عسل سوداني

[صادق محمد عوض]

الضرس ان تاور الامو يوت معروفه
لا بتنفعو القرضه لا توم لاسفة الشلوفه
اخير يا منعم يا اخوي تشوف لك شوفه
اقلع للضريس خل العين تنوم بي شوفه

[عارف عبد الرحمن]

يا الضرس الأصم اللي السنين مدخور
أتاريك منتهي بالسوس بقيت منخور
في الدنيا أم قدود أنا كنت بيك فخور
ما بهمّك عضم لو كان دواخلو صخور

[عارف عبد الرحمن]

يا الضرس الأصم اللي الحجر بتصادم
كم كاسرعضم ولي فتّة دايماً هادم
وكت حصل القدر وبناكا صار متهادم
مثبوت ليك جميل لي بطني نعم الخادم

[عارف عبد الرحمن]

يمسي الليل بدين يصبح مهدِّن وهاضم
وللبصل الكبار في مرارتو قارش وراضم
مرات حسّو فوق ومرة بضرب كاضم
وراك وشي الجميل أصبح حُفر وكراضم

[عارف عبد الرحمن]

يا ضرس معروف:
كم أفنيت دجاج ما بين مبيّض ولاحم
وكم قشيت صُفر جاهز لأيّ ملاحم
أفراخ الحمام ما كنت ليهن راحم
في نسف الضلع ما ليك شريك ومزاحم

[عبدالمنعم]

الضرس العنيد ســـــــــــــاهربى طول الليل
ورانى العزاب وضــــــــــوقنى صنف الويل
ينتح فى الخشم وهداهو هد الحيــــــــــــــل
نتحتو فى الرويس زى ضربة حوافر الخيل

[صادق محمد عوض]

سهر الليل كتير ات كم وقف بي بابو
كم قاسيت مرارة الغرام الفضح غلابو
لكين الضريس سواهاغرز للالم نشابو
اقلعو من معارشو وانسي ضمه عذابو

[عارف عبد الرحمن]

ناداني الطبيب والباب وراي إنسدّه
في الكرسي المريح أجلسني جاب العدّة
قال لي ياخي ديل فاقدات مناعة وشدّة
مافي بصارة موضوع قلعهن لا بدّ

نسينا الهيام والوحه والفريقه
من وجع الضرس النفس بقت موليته
بعيدو الكلام في الفاح لي كبريته
ويا ضرسي غور علك ما بريته

[عبدالمنعم]

Originally Posted by عارف عبد الرحمن

ناداني الطبيب والباب وراي إنسدّه
في الكرسي المريح أجلسني جاب العدّة
قال لي ياخي ديل فاقدات مناعة وشــدّة
مافي بصارة موضـــــــوع قلعهن لا بدّ

البارح تمام وجع الضرس بي ســادر
خلي المشرط المنعول عليـهو يماسر
الدكتور شــــديد بي أجنة ديمة يعافر
جفف حلقي ضُمة وريقي دايما داشـر