|
12-27-2010, 04:20 PM | #381 | ||||||||||
|
وفي جردل هواي البسمه ديك دسيتا... طعمتها بالولف وبي الشوق قبيل غطيتا... سمكرتها بالعشق بي طبل الحنين سكيتا... مسمار الفراق المر قداها طلع زيتا... |
||||||||||
12-27-2010, 04:25 PM | #382 | |||||||||||
|
Quote:
مرحب حبابو الجانا........ ود الحسن جيدا جيت..... وهاك الترحيبة دي.... فجاخ الهرب من حارة مابتحوى ضحاك ان رزم صوت ام رعودا دوه عشاي ام حمل تلقاهو بايت القوه لابرخص مقام لابقول نضم ماسوه |
|||||||||||
12-27-2010, 04:27 PM | #383 | ||||||||||
|
ابو وشا صبوح فوقو الملاحة تقطر ان مرة النسيم لي شارعو كلو يعطر ان فر البسيم زي قبلي شالع يمطر وان جاك يوم صيام شوفت خيالو تفطر |
||||||||||
12-28-2010, 06:46 AM | #384 | ||||||||||||
مشرف المنتديات الأدبية
|
حاميني المنام أنا فوق رقادي مسهد يقدل يمشي زي ظبي الخلا البتوهد ياناضح المسك زيد في أذاي وأشهد ياهدهد ســبأ .. أنا في رجـاك أتنهد
|
||||||||||||
12-28-2010, 07:00 AM | #385 | ||||||||||||
مشرف المنتديات الأدبية
|
غزالاُ عشقو أصبح يكوي في جراحي فوق نيرانــــو متقلب أزيـد في نواحي الســـبب القبيل خلاني سهران صاحي نار الذكري تنهش فيني ليل وصباحي
|
||||||||||||
12-28-2010, 08:37 AM | #386 | ||||||||||
|
حالا بيا حيرعولي وإحتارمعاهوطبيبي مرضان بي غراما الزايدة في تعزيبي اح آفريع بانة الجول الملكتي قليبي صدرك مدفع الهاون القذايفو نصيبي |
||||||||||
12-28-2010, 08:40 AM | #387 | ||||||||||
|
دايرين المسافة تدني لي احبابنا وبي نغما جميل نفتح مصارع ابوابنا في كل يوم جديد ندور نزيدو نصابنا ننثر لي الحروف زي زاد اكلنا شرابنا |
||||||||||
12-28-2010, 10:51 AM | #388 | |||||||||||||
مشرف المنتديات الأدبية
|
Quote:
حالاً بيا يعلمبــــــــــــــــــو البعيد والداني مرضان بي غارمها وعايشة في وجداني آآآه يا ظبية الـوادي السلبتي جِنــــــــاني لحظك الجـــــراج هلكني هلاك وهدّ كياني
|
|||||||||||||
12-29-2010, 12:28 PM | #389 | ||||||||||
|
زينه وبت أصول بيها النفس منشرحه@ قمر السبعتين ست الأحامد السمحه@ الخلا القلب من إيدا راضي الجرحه@ روحي تريدا زي ريد المراح للسرحه@ |
||||||||||
12-29-2010, 07:31 PM | #390 | ||||||||||||
مشرف المنتديات الأدبية
|
أحّي يا الوحيـــح يا الما بتفارق روحي ومن نيران هواك الفَتّقَنلي جــــــروحي يا نسيمة الصبـاح اغشيني قبل تروحي شان تشفى العلل وتداوي كل قــــروحي
|
||||||||||||
|
|
|