|
|
07-18-2010, 02:02 PM
|
#51 | ||||||||||
|
ناس حزب ابو صلعة ما فضلت ليهم فرضا ناقص يا ابو عبد الرحمن...... كمان جابت ليها تأمين..... اصلو صلعة وله همر...... طيب ونحن ناس الشيب ديل ما لقيتو لنا دباره؟؟؟؟ |
||||||||||
|
|
07-19-2010, 08:03 AM
|
#52 | ||||||||||
|
الأخ حريش مشكلتك بسيطة جداً والدبارات بالكوم بالنسبة للشيب .. شوية صبغة ولا حنة وأنتهي البيان .. ولا تأمين ولا يحزنون .. وتمشي الهويني وتضرع كمان وممكن تقنطر العمة وتشنقا .. بس أخوانا أصحاب الأمير أقصد الصلعات مافي ليهم شنيق عمم ولا طواقي ..ولا بقدر أضع العمامة علي الكتف لزوم الفنجرة وكده .. بزل كل الجهد في دسدست المعيليمة وأذا كان الشعر ناعم شوية أشيل من هنا والصق هناك ويا ويلك وكشف حالك لو جاء هواء وظهرت العجايب والأماكن الفاضية والجرداء ...
|
||||||||||
|
|
|
07-21-2010, 03:34 PM
|
#53 | ||||||||||
|
|
||||||||||
|
|
|
09-09-2010, 10:12 PM
|
#54 | ||||||||||
|
كل عام والشعر تمام .. ومموج ومسرح .. طبعا الجماعة أفتكروا أني نسيت الموضوع .. وما عارفين أنا راقد لي فوق رأي .. المهم سؤال برئ للأخ أمير الناس العندهم شعر قبل العيد بمشوا الحلاق عشان أظبط الشعر وحلاة قطعية وحركات كده .. أنت بتعمل شنو ؟؟؟؟؟؟؟؟؟
|
||||||||||
|
|
|
09-15-2010, 06:46 PM
|
#55 | ||||||||||
|
أخونا الأمير تحياتي وعيد سعيد .. وربنا أحقق مقاصدك وامانيك .. شايفك عملت نايم من موضوع المخنفسين وانا داخلني حلف الموضوع دا ما بسيبو ما بسيبو .. ولو تدخل فيهو البنك ..أقصد البوليس الدولي الانتربول .. بس لاقتني حكمة عجبتني .. بتقول الخبرة مشط تقدمه الطبيعة للأنسان عندما يتساقط شعر رأسه .. الكلام كيف .. صحيح ولا نقة ساي .. هو المسكين شعر رأسو تساقط .. المشط ليهو شنو .. الفلهمة العمياء وشيل البطارية في القمرة .. مايها زاتا
|
||||||||||
|
|
|
09-15-2010, 07:08 PM
|
#56 | ||||||||||
|
لا يصلح العطار ما افسده الدهر..... اي معالجات لمسألتي الشيب والصلع لا تجدي فتيلا..... يعني لا بتنفع زراعة شعر للاصلع ولا صبغة او حنة للاشيب.... والمفروض الواحد يرضي بوضعو علي اي حال...يكون واقعي زي ابو وعووووووووووووووووووده اخونا عاصم متعامل مع مسألة الشيب دي بكل شفافية.... مش زي حريش والنور ود جدة....هاك يا حنة... |
||||||||||
|
|
|
09-16-2010, 09:18 AM
|
#57 | ||||||||||
|
الصبغة بتدس شوية بس الصلعة وكمان معاها شنيط بناطلين .. الأ يعمل ليهو طربوش زي حق سيف الجامعة .. أصلو السترة والفضيحة متباريات .. كان قبيل الواحد أقتنع ولبس ليه جلابية ممكن العمة تستر البتاعة .. ولا طاقية شوية الحكاية بتكون مبلوعة .. بنطلون وشكة وكمان معاه عطر ألفت النظر .. يعني المعني أنا مصلع ولا هاميني .. تخيل الواحد ماشي مناسبة فجأة والناس ماشين .. وأنت قلت دقيقة أغير ملابسي .. تقوم تدخل الحمام بسرعة .. البشكير حأفقع مرراتك .. بسرعة المشط حتسرح جنبة والتانية لا.. الجماعة بره أكوركوا ليك .. المشط أطير من أيدك تسيب التسريح ..مويتك سايلة جنب أضانك .. أكيد المنظر دا في مخيلة الكثيرين .. وأحتمال أكونوا مروا بالأمر دا .بس ناس أخونا الأمير وحزبو بكونوا مستغربين في كلامي دا ..ياخي أنت خيالي جدا بس شوية منديل ورق والحكاية خلاص .. ورق ؟؟ ورق في صلعتك دي .. والله الكلام دا تقولوا لود الخضر الأ أمرقنك كرعيك ..
|
||||||||||
|
|
|
09-16-2010, 10:14 AM
|
#58 | ||||||||||
|
يقولون ان الصلعة دلالة علي الفلهمة.... وناس الصلع دائما عايشين دور الفلاسفة.....وكلامم بيكون مقعد خلاص..... وهم اساس مصطلح الرجل المثقفاتي....ونهائي كده (مع الحركة الشهيرة للنجم جمال عبد الرحمن ) ما بيقتنعوا بكلام الاخرين.....كما انو ناس الشيب عايشين دور الوقار والاحترام وعاملين فيها انهم ناس الحكمة.... |
||||||||||
|
|
|
09-16-2010, 02:30 PM
|
#59 | ||||||||||
|
طلع لي واحد في فطيسنا دي فيلسوف .. والله الا تنتظرني أنا لما أكبر شوية واصلع ليك .. ممكن كلامك أكون علي الواقع .. أما حكاية المصلعين دي فلاسفة .. دا كلام وهم سااااااااكت .. عاوزين ليهم حاجة تستر البتاعة وما لاقيين ... بالمناسبة كلما نتلاقي مع أخونا مأمون وأكونوا في ناس غرباء الا واشير الي أنو أنا أكبر سنا منو .. طبعا هو مع الصلعة الما خمج والشنا جابت ليها رخرخة .. عشان كده دايما أقول ناس عارف ديل أكبر مننا بكتير .. المعني الصلعة دي حقت فهم وفلسفة ما حقت كبر وكدة .. شفتوا الصلع بتعلم في أيه .. وما زال سؤالي موجه لأخونا أمير الناس قبل العيد بتمشي للحلاق عشان تظبط الرأس .. أنت بتمشي وييييييييين ؟؟؟؟
|
||||||||||
|
|
|
09-16-2010, 05:58 PM
|
#60 | ||||||
|
زائر
|
والله يا امير الزول تاني قام جاب سير البحر ما مخليييييييييييييييييييييي يك |
||||||
|
|
 |
|
|
 |
 |
 |
Linear Mode
