|
05-17-2010, 07:39 AM | #41 | |||||||||||||
مشرف المنتديات الأدبية
|
Quote:
اسلوبك عاجز ويحوي معاني الإحتقــــــــار ما أصلك زول ساااااي وبتتكلم عن الهُـــرار كدا إتخطيت الحدود وأشعلت فتيل النـــــــار إما أن تعتذر أو نحن بنجيبــــــــــــــــو التار
|
|||||||||||||
05-18-2010, 06:23 AM | #42 | ||||||||||||
مشرف المنتديات الأدبية
|
عيان يا طبيب وشفايا فـــي الهالكاني معسـولة البنات البي الحنان غامراني مـلـيـان بـيـها لـي حد الشـقف مالياني آه انا يا طبيب مـــا ذبت من احـــزاني
|
||||||||||||
05-18-2010, 07:46 AM | #43 | ||||||||
|
معروف ارجو ان لايتوقف هذا الهطول الجميل بس الواحد للاسف عاجز عن المجادعه |
||||||||
05-18-2010, 10:56 AM | #44 | ||||||||||
|
[grade="00008b ff6347 008000 4b0082"]وين بنتا قبيل فرع المحلب مقيلا والصندليه برودا ما بتحمل شمس من القمر ميروده ضرب الليف مع الصابون مجلي خدودا و ناس احلق كري ما بيلحقوا لي بلودا[/grade] |
||||||||||
05-22-2010, 02:31 PM | #45 | ||||||||
زائر
|
ومددت كفي بالسلام لكن كفك في الطريق ترددت وتعثرت وكأنما كفي حرام... ورفعت رأسي من جحور كآبتي وأدرت عيني في المكان وكنت أنت قبالتي عيناك نحوي تنظران عيناك وأخضّر المكان وتسمرت عيناي في عينيك ما عاد المكان أو الزمان |
||||||||
05-27-2010, 01:08 PM | #46 | ||||||
زائر
|
جات تقدل عصير في إيدا شايلة كتابه دي بت ريل الهويته الما بيزكو نصابة صابتني الرجفة والحمى والكبكابة إرتج البدن والروح بقت قانصابة وأنا إتحيَّر براي في قدلتها الماشابه |
||||||
05-27-2010, 01:55 PM | #47 | ||||||||
|
ود نورين ما شاء الله عليك .. الخميس شكلك فاضي ومكوع ناقص ليك عبار حليب وتجغم .. وهاك جقليب في المنتدي .. ماخدو مقاولة .. خلوه عندو فروقات .. كان أنسي البلد وهاك دي بس دوبيت حناكيش قلت أعاتبك لآخر مرة ومنها تاني محال أطراكا أظنك ناسي الزمن البمضي سنينو بتاخد زهو صباكا وبكرة بروح الحسن العاجبك رزاز الغيم ما أظن يبراكا ويفضل شعري الروح والمعني وغناي القلتو عليك يغباكا دقش ولا ما دقش |
||||||||
06-04-2010, 07:14 AM | #48 | ||||||||||||
مشرف المنتديات الأدبية
|
الأماتـو فـوق سـدر الـودي ختنـو سرحن منو غـادي وقرجمـن سابنـو التيه فوق عيونو والبياض فوق سنـو تلقى العاشقو حارس شيخو ضامن جنو
|
||||||||||||
06-04-2010, 08:06 AM | #49 | ||||||||||
|
[grade="00008b ff6347 008000 4b0082 ff1493"] قدلت في الفريق الليلة شان تازاني نغمات فاها تطرب للبعيد والداني ممشوقة القوام محزوزة الوسطاني وديسا ليها أسود من حظيظي الجاني[/grade] |
||||||||||
06-04-2010, 09:14 AM | #50 | ||||||||||||
مشرف المنتديات الأدبية
|
غـــاب نجــــــــم النَطِح والحر علينا إشتدَ ضَيـَّـقـْنـــــا وقِصــــــر لَيلُو ونهــــارُوْ إمتدَّ نَظِرة المنـــــــــــُّو للقانــون بِقيـــت إتحدَّى فتحـــت عنــــــدي منطقـــة الغُنا الإنســــَدَّ
|
||||||||||||
|
|
|