|
07-13-2011, 10:38 AM | #51 | ||||||||
زائر
|
البلبصة ( والله فلانة دي بلباصة خلاص ) البرطمة ( بتبرطم براك مالك ) الجقلبة ( خليته يجقلب ساي ) الشربكة ( الليله يحلها الشربكها ) |
||||||||
07-13-2011, 10:45 AM | #52 | ||||||||
زائر
|
البلبصة ( والله فلانة دي بلباصة خلاص ) الكشكرة ( كشكرت ليه ساي ) الشربكة ( الليله يحلها الشربكها ) البرطمة ( بتبرطم براك مالك ) الجقلبة ( خليته ليك يجقلب ساي ) العكلته ( والله ده زول عكليت خلاص ) |
||||||||
07-13-2011, 01:55 PM | #53 | ||||||
زائر
|
دراسه فى المدرسه س + ص فى واحد لاقتو فى شغلو كلام ودراسه عجيبه نق تربيع علم خارم بارم |
||||||
09-04-2011, 09:47 PM | #54 | ||
مشيت قلعتو من بطن الواطة ... لانو كلامنا الساكت ما بنتهي *************** نقرِف لي القرين فرت دي راديكم دابشخشخ مالو .... زح راسك دا ماضاريني خليتك لي الله ........... محاولاتي اليائسة النوم النوم ... النوم تعال النوم تعال ... بديك ريال النوم النوم ... بكريك بالدوم ................دوم شنو يا ذول ... النوم كان داير يجي بغير رايو......... ؟؟؟؟؟؟؟؟؟؟؟؟؟؟؟؟؟؟؟؟ جملة قدر ما حاولت افهما غلبني "إنت الزول دا شلت ليهو الفاتحة في أبوهو" مع العلم إنو الفاتحة علي روح الميت
|
|||
12-26-2011, 09:47 PM | #55 | ||
مشيت جيت راجع للكلام الساكت عترت لي الجملة دي "الزول دا قامت ليهو صلعة متين؟" فسروا لينا كيف تقوم الصلعة ولنساء المنتدي أدخلن العبارة دي في جملة مفيدة "حلات لِق لِق"
|
|||
01-08-2012, 07:48 PM | #56 | ||||||||
زائر
|
جيتكم بسلسلة من كلامنا الساكت "المقطوع من الراس" الدردحة: زول مدردح بمعنى إجتاز دورات وإختبارات الحياة. اللحلحة:تختلف عن الدردحة في إنه الزول الملحلح يستخدم دردحته في الوصول الى مبتغاه بأعجل مايمكن. المشاتر: هو صاحب الرأي الأخرق الذي يخالف الجميع يعني الناس كلها تقول يمين هو يقول شمال. المتشوبر: هو الذي يحاول أن يفعل شيئا" لايستطيع القيام به لإن مؤهلاته دون ذلك. مدنكل :الشئ المظبط شكلا" وموضوعا" زي سرقة الحرامي داك للعملات التسعة من الزول داك دي كانت "سرقةمدنكلة" اللغوسة:الشيئ غير الواضح الماماشي عديل والزول الملغوس الماعنده مبادئ ثابته والأكل الملغوس الذي لايحتوي على قيمةغذائية "لغاويس ساي" الشي المجوبك: الغير منظم تم عمله دون تدبر او ترتيب زي موقف المواصلات الجديد ده الجهجهه : الشيئ غير القاطع "خطوبه مجهجهه، تشكيل حكومي مجهجهه ،ومشاركةاحزاب مجهجهه وبعض الفاظنا الشائعة التي نستخدمها في التشبية :خليت خشمه ملح ملح، خليت ريحته طير طير، أرع بي قيدك ،الزول ده أصله مارق للريبة والتلاف ............................... ولنا عودة انشالله |
||||||||
06-09-2013, 08:31 AM | #57 | ||
كلامنا الساكت دايما بنجيهو صادين وهنا فنون الرد ﺍﻧﺎ ﻣﺎﺷﻲ ::::::: ﺗﻤﺸﻲ ﻣﺎ ﺗﺠﻲ (تمش علي بطنك ) ﻣﺎﺷﻲ ﻭﻳـﻦ ::::: ﺟﻬﻨﻢ (ومرات السما اللحمر) ﺍﻧﺎ ﺟﻴﺖ :::::: ﻭ ﺍﻋﻤﻞ ﻟﻴﻚ ﺷﻨﻮ ﺍﻧﺎ ﺍﻧﺎﻃﺎﻟﻊ ::::: ﺗﻄﻠﻊ ﺭﻭﺣﻚ ... ﻧﻌﻢ ::::: ﻧﻌﺎﻣﺔ ﺗﺮﻓﺴﻚ ويمكن تزوزي بيك ﺷﻨﻮ ::::: ﺷﻨﻴﻨﻪ / ﺷﻠﻮﺕ ﻟﻴﻪ ::::: ﻳﻠﻮﻱ ﺣﻨﻜﻚ ﺍﺑﻴﺖ ::::: ﺍﻟبببو ﺍﻟﻴﺸﻘﻚ (ومرات الليخنقق) ﺍﻧﺎ ﻗﺎﻳﻢ ::::: ﺗﻘﻮﻡ ﻗﻴﺎﻣﺘﻚ ﺩﺍﻳﺮ ::::: .. ﻳﺪﺭﺩﺭﻭ ﻟﻴﻚ ﺍﻟﺸﻄﻪ ﻓﻲ ﻋﻴﻮﻧﻚ ﻣﺎ ﺩﺍﻳﺮ ::::: ﻓﻲ 60 ﺩﺍﻳﺮ ﺁﻛﻞ ::::: ﺗﺎﻛﻞ ﺍﻟﺴﻢ ﻋﺎﻭﺯ ﺃﻧﻮﻡ ::::: ﺗﻨﻮﻡ ﻣﺎ ﺗﺼﺤﻰ ﺳﺎﻋﺪﻧﻲ ::: ﺷﻐﺎﻝ ﻣﻌﺎﻙ وبرضو الناس طيبة ...وفالحة
|
|||
06-11-2013, 09:04 PM | #58 | ||||||
زائر
|
بالمناسبة دي
والله والله أقوم عليك أدقك دقة الكلب الأكل الدريش بس سبحان الله من نحن صغار وأنا نفسي أعرف الكلب دا بياكل دريش وكان أكل دريش بسفو سف ولاكيف بلاي |
||||||
06-11-2013, 09:35 PM | #59 | ||||||
زائر
|
قايتو جنس ردود كدا
أها لما تسأل زول عن حاجة وتقول لي ماشفت لي كتابي وين يقول ليك تشوف العمي اليعميك أو اليلايسن ليك بلاي بعد أعمي بشوفو كيف يعني وتاني أجري الجراية التكسر كرعيك |
||||||
06-12-2013, 10:52 AM | #60 | ||
بعض اختراعات الشعب السوداني التى دخل بها الموسوعه اول من استخدم السفنجة كأداة للقتال..(واللبع) علبة النيفيا كمستودع للتمباك .(حُقة). طاقية بتاع المرور المرتشى ك جزلان .. راس البيت ك مخزن . لستك العربية يختو فيهو طشت الغسيل علبة الصلصة ك كوز مزيرة .. قرون الخروف واغطية الحلل ك دركسون عند الشفع .. نحن اول شعب استعمل موية النار في نظافة الأسنان نحن اول شعب يضيف للجبنة حاجات أكثر من البن نفسه .. جنزبيل .. قرفة .. دواء .. الخ نحن اول شعب يستعمل الامواس كبرايات ..! كلمات تحتاج الي فتيش... الواطة فللت مشينا ليهو الضحى اللعلا كدي تُــر لا ورا خليني اتفرجخ قبلي طيب اتفن هنا خلاص انت اترزع هناك
|
|||
|
|
|