الكــــرسي الســــــــاخن..يجلس عليه (-)

اخونا عاطف البدوى حبابك الف واشكر للمداخلة والمرور اما سؤالك عن شلتنا فالله فالله اخى عاطف على ذاك الزمان الجميل وانت عزفت على وتر حساس ويا سيدى بدت تحديد فى 1976 ونحن فى اولى متوسط والشلة تتكون من اخونا عبدالجليل الجيلى وعبدالجليل
دا هو المايسترو والمخطط وهو رجل قمة المرح والفكاهة ورجل كان وقتها رجل مقالب ورجل مغامر وقضينا لحظات جميلة مع عمنا الجيلى البدوى عليه الرحمة وهو رجل كان يحفظ الكثير من الشعر الجاهلى وكان متخصص فى عنترة ابن شداد وكنت استمتع جدا
بمشاكساته مع الخالة بت الهادى عليها الرحمة ومافى حيطه ولا تكل وقع فى فريق الحسين او البدوى الا وقمنا بتشيدها 00 اما اخونا حامد الحسين فكان راجل طالع ونازل معنا بس كان بشجع اللعبة الحلوة وهاك ياضحك 00 اما اخونا حسن العبيد فكان من النوع
اللبولع النار وبفك البيرق 00 اخونا الطيب مصر راجل حنين ورقيق عشان كدا حظه من الجنس اللطيف كان اكثرنا فى حينها00 اخونا عبدالعزيز على كان راجل طروب وبموت فى حاجة اسمها بارتى وحفلة 00 اخونا احمد التيجانى راجل كان مسالم جدا ماليهو
لافى التور ولا فى الطحين عشان كدا كان دايما بشرب مقالب حسن العبيد 000 اخونا ضياء الدين النمير كان برضو صاحب مقالب لذيذة لكنه اغترب مبكرا ا00حامد محمد عبدالعزيز كنا بندخلو فى كتير من المقالب وهو راجل مسالم 00 اما حكاية الخطوبات دى
والله ياعاطف دى فيها ذكريات الواحد لما يذكرها بضحك براهو زى المجنون يعنى اخونا عبدالجليل دا مرة فى مشروع خطوبة لاخونا الطيب طلع حامد الحسين دا اخصائ جراحة لانو الجماعة كانو مغندلين ذ كريات بجد حلوة وللحديث بقية

الاخ العزيز جدا الطيب محمد عبدالقادر تحياتى واشواقى الزايدة والمتزايدة لك وللاسرة الكريمة واقول لك اخى الا ليت شعرى هل يجود الزمان ويتوقف لبرهة نلتقى فيها ونجتر تلك الايام الجميلة والذكريات الحلوة
التى عشناها فى حضن الحيشان وكنف الاجداد والاباء 00 اما ميدان الربيع اخى فهو مهد الصبا وكورة الدافورى لوحة جميلة معلقة فى جدار الذاكرة لا يغطيها غبار الزمن وحتى نتواصل اخى فهذا رقم جوالى
0504402642 00 اما سؤالك اخى عن بعض الشخصيات فهى جميعها محفورة فى الذكرة 00 الاخ مامون محمد الامين من الاخيار رجل ظل متوازن حتى فى فترة شبابه لم يترنح ولم يتمرد قمة الاخلاق والتواضع يعمل
بنكران ذات ومامون انا احسبه من الصالحين وكل ابناء العم محمد الامين قمة الذوق والادب وطيب المعشر 00 اخونا احمد بابكر جمعتنا ذكريات طفولة وصبا وحتى المرحلة الثانوية خطانا موحدة رجل طموح ومقدام
ومرح 00 الطيب محمد احمد رفيق الدرب رجل حساس رقيق مخلص مسالم 00 الامين محمد الامام رجل عصامى مكافح خلوق من سنوات انقطع عنا ارجو يجيد الزمان بلقائه قريبا 00 اما ديوان جدنا احمد ودالحسن
وشجرة النيم ومداعبات جدنا ودالحسن ومن طرائف كان دايما بكون شايل قصبة فى يدو فمره جا معنا زميلنا انا واحمد بابكر وجدك جا داخل شايل القصبة وقعد يؤمى بها على الضيف فبادر اخونا احمد وقاليهو
جدى لالا دا ضيف فرد عليه جدنا احمد نان مالو الضيف مابدقوا وكل مااذكرها لا اتمالك نفسى 00فيصل كورى هو فاكهة الفريق بل فاكهة القرية رجل حبوب قمة فى الاخلاق والادب واحترام الاخر ورجل مرح لايمل ابدا
رجل بكل ما تحمل الكلمة من معانى الرجولة 00 العم دراج الشيخ الحسن عليه الرحمة لااخفيك سرا اذا قلت لك بان فقد هذا الرجل ألمنى ايما الم عمنا دراج انا احسبه من الصالحين وهذه عايشتها بنفسى رجل كان يلهج
لساته بذكر الله رغم انه كان يجد صعوبة فى الحركة الا اننى كنت اجده ياتى مبكرا لصلاة الفجر وفى برد قارص يعجز حتى الشباب فى الحضور وكان صابرا محتسبا لم اتمالك نفسى عندما ذهبت للعزاء فيه اجهشت بالبكاء
رحم الله عمنا دراج 00 جميعها اخى الطيب ذكريات لا يمحوها الزمن وللحديث بقية

[عبده مصطفي إبراهيم]

الذول دا مالو .... مرتاح كدا........ عارف منتظرنك
.........................

