الكــــرسي الســــــــاخن..يجلس عليه (-)

مديرنا الغالي سلام اطنان :

إزيك يا ياسر.... :

اهلا يا عبدو ....

إسئلة خفيفة...عشان ما تقول نقلوني حتة ما فيها نت :

اسئلتكم الموية دي ما بتقلني ولا بتخليني استعين بي صديق يا خي خجلتوني عديل كدا .

ما سر اللقب....ود فيس :

اللقب دا كان في سنة سادس ابتدائي وكان جاري ياسر الخليل ( قلاب ) وكنا شغالين في حصة الهندسة وطبعا عاملين فيها مهندسين شايلين المسطرة وقلم الرصاص والبرجل والواحد اشخبط ساكت قام ياسر شال المسطرة بتاعتي عشان ارسم لية رسمة كدا وانا فتش للمسطرة قمت شفتوا شايلا قلت لية ( يا فيساغورس جيب مسطرتي دي ) نسبة للعالم فيساغورس ومن اليوم داك كان ماسكا لي وبعد داك بقت لقب .

استاذ ...بتخلي ليهو الشارع...إحتراما واخر ... ما بدورو ساي :

استاذ صديق حسن يبدو انة هو من اخلي لة الشارع احترامنا وتقديرا نسبة لزوقة الرفيق واحترامة لنا ونحن صغار .
بالنسبة للاستاذ المابدوروا ساكت ........ اسكت بس خلية في سرك .

ماذا ينقص فطيس :

ينقص فطيس
اولا
الاتفاق علي كلمة واحدة ودا مستحيل .
ثانيا .
الظلط
ثالثا
الخطة الاسكانية .

شعورك وانت في مشوار بين مدني وفطيس...وبقايا مشروع الجزيرة :

شعور محبط للغاية ( والحال من بعضوا ) .

تقيم صريح.....للإنقاذ...وهل هناك أمل :

يجب ان تذهب لكن قبل ان تذهب ( عشان مانكون زي ليبيا ومصر وسوريا والعراق ) يجب ايضا نغير احزابنا ومن فيها ( السادة : الصادق المهدي - والمرغني - والترابي وبقية العقد الفريد ديل المكنكشين في الكرسي من ما ولدوهم وشايفين مافي واحد غيرهم ) بعد دا النغير جماعتنا ديل لو حصل اي تغير بدون تغير شكل احزابنا ديل الحال بكون من بعضوا وياها الساقية تشيل من البحر وتكب في البحر ( وكانك يازيد ما غزيت ) .

وبجيك راجع :

حبابك الف .

عوض خضر

عبدو شايف صاحبك دا يفتح في بوستات في اماكن تانيه

نظام خذل الخيل عنا وكدا

لكن صاحين ليهو ودايرين الجماعه يدونا فرقه بس

يا صاحب الدار انت وينك وين ( ولا الدار محروس وستوا تكوس ) .

والله ليك وحشة

[عوض خضر]

ياسر ازيك يارائع

والله مريت مرور الكرام لاني مزنوق شويه ولما لقيتك في الكرسي طاب لي المقام

لاني اتوقع انو حايكون مميز جدا

عشان كده جاييك ياآخر المداين من ظلمة البحر الممدد في الفراغ

الاخ ياسر مهدي
دا اليوم الدايرنو ليك ياابو مهدي مبروك عليك عشان تاني الغنوة دي ما بتسمعا حتي لو تزوجت تاني لك التحية
علي خيف كدا
1- لو كان بامكانك تغير شيئ واحد في فطيسي ما هو
2- امامك فرصة واحدة من اتنين حجة الي بيت الله او مساعدة مريض محتاج
3- الماضي اجمل من الحاضر دون شك ماهو الشئ الذي تحن اليه في الماض
4- ماهي نظرتك لمستقبل قريتنا فطيس في القريب العاجل وهل تري اي اهتمام من قبل ابناء القرية في الداخل وفي الخارج
وماهي الفئه العمرية الاكثر نشاطا في البلد ولماذا
وبرجع ليك بالتقيل بعدين لمن تتوهط كويس

الاخ عبدالعزيز ( عزو ) اسئلتك جامدة شوية ياخي انا مشاكلك ولا شنو .

دا اليوم الدايرنو ليك ياابو مهدي مبروك عليك عشان تاني الغنوة دي ما بتسمعا حتي لو تزوجت تاني لك التحية :

انت قايل الكرسي دا ما سمح والله الهيلتون عديل كدا وانا اول يوم اعرف السياسين ديل مكنكشين في الكراسي دا لشنو طبعا انا ما نازل منوا الا بي المحكمة الجنائية وفي اضعف الاحوال الدستورية لذلك الفورة الف والحشاش املاء شبكتوا ما تقول لي الناس البعدك منتظرين ( ام محمد ، وعوض خضر ، نضال ، الصادق ) امشوا اشوفوا ليهم كرسي غيروا ياهو الفضل والله .

علي خيف كدا :

ولا يهمك ان شاء الله من بيت الكلاوي .

- لو كان بامكانك تغير شيئ واحد في فطيسي ما هو :

اشيلا اوديها جنب الظلط او الحصاحيصا .

امامك فرصة واحدة من اتنين حجة الي بيت الله او مساعدة مريض محتاج :

والله سؤال صعب لكن احتمال مساعدة المريض .

الماضي اجمل من الحاضر دون شك ماهو الشئ الذي تحن اليه في الماضي :

كباية شاي الصباح بالقيمات باقي العشاء جنب الحاجة الله يديها العافية وهي قاعدة في البنبر وقداما الكفتيرامنتظرانا نجي نشرب الشاي وهي تعاين لينا الصحا منوا .

ماهي نظرتك لمستقبل قريتنا فطيس في القريب العاجل وهل تري اي اهتمام من قبل ابناء القرية في الداخل وفي الخارج :

فطيس ياها فطيس كان بكرة ولا الليلة ، ابناء القرية قاعدين يساعوا في ظل الظروف الضاقطة دي والكل شاغلاهوا مشاكلوا .

وماهي الفئه العمرية الاكثر نشاطا في البلد ولماذا :

يعني الذين تجاوزوا الستين يعني ( كبار السن ) نسبة لتواجدهم بالمنطقة اكثر من الاخرين الذين هم مهاجرين او ساكين المعايش ( ولكن هنالك بعض الشباب مشاركين وبقوة ايضا ولهم دور كبير ) .

وبرجع ليك بالتقيل بعدين لمن تتوهط كويس :

يا ساتر ما خلاص كفاك شنو عملت الدرب ساساقا .

ياسر ازيك يارائع

والله مريت مرور الكرام لاني مزنوق شويه ولما لقيتك في الكرسي طاب لي المقام

لاني اتوقع انو حايكون مميز جدا

عشان كده جاييك ياآخر المداين من ظلمة البحر الممدد في الفراغ

عوض خضر يارائع شوية عليك .

متحرنك ( زي ما بتقول ) وجلبت ليك الغيم فراش وطلقت ليك البخور عربون

[محمد ابراهيم احمد ابراهيم]

الخال العزيز ياسر

رايك فى الهجره الى خارج السودان؟


اذا ماكنت من السودان الى اى دوله تحب ان تنتمى ؟


نصحيه لوجه الله الى من تحب ان توصل النصحيه ؟


اريد منك ابيات شعريه كتبتها انت ؟


اذا رجعك بك الزمان الى الماضى ماذا فاعل ؟


واخر الكلام نفسك حسى فى شنو وبصراحه ؟

ود الاخت العزيز جداً .

الخال العزيز ياسر :

ما بتقصر والله .

رايك فى الهجره الى خارج السودان؟ .

كويسة خالص خالص بس يجب ان تكون واضحة في اهدافها بمعني ان يكون لكل واحد هدف خاتية في راسوا ويعمل عليها وبعد داك اجي راجع البلد ما تكون مفتوحة ساكت لمن الواحد اجيبوا مكرتب .

اذا ماكنت من السودان الى اى دوله تحب ان تنتمى ؟ .

والله السودان دا فية حاجات ما اظن تتلقي بالساهل في الدول الاخري منها علي سبيل المثال البساطة والمجتمع المتكافل وشيلني واشيلك بالرغم من انها الايام دي صارت في حدود ضيقة وحاجات تانية كتيرة لذلك من الصعب ان اقول بلد تاني غير السودان ( دا لو انا فهمت السؤال كويس ) .

نصحيه لوجه الله الى من تحب ان توصل النصحيه ؟ .

لكل الشباب والشابات ولجميع الاخوة نصيحة قال لي الشهيد مرتضي عبدالسلام الاية من سورة الكهف .
((وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا )) .
دي نصيحة اعتقد ما اظن اقدر اقول احسن منها .

اريد منك ابيات شعريه كتبتها انت ؟ .

والله مع مشاغل الدنيا دي نسينا الكلام دا من زمان لكن لو ناس ( عبدو خلوني ليوم الاحد الجاي امكن افتش ليك حاجة كدا قديمة ) وبجيبا ليك ياخي الكلام دا اظن لية 15 سنة او اكثر من ذلك ويا حليل زمان .

اذا رجعك بك الزمان الى الماضى ماذا فاعل ؟

السؤال مفتوح ما محدد زمن معين لذلك سوف اختار زمن الطفولة واعتقد عندي لعابات لسع ما شبعت منها زي كمبلت والرمة والحباسة وجر العربات وكورة القدم .

واخر الكلام نفسك حسى فى شنو وبصراحه ؟ .

اقول ليك وما بتزعل مني نفسي في عربية ان شاء الله اتوس بس

[محمد ابراهيم احمد ابراهيم]

شكراً ياخاااااااااال عن الردود المقنعه فى معانيها
لاكن انا ما بعفيك من الابيات الشعريه لازم تجيبها


وان شاء يوم الخميس المقابل الجمعه الله اديك الفى بالك

كمان عربيه همر

الاخ ياسر ماشاءالله بسحرووك عديييييييييل


هاك الكوووووووووووووم المشكل دا


ياسر مهدي رئيس جمهورية السودان يلا وريينا ابداعاتك ؟

رايك في انفصال الجنوب؟

لونك الرياضي ؟

ما الذي يعصبك في المرأة ويخرجك من شعورك؟

هل انت مع تعدد الزوجات ام لا ولماذا؟

رايك في اعتزار الرجل للمرأة هل ينقص من قدره ؟

لو طاعتني النساء في ......................... لم تطلق واحدة ؟

نصيحة منك لحل الخلافات الاسرية؟

رايك في نسوان الزمن دا بصراحة ؟

رايك في عمل المرأة ؟


خارج النص

الكرسي دا حلفتك بالله شيلو معاك بيتك ....... اقول ليك قعد فيو اي زول غير ام محمد وليك علي وقسمت بالله

الولدة الجاية اسميو ياسر مهدي عددددددديل امكن كان سميتو ياسر تقول علي ياسر عرمان