|
|
11-05-2011, 07:57 AM
|
#31 | |||||||||
|
زائر
|
Quote:
سيد عبد العزيز |
|||||||||
|
|
11-05-2011, 08:02 AM
|
#32 | |||||||||
|
زائر
|
Quote:
محمد ود الرضى |
|||||||||
|
|
|
11-06-2011, 01:45 PM
|
#33 | |||||||
|
زائر
|
Quote:
|
|||||||
|
|
|
11-06-2011, 01:47 PM
|
#34 | |||||||
|
زائر
|
Quote:
|
|||||||
|
|
|
11-17-2011, 04:53 AM
|
#35 | ||||||
|
زائر
|
جواب للبلد ضل الضحى الرامى وشمس شتويه دفايه وريحة البن لما يفوح فى قلايه وفروة جدى صورة جدى لمن جيت أمد يدى : ( جدى أدينى تعريفه ) ( بتقرا الحمدو يا المبروك ) ( بقراها شان تعريفه ألقاها ) بجود فى القرايه كمان وايه يا يمه والله زمان!! وسبحة ( بنت الفكى ) والطورية والواسوق وسعف حبوبة والكوريه والحنقوق وصوت ( سعدية ) بت جيرانا تشحد ليها فى طايوق وصوت ( عرفه ) لما تخمج الدلوكه غنايه وحبة فريك لموه لى رمضان مصرور فى مخلايه صور محفورة جوايا ومن يوم داك ولى الليلة ولى بكرة وبعد باكر شان الزمن غدار وما معروف زمن مكار .. زمانا كلو خوف فى خوف وايه يا يمه والله زمان مشتاق يمه لى ملاح النعيميه وريحة صاجك المحروق ولما تسوى طعمية وغباشة روب وعنزه حلوب بدور ارجع اجيكى هناك ضاقت بيه يا يمه هنا بدور لتمسى بعيونك واصابحك يا حبيبتى انا صباح الخير على عيونك اتارى الدنيا من دونك شينة ومره ما بتندار ومرة مرارة يا يمه دي مرة وحارى زى النار ولو بتدورى احكيلك كيف احوالى فى البندر من وين عايزه ابدالك مو شيتا غريب وعجيب ده شيتا كلو شين فى شين هنا الزول العديل ونصيح وحاتك انت يا غاليه بعيش حياتو يوماتى بى وشين وزولتى الحتى حبيتها لقيتها بلاي تحب زولين وايه يا يمه والله زمان دي قشة عينى من النوم معاى بشيل هموم باكر قبل ما اشيل هموم اليوم اختها خطواتى الأولى اعدى الباب تدق طبول الهم خواطر تذهل الألباب واقابلك يا شوارع الجن وفى جوايا حاجة تئن اشد وتر الحزن واعزف تموت غنواتى يا يمه ويخنقنى الغنا وأنزف وتنتر فى العروق حمى خيال بيتنا القديم يرجف صور تنزاح وتتلم وتانى وتالت آآيمه واشوفك بى خيال حالم تشاورو وترقص السبحة ملامح العابد الصايم تشع فوق جبهتك سمحة وشييك يحاكى ضى النور مزدان يمه فى الطرحه وتبسمي لى أمد ايدى اقول اتلافاك يالسمحة يتلاشى الحلم واصحى ويدفق عرق مالح ويسكن فينى كل الهم واشم ريحة ندم جارح وارفس عصفورة منجرحه فارقت الفضاء البارح وتانى وتالت آيمه وهم كل المداين وهم وهم غرقانه فى زخم الحضاره الغم حضارة بتحصد الإنسان وتزرع فى مكانه نغم وقصد القول .. ياما شايل اللوم ويوما جابنى للبندر وحاتك انتى يا الغالية ده يوماً شوم ولا بسنى الخجل من راسى لى كرعى شايلو وأحوم وهادي الحالة فى الخرتوم زي عايش شقى ومهموم . |
||||||
|
|
|
11-17-2011, 06:12 AM
|
#36 | |||||||||
|
زائر
|
Quote:
للشاعر التجاني حاج موسى |
|||||||||
|
|
|
11-17-2011, 07:56 AM
|
#37 | |||||||
|
زائر
|
Quote:
وباقي الناس دي ويييييييييييييييييييييييي ييين |
|||||||
|
|
|
11-17-2011, 12:55 PM
|
#38 | ||||||||
|
زائر
|
هاك دي تقولى شنو وتقولى منو اقيف يازول اقيف اسمع واقيف يازول اقيف لسع نحن الكلفه مرفوعه ونحن حلفت مدفوعه *** |
||||||||
|
|
|
11-17-2011, 12:57 PM
|
#39 | ||||||||
|
زائر
|
المشكله ريدتك بقت هى المشكله وادينى حل للمشكله الليله تبقى دون ونيس مامشكله لوتنسى ليلى ليالى قيس مامشكله العروس تنسى اسم العريس مامشكله يبقى الدمع فى العين حبيس مامشكله المشكله ريدتك بقت هى المشكله وادينى حل للمشكله ينزل المطر من غير برق مامشكله القاش رحل خلى الشرق مامشكله لورحت ماجبت الفرق مامشكله عمرى بالنار يحترق مامشكله المشكله ريدتك بقت هى المشكله وادينى حل للمشكله |
||||||||
|
|
|
11-17-2011, 01:36 PM
|
#40 | |||||||
|
زائر
|
Quote:
تقول لي شنو تقول لي منو نحن الجبنه واللبريق ونحن قداحنا ساوات ضيق ونحن بيوتنا مفتوحات مساي وصباح ونحن وشوشنا مطروحات مساي وصباح ونحن عزاز ونحن حراز ونحن هشاب ونحن قموح ونحن تمور ونحن عيوش ونحن النيل وكضاب يازويل من قال انك تاني متيل تقول لي شنو وتقول لي منو ونحن الحجه والتوبه ونحن الهجره والاوبه ونحن كتار ونحن كبار ونحن يمين جمال الشيل ونحن يمين نضمنا قليل تقول لي شنو وتقول لي منو ونحن محايه نحن فدايه نحن سمايه نحن حجاب ونحن اللوح ونحن شرافه في الدنيا ونحن كتاب علم مفتوح علي كل البلودات نور ونحن يمين مداين نور ووشنا نور تقول لي شنو وتقولي منو ونحن الحنه والجرتق ونحن الزفه والسيره ونحن ابشري والشبال ونحن السي ونحن الوي ونحن الرقبه والتم تم ونحن اللم يكون في الدنيا متلنا كم تقول لي شنو وتقول لي منو نحن العاج ونحن الصاج ونحن البوش ونحن الحوش ونحن الناس وكتين الديار يباس ان درت العديل والزين تعال يازول وان كست الكعب والشين ارح يازول ونحن السور ونحن الحور ونحن بناتنا محروسات ونحن ولادنا ضلالات ونحن اماتنا ياهن ديل ونحن ابواتنا ياهن ديل وجيب وريني زي منو تقول لي شنو وتقول لي منو ونحن فزع ونحن وجع ونحن اليمه واليابا ونحن اريتو بالتابا ونحن يمين اذا حرت نخلي الواطه رقابه تقول لي شنو وتقول لي منو ونحن زغاوه والعطرون ونحن الدونا مافيش دون ونحن ولاد ملك خرتيت وساب الجر وحجر السكه والتاكا وسيدنا الفي الجبل داكا ونحن يمين نضمنا كتر وشيتنا كتر واسعل ناس كرن والطور واسعل كرري والعتمور واسعل ياجني الخرتوم وشوف كيفن زعلنا كتر ونحن للرجال خواسه ونحن يمين جنات موسي تقول لي شنو تقول لي منو ونحن الدوكه والضلاله والدوتكه ونحن الدانقه والراكوبه والواطه ونحن الفكه والشبكه ونحن الحجزه والعكه ونحن الجود ونحن اسود ونحن النان حديثنا اردتو رطان وحين دايرين نسوي بيان تقول لي شنو تقول لي منو نحن الخلوه والدايره ونحن تكيه العايره ونحن الضل ونحن الكل ونحن سبيل غريب الليل ونحن صباح مسافر الليل ونحن فناجرة الدنيا ونحن حباب حديثنا حباب تعال شرف وشوفني منو تقول لي شنو وتقول لي منو اقيف لسع واقيف اسمع ونحن صديري منضوم ويل ونحن القرمصيص بلحيل ونحن التوب ونحن الووب وناس حبوب وناس حرم ونحن اذا راينا كبير نقيف طولنا ونقول لوحباب ونديهو البكان ترحاب ونحن اليانا ديل يازول تقول لي شنو وتقول لي منو انا الكعب البسوي الويل وانا الزول السمح بلحيل وداير منهم ياتو تقول لي شنو وتقول لي منو |
|||||||
|
|
 |
|
|
 |
 |
 |
Linear Mode