[عارف عبد الرحمن]

راحة مافي الجابو قعدوا شنو .. انا قلت ندي الناس فرصة .. بس عاوز اخونا يوسف يحكي لينا عن أصعب موقف وآخر أحرج موقف والتاني أطرف موقف وآخر أجمل موقف ولحظة وواحد أعفن موقف ولحظة لا تنساها ومنظر عالق بذهنك وما قادر تنساه .. بس يلا جاوب .. وتاني جاييك ..

[عوض خضر]

اخونا يوسف سعد

جيناك مره تانيه الله يديك العافيه

في خلال فترة دراستك بمصر كنت معروفا بانك مارست العمل العام من خلال مواعين الطلاب

نريد ان نعرف من اي منطلق مارست هذا العمل

بصوره ابسط هل انطلقت من معاقل حزبيه معينه ام ان الامر كان رؤي فرديه تخصك
علي فكره الاجابه قد تؤدي لاسئله جديده

أخونا عارف انا عارف لازيك عبده لكن ما بتقدرو على 00 والله الموقف كتيرة ودايرة ليها مجلد لكن ابدا ليك بالطريف منها زمان وانا فى المتوسطة كان ابو فلصنا حيدر هاشم وانت
عارف حيدر رجل ساخر بعدين انا جيت متاخر فى فسحة الفطور يعنى مضى نص الحصة التالته لانو كانت عندنا سماية وانا ماداير افوته فجيت داخل المدرسة اضهب وداير طريقة
ادخل الفصل فجاة كحلنى حيدر قال لى تعال تعال ياولد كنت وين قلت ليها يااستاذ رسلنى استاذ ابوعاقلة دكان ابوشامة 00 قال لى والله الليلة اطفققك طفيق يامطفق لانو ابوعاقلة ذاتو
من الصباح مافى سافر الحصاحيصا وهاك يامعط
الموقف الطريف التانى فى الابتدائى زمان كان فى احتفال بعيد الوحدة مع الجنوب يوم 3 مارس بعدين جانا المرحوم ابراهيم صباحى وكان مدير المدرسة قال لينا عايزين اتنين شطار
منكم يقولوا لينا نشيد رفعنا يدينا انا وحسين عصام الدين وساقنا مكتب المعلمين وقال لينا حتقولو لينا ياتو نشيد قلنا ليهو حنقول نشيد الفنان صلاح مصطفى بقول فيهو 3مارس
عيد يوم وحدة السودان 00 نحنا كنا قايلين صلاح مصطفى بقول تلاتة مرافعين يوم وحدة السودان بدينا نكرر فيها والمعلمين يموت من الضحك ونحنا مستغربين مسكنا خبتنا وجابنا
الفصل نتنهف
اما اصعب موقف فمرة كنت جاى فى رحلة من مطار مالطا وصلت مطار القاهرة الساعة 12 ليلا دخلت على الجوازات مدديت جوازى الضابط فتح الجواز وعاين فينى مسافة وقال لى
انت حتستنا معنا شوية قلت ليهو فى حاجة قال حتعرف كل شى فضلت منتظر حى الساعة الرابعة صباحا وطبعا اجف واعرق وعقلى يودى وجيب يارب فى واحد ختا لى شحنة مخدرات
فى الشنطة والا يمكن ا سمى نازل تبع جماعة بن لادن وبعد هذه الساعات المريرة ناولنى جوازى وقال لى اسفين ياباشا فتحت الجواز لقيتو كاتب على كرت القدوم ليست هذا الشخص المعنى
بين قوسين حالة اشتباه فى اللحظة دى شعرت بان احلى طعم هو طعم الحرية 00 وراجع ليك اكمل ليك بقية المواقف ماتقول زوغة

[Amhar]

الاستاذ يوسف سعد لا نملك أسئلة كثيرة لك لأننا نحبك لمجرد أنك .. .. .. فقط من أنت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟
؟

الزول دا مشي وين اصحي يازول ، ماتقول نحن نائمين
السؤال : رياضي هل مارست الرياضة والي اي الفروق تنتمي ( هلال - مريخ - موردة ...... )
اعتقد انت صوفي ، لما انت صوفي .
لو كنت رئيس لجنة شعبية ماذا سوف تقوم بفعلة اولا .
رايك في الغربة .

اخونا وحبينا ياسر مهدى لك التحية وشكرا ليك على المرور والسؤال والله بينى وبينك اليومين الفاتو ازنقت شوية فى الشغل 00 اما سؤالك عن ممارستى للريلضة مارستها وبس
نحن بديناها من زمن ميدان الربيع مكان بيت الاستاذ حمدان الامير وبيت النور حجازى يعنى فى المنطقة دى وكنت بلعب جناح يمين والجماعة كانوا بطلقوا على عبدو الشيخ تيمننا بلاعب المريخ عبدو الشيخ وطبعا حارس مرمانا المتالق خونا عصمت عبدالله الكلام دا فى منتصف السبعينات والمباراة بتكون فى ريال يعن كل واحد بدفع شلن وهاك ياكبر لكن صراحة فترة كانت حلوة وجميلة وممتععة
اما من ناحية الانتماء للفرق فانا مريخابى على السكين ومعجب جدا بقدامى لاعبى المريخ امثال كمال عبدالوهاب والفاضل سانتو وعمار خالد
لو كنت رئيس لجنة شعبية 00 اول شى اعمله هو حصر الاسر المعدمة والفقيرة والاتصال بالخيريين والمغتربين وديوان الزكاة ووضع حلول لمشاكلهم
اما لماذا انا صوفى 00 فمنهج التصوف صراحة رقم بعض اