فوائد الصلع

[عبده مصطفي إبراهيم]

ههههههههه......موضوع الصلعة دا بتاورك.....ذي ذول الضرس...بتورك من النوم
الناس دي خلاص قالو الذول دا إنشغل شوية تجي تاني تهبش

[عارف عبد الرحمن]

القوها عند غافل .. قال نساها قال .. أخلي الجماعة ياخدوا صنة كده وهب أعيد الحكاية تاني من الأول .. وانا داخلني حلف الموضوع دا ماني سايبوا .. والمارضيان أمش الأنتربول أجيب صحن فول

[عبدالمنعم]

أشهر صلعة في التاريخ والورقة دي إسمها (أبو صلعة)

[عارف عبد الرحمن]

عشان الصلعة دي نحن ما مشينا لمكانو .. جينا مكان القدامك دا.. يعني صلعتكم مهما تقيمت مافي ليها طريقة عندنا شوف غيرا

[BIMG]http://www.yabdoo.com/users/10938/gallery/970_p25841.jpg[/BIMG]

الاخ ابو عبد الرحمن لك التحية وانت ماتنفك وتدي الجماعة قرصة
نحن لسع بنمشي الحلاق كل اسبوع وشوف الصورة علي الفيس

[عارف عبد الرحمن]

تحياتي عبدالعزيز وربنا أكفيك الصلع ومادام بتمشي الحلاق ما بطال .. بس أكيد جاية كتر الطرابيش زي سيف الجامعة

عصافير
نبّتَت جِنْحات
وطارت
للغيوم بيهَا
مسافرِ من فرح لشوق
ونازِل
في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بْتلقَى البِلاقيها

[عارف عبد الرحمن]

مفاجأة من العيار الثقيل للأخوة أصحاب الصلع فجرها اخونا عبدالله خيرالله لعلاج الصلع وللذين يودون انبات الشعر عليهم بأخونا عبدالله وسوف يشرح كيفية التركيبة السحرية لتلك الوصفة .. وعناصرها بسيطة ومتوفرة بكثرة .. المطلوب هو دبال الحمام (دوبال)(زبالة ) ولا يهمكم بسيطة عشان العلاج تهون .. مع عجين خميييييييييييييييييير .. التركيبة وكيفية الأستعمال عند الأخ عبدالله وبالمجان كمان ...

[عارف عبد الرحمن]

الاخوة الكرام كل عام والجميع بخير وكتر خير الاخوة الكرام علي السؤال وزي ما قال مأمون نحن في ختام السنة وعندنا قفل موسم ومراجعة وزنقة عمل شديدة .. شكراً لأخونا عوض وهيثم ومنعم وكابلي وحريش وكل من سال عنا .. وأخترت هذا المكان بالتحديد عشان اطل به عليكم بعد الغيبة القصيرة دي .. ومن خلال هذه النافذة اللامعة اود الترحيب الشديد بأخونا طارق عبدالسلام وحبابك وحباب حضورك الانيق كما شفتك مع الرشيد المهدية في قناة الشروق وحاجة تفرح وبعد الكلام الجميل والمعلومات القيمة عجبتني الصلعة الناصعة جداً ولا كلام .. كده الصلع ولا بلاش .. بالله عملتها كيف والله الواحد لمن أتكيف .. تقولي أمير حمدان ؟حبيبة صلعة وطالع بينا الجو.. لك التحية ولأسرتك الكريمة والأهل بالأمارات ودمت

[عبدالمنعم]

علي الحرام يا عارف العندك دا كلكي عديل كده وإسمو الخوف من التصليع وداير ليك فكي ... الحق روحك الصلعة هينة

[عارف عبد الرحمن]

أبداً ياحاج منعم الصلع لن يعرف طريقه لنا لأن أرضنا طيبة وخصبة ..وذات فعالية عالية لا تعرف الجدب ولا اليباب .. تتفتق فيه زهرات بيضاء منثورة هنا وهناك توقره وتجعل الفل يأتينا صباح مساء بعبقه وطيبه وبريق سناه ..