الكــــرسي الســــــــاخن..يجلس عليه (-)

[عوض خضر]

عبده جيتك
مازلت اذكر الارديه والغبشه واظنك اعطيتها حقها في بوست سابق والطريق المترب الطويل الذي يجعل الاقدام تغوص في ( الفرناقه ) اتحداك ان تعرفها والاحاديث الصبيانيه والقنطره وسور العوير الكثيف وجدول رقراق وفتيات هزيلات يتشحن الاخضر وشنطة دمورية تئن من ثقلها ومرور بحواشة ناس محي الدين الحسين ثم جنينة المجلس او كما كنا نسميه كوع الجنينه وساعود للتحدث عنه في بوست كامل ثم بيوتات فرج الله وهنا نكون دخلنا الحله بحدودها الجغرافيه المعروفه
اساتذه كثيرين كانت ترتعد فرائصي عند رؤيتهم في الابتدائي كان يوسف بله واحمد شنان اما في المتوسط فكان الامر مختلفا قليلا لايوجد ذلك الخوف لكني كنت اخشي حصة الرياضيات والاستاذ مبارك احمد حامد واقول لهم جميعا طبتم وطابت ذكراكم اكن لكم كل العرفان مع بعض الشوائب في حالة الاستاذ يوسف بله واحمد شنان انا ضد العنف حتي لوكان للتلقين

[عوض خضر]

عبده السودان كان جاهزا للديمقراطيه منذ استقلاله ومارسها السودانيين في ذلك الحين اذا فاز المرشح عمر البشير بطريقه نزيهه ساقول لاول مره منذ يونيو 89 اننا نفضنا بعض همومنا لالفوزه ولكن للطريقه التي سيحكم بها لاحقا وكما قدم اخونا كابلي من قبل مشكلتنا ليست فيمن يحكم السودان وانما في الطريقه التي يحكم بها لك الشكر اخونا عبده اظنني اجبت عن اسئلتك كلها

[عوض خضر]

ودالخليل حبابك واليوم السعيد الليله جابك ذكرتني قصه اسمح لي ان اذكرها للاخرين قبل ان اجيبك علي سؤالك كنا نحتفل بشكل دائم في الضباب بالمناسبات العامه كرابطه كانت نشطه في ذاك الوقت تخريمه الناس في المحطه كانوا يكرهون ان يسمي احد المحطه بالدريسه، داب اخونا عثمان الخليل واخواننا السر ابوزيد ومامون عبدالله النور علي مناداتنا باولاد الدريسه دعونا اخونا عثمان لاحد احتفالاتنا وكان النادي مكتظا عن اخره بالعوائل ومكبرات الصوت فنادي اخونا عبدالهادي عبدالحفيظ علي عثمان الخليل عبر مكبرالصوت ووضعه في كرسي ساخن شبيه بهذا ساكمل لاحقا استاذنكم ساعود

[عثمان الخليل]

عوض خضر انا عارفك فالح فى الاجابة على حاجات كتيرة جدا لمعرفتى الوثيقة بك لكن لما سالتك كنت عاوز اجابة مش تذكر القصة من اولها لأخرها فقط ماعنيته هو شرح
لكلمة الدريسة فرجاء جاوب على قدر سؤالى فقط ولك التحية

[عوض خضر]

وساله بشكل مفاجئ ليه بتقولوا للمحطه الدريسه مازلت اذكر وجه اخونا ودالخليل وعيناه ودورانهما السريع حول الجمع الذي كان صامتا كان علي رؤوسهم الطير انكر اخونا ودالخليل وتلجلج واستعان بابتسامه مغتصبه وخرجت الكلامات كالحشرجه ثم غادر المكان لا يلوي علي شئ السكه حديد تسير علي ثلاثه محاور هي الهندسه الميكانيكيه وهو قسم يكون علي راسه مهندس ميكانيكي ويضم كافة اهل الدعم الفني من ميكانيكيه وسائقين وغيرهم القسم الثاني الاداره وهذا لايحتاج لشرح يضم الهرم الاساسي لادارة المصلحه من المدير العام الي اخر عامل في مكاتب الاداره اما القسم الاخير فهو المعني بالامر اظن ان كلمة دريسه جاءت من كلمة درَس اي سوي الارض والله اعلم لو لدي احد الاخوه معرفه وثيقه بالامر فليحقني به ، قسم الهندسه المدنيه وهم المعنيون بمد الخطوط الحديديه وصيانتها اهل القري المجاوره يطلقون علي المحطه دائما اسم الدريسه قد يكون اطلاق للجزء وارادة الكل وقد يكون لان لايرون كثيرا الا عمال الدريسه علي الخطوط وقد يكون نسبة لان نقاط الدريسه الفرعيه منتشره في القري نفسها كنقطة ام دوانه وغيرها اتمني ان اكون اجبتك حبيبنا ودالخليل

[عوض خضر]

خالد ماناسيك والله لكن اسئلتك تحتاج لتحضير فارجو ان تمهلني قليلا وسارد عليك انشاءالله حتي لوتاخر الرد مزنوق حبتين ومسافر الرياض ولااعرف الظرف حايكون كيف لكن ساحاول جاهدا ان ارد عليك تخريمه اخشي ان لايكون عندي امكانيه لدخول النت في الايام الجايه

[عبده مصطفي إبراهيم]

حتي الفرناقا يا عوض كملت من أطراف الترع........سو بيها طوب احمر
اها كدي عرفتها ليك ولا لا

[عثمان الخليل]

ياعبده عوض عاوز يستهبل عليك بس طلعت جدع فشلتوا والله انا كنت مستنى ردك قلت يمكن تكون نسيت .

[مأمون عبد الله النور]

عوض خضر -حبابك -مساءك فل
والله ما فضيت ليك لي هسع .. لكن وقت جبت سيرتي قلت النديك الفيها النصيب .. إت الدريسة مالها كنتم مابينها ... بعدين شتت لي خلي أفكاره لأنه أنا عافه عنده بقيت أسئلة
وأنا متابع مواضيعك جيد ... وقاعد ليك للحفلة الختامية علشن أرص ليك كلامي مع وصية من السر الطاري
وتجاوب لينا عليه بالتفصيل الممل .. والله أنا عارف خليته علشان قاعد معاي في مكة .. لكن إت تب ما بخليك ... ومشرك لي لي زول تاني الله يجبوا لي
والله يدينا الفي مرادنا
ود الخليل كمل سؤالك .. عارفوا فيه باقي كمله وأنا معاك

ملوحظة : أنا مزنوق إمتحانات بس أخلص وبفضى ليك

[moawiah ahmed salim]

السلام عليكم اهلنا طيب بعد ما جبتو سيرة الاكل اتفضلو لي جاي