|
07-27-2010, 08:30 AM | #221 | |||||||
زائر
|
Quote:
مشكورة الدهب نضمك بزيدها الهمه ماك غريبه علينا نقدر نقول بت حله معسول كلامك البي الفخار شرفنا زاد قامتنا فوق ضاقت علينا الحته |
|||||||
07-27-2010, 09:06 AM | #222 | ||||||||||
|
سمار المنتدى عبد المنعم -صادق -عاطف حقيقة الواحد مندهش جدا لرصانة الكلمات والمجادعات والسجالات التي تدور بينكم . وحقيقة أبان لي المنتدى أشياء جميلة مثلكم فلكم تحيتي وخليكم مواصلين وتأكدوا بأننا نقرأ ما تكتبون وبشراهة
|
||||||||||
07-27-2010, 10:35 AM | #223 | |||||||||||||
مشرف المنتديات الأدبية
|
Quote:
يادرة الغـــــــواص زينة زهور الساقية ابقي مـــعانا جاي خلــيها تبقى الباقيـة كلمــــاتك تشـع زي النجوم متلاقيــــــة
|
|||||||||||||
07-27-2010, 10:40 AM | #224 | |||||||||||||
مشرف المنتديات الأدبية
|
Quote:
اب راساً ملان مو فاضي ســاكت عِمة دايرنك تجي وتدينــــا حبـــــــــــة همة ايامنا الزمــان ياحليـــلة جاتــا الحُمى
|
|||||||||||||
07-27-2010, 12:03 PM | #225 | |||||||
زائر
|
Quote:
حباب الاستاذ ات اياك كبير اللمه اب رايا سديد وقت الخلوق تتلجه زين كلامك تاج فوق جبينا اتخته بعد ما جف النبع خليتو تاني اتعبه |
|||||||
07-27-2010, 02:01 PM | #226 | ||||||||||
|
في تايت البنات وصفك رهيبه وظاهرة في وشوشة الكلام ستو عاد يا الفاهرة تاعبه القليب بي تقسيم قوامك ماهرة عليك جوز رمان مدفع ملوك القاهرة |
||||||||||
07-27-2010, 02:40 PM | #227 | ||||||||||
|
لا أسكت الله لكم حساً ولا جف لكم مداداً وياريت تجادعوا لينا الجماعة ديل في الفضائل والكرم والأخلاق وياريت تناقشو لينا بهذه السجالات عاداتنا وتقاليدنا وموروثاتنا لتكون في قالب مربعات جميل كجمال ما تكتبون . برجع ليكم لو في العمر بقية
|
||||||||||
07-27-2010, 02:59 PM | #228 | ||||||||
زائر
|
من حسس ام رشوم الحار بقول واغلبى وما لقيت لى طبيبا يعرف الحاصلبى عاد يا بنيه كان فت ليل معاى تنسلبى هاك يا سمحه شن ما دورى من تتطلبى |
||||||||
07-28-2010, 05:26 AM | #229 | ||||||
زائر
|
سكان الخلية ليكم مني أحلى سلام عبد المنعم انت الأصيل وكلامك أحلى كلام انا ما بعرف أجاريكم ولابعرف أقول الكلام بنظام بس دايرة اكون ضيفة في خليتكم واستمتع بكلامكم المقام وتمام ليكم التحية جميعاً وأسمعونا اكتر ومنكم نتعلم الكثير وده شعر ما عندي ليهوا رقبة . |
||||||
07-28-2010, 08:43 AM | #230 | ||||||||||||
مشرف المنتديات الأدبية
|
يا إخوانا الغرام قاسي وصعيب مو هيـــِّن طال بيَّ الفراق وحالي ظاهر بيــِّــــــــــــن محبوبي الجـــميل البي العفاف متزيـــِّــــن قلبو علّي حـــــجر وأنا قلبي دايماً لــيــِّــن
|
||||||||||||
|
|
|