عطل مفاجئ

تعرض لوعكة مفاجئة الزمتي السرير

وعلية سوف اتغيب لمدة اسبوع

ودا بمثابة ارنيك مرضي

عشان ماتقوا كبينا الزوغة

او قدينا سلك

اها فتكم بي عافية ( حسن )

[عبده مصطفي إبراهيم]

سلامتك ألف سلامة.......ياخ الزول لمن يلزم السرير بلقا فرصة اكتر يدخل النت
ولا بقلعو منك الكومبيوتر
تغيب وتجي بالسلامة

[مأمون عبد الله النور]

الف لابأس عليك أخونا ياسر

اخونا ياسر سلامتك وخرفان الضحية كلها كرامتك وهاك دى....
سلامات عوافى ياسمح الطباع والذوق
وسلامات عوافى يالبيك منتدانا شروق
ابوساجدة الظريييف الال بيدخلو نروق
سائلين الكريم ترجع نبل الشوق
وزيدك من الشعر بيت وقالو المؤمن اذا مرض خصه الله بثلاث خصال :
يكفر الله عنه سيئاته قول واحد
يضاعف الله له فى اجره قول اتنين
يضاعف له فى رزقه قول تلاتة والاخيرة دي بتكون محسوسة يعنى هاك ياشوربة وهاك يانشا وهاك ياعصر تحت المخدة تلقى نفسك اكلت اكل انت نصيح مااكلتو دا غير الموز والبرتكان وعصر تحت المخدة تنهال عليك الكنجالات
من حيث تدرى ولا تدرى ... وكدى ارفع المخدة شوية دى حاجة بسيطة كدا ... دعوة نسأل الله العظيم رب العرش العظيم ان يشفيك

[عوض خضر]

ياسر مهدي سلامات يازول يارائع

نسأل الله لك عاجل الشفاء وان شاء الله اجر وعافيه

الحلوين ( عبدو - مامون - يوسف - عوض - والزوار ) .

ان شاء الله ما تشوفوا شر

وليكم وحشة

وتسلموا للمرور الكريم