وشايفاك نشيط ماشالله عليك ......

خليها ياسر ساكت .
دا من زوقك .

هاك الاسئله الخفيفه دى مانتقل عليك من البدايه .......

واسئلتك التقيلة كيف ياخي دي انا مرة اقيف ومرة اقعد ومرة ابرك عديل كدا عشان القاء لي اجابة مناسبة غايتوا جنس حك .

مامدى علاقتك بالكتاب ؟ واى الكتب تستهواك ؟ وهل ترى ان الانترنت اصبح يغنى عن الكتاب ؟

كانت زمان كويسة اما الان فغير موجودة بالمرة .
تستهواني نوعية الكتب الفكرية ( دينيا او سياسيا او علميا ) بمعني التي يكون فيها جانب التامل والتفكير اكثر من السرد التاريخي او الديني ويكون جانب التحليل فيها اكثر للوصول لنتائج .

يعني بصورة كبيرة ممكن ان يكون ( نعم ) نسبة لان النت بوفر الكثير من الكتب المكلفة اذا الواحد اشتراها وثانيا لاننا موجود امام الشاشة بصورة شبة يومية ولا نجد وقت في المنزل للاطلاع نسبة لوجود الاطفال واحتياجات البيت .

هل يمكنك ان تُكون انطباعا عن الشخص من خلال كتاباته ؟ وهل تستطيع ان تميز ما اذا كان الكاتب رجلا او امراه وخاصه فى المنتديات ؟

زي ما بقول المثل الكلام مغاريف الداخل ( بشتنت المثل مش ) يعني كلامك بحتوي علي دواخلك ومن هذة الزاوية يمكن ان احكم علي الكاتب بما يكتب .
والله اسلوب المراة وتفكيرها بختلف شوية من الرجل واهتماماتها ايضا بتختلف لذلك يمكن التميز ( في المنتديات صعب شوية لكن في الفيس بك سهل شوية وكتير ما لقيت ناس لابسين تياب ما حقتن ومن الصفحة يمكن ان تحكمي علي الشخص هل هو رجل او امراة ) .

هل تعتقد او تؤمن بوجود صداقه بين الرجل والمراه ؟ والى اى مدى ؟

دا سؤال كبير والاجابة علية ما ساهلة
العلاقة بين الرجل والمراة يمكن ان تكون زمالة او جيرة او علاقة رحمية او ود بلد في الاطار العام لكن صداقة كدا زي صداقة الرجل للرجل دي صعبة شوية طبعا في الفيس تسمي العلاقات صداقات ودي الجايبة المشكلة حدودها ما لا ترضاه لاختك لا ترضاة للاخرين .

جيل اليوم رغم كل المعطيات .....تعليقك ؟ وكيف نجعله يشعربالمسئوليه اكثر ويترك الاتكاليه ؟
جيل اليوم جاء في زمن شبة صعب والظروف صعبة بالرغم من انوا الظروف زمان برضو ماساهلة ولكن الاتكالية دي اعتقد انها تربية فالواحد اذا تربي من صغير علي الاعتماد علي الذات وعمل الاشياء بنفسة بالتاكيد بكون واحد كويس وبشيل نفسوا والاخرين عند الكبر لذلك التربية ليها دور كبير .

لماذا لم نرى (ام ساجده) ضمن اعضاء المنتدى ؟ وهل لك تحفظ فى ذلك ؟ وهل ترى ان ثقافة المنتديات والانترنت عموما تناسب مجتمعاتنا ؟

والله ام ساجدة العليها ما شوية وثقافتها الالكترونية مش ولا بد لذلك انا وجدتها فرصة وقلت بلاش وجع راس .
ليس لي تحفظ في مشاركتها بالتاكيد .
والله كل شي لية سلبياتهوا وايجابياتهوا وبالتاكيد ايجابيات المنتديات اكثر من السلبيات لذلك لايمكن ان نمنع الكثير من الايجابيات مقابل القليل من السلبيات .

وكان الله اراد بجيك راجعه .......

كفاك خلاص ما قصرتي دخلتي فيني عشطة زي عطشة رمضان الساعة خمسة ونص مساء .


بكرة ياجماعة الخير سوف نعلن العريس القادم فترقبوا الاخبار

[عوض خضر]

اخونا ياسر مهدي ازيك وشايف الحكايه مامسخنه عيني بارده

وين لايامنا ديك من منتدي طابت تسمع صوت الفرقعه والذخيره الحيه

تعال نحلم انا وانت بوطن ديمقراطي تسيطر عليه المؤسسات المنتخبه ومشروع الجزيره عاد لسيرتو الاولي والترع صارت شرايين لاتتوقف عن ضخ

الطمي والماء الي الحواشات والآليات الثقيله تجعل ليل الجزيره يطن كخلية نحل والقطن فاقع يقرقر والشفع مبسوطين ومبغبغين والبنيات

رويانات من خضرة الارض الطيبه وفي قلوبهن نبته خضراء والناس لاهم لها سوي تطوير الذات ومناقشة امورهم العامه في رويه

والشباب اسكت ساي جنس انبساطه ادارة مشروع الجزيره توزع في الخريجين علي الوظائف الراقده هبطرش والبحوث الزراعيه تعيد سيرتها الاولي

وتكون مكمن لاعظم علماء السودان والنيل يساير في الارض الطينيه ويلثم اطرافها والصرايات تعود غابات صغيره

والمحطات الما خمج وصرير القاطرات المحمله بالقطن طويل التيله في طريقها للمحالج التي تبدو من علي البعد كاعشاش النمل

واشتهيناك يالدروب النايمه من وقت المغارب

يامعالم في الطفوله رافضه تعبر للزوال

ياضجيج الشفع الفاتوا المدارس

في قلوبهم نبته خضراء بتروي منك ياعناقيد الجمال

ساكنه فيني بكل صورتك وامتدادك في الخيال

والعصير صوتك يوشوش

يهدي للجالوص بسيمه

ونحن نتكرف عبيرك

ونكهة الضل المرشرش

وريحة البن البكاري

جايه من عند طاقه تدوش

والحسان في سرب ازرق

والعيون مشتاقه تبرق

والقطن فاقع يقرقر قلبو قلبك يامروايد الكمال

فجأه تصحي علي صوت الواقع المر ماذا انت قائل اتمني ان تترك خيالك يتواثب دون قيود

عوض خضر وانا بقراء في مقالك تذكرت معلقة امرؤ القيس .

قفا نبكي :

لعلها تبرد حشاك من النار الموقد فيك بابيات مختارة من المعلقة وهي ان كان الشاعر اراد لها شيئا اخر فاعتقد انها تشبة حالك في الوقوف علي اطلال الجزيرة المجازاً نطلق عليها خضراء .

قفا نبك من ذكرى حبيب ومنزل
بسقط اللوى بين الدّهول فحومل
.
.
ففاضت دموع العين مني صبابة
على النحر حتى بل دمعي محملي
.
.
وليل كموج البحر أرخى سدوله
علي بأنواع الهموم ليبتلي
.
.
ألا أيها الليل الطويل ألا انجلي
بصبح وما الإصباح منك بأمثل
.
.
فظل طهاة اللحم من بين منضج
صفيف شواء أو قدير معجل

وان كان لم نصل لحال الشواء إلا ان الحال من بعضوا .

اعتقد انة قد حان الاون لنترجل
وللاصابهم رزاز كلام معليش
وللاجابات التي لم تكن موفقة في نظرهم نقول ياها دي الدنيا ( الاختلاف واجب وطني )
ونشكر كل الذين تدخلوا معنا ( عبدو - ام محمد - عبدالعزيز خيرالله الحسن - ام رهف - عوض خضر - محمد - نضال .... الخ ) ان شاء الله يوم شكركم ما يجي والتحية للزوار الكرام وان شاء الله نتاوق ليكم كدا وانتوا قاعدين جنب النبي محمد صلي الله علية وسلم .

وارشح نضال احمد

في جماعة بكونوا انبسطوا خالص خالص لكن الدنيا حا تدور وتدور

[عبده مصطفي إبراهيم]

لك التحية أخ ياسر وما قصرت تب...

لكن بالغت فيها دي....أم محمد وعدتك بالإقامة ولا شنو

نضال...أبقي جاهزة

ياعبدو ما تكشف الورق خليك حريف .

قبل ما نفارقكم محمد ابراهيم كان عندو طلب بسيط كدا ويا محمد ان شاء الله يعجبك المقطع دا .

وهاك الشعيرية دي .

فجر من الحسن الذي
كسر الجمود المستكين
ملاء المواني الساكنة
وتثاقل الزمن الكئيب
في لجة الالم الدفئين
وهنالك عند الشاطي الغربي
تصطرع اجنحة الشوق
المسافر
والمقيم
.
.
.
وبلحقك اخرا كان بقينا موجودين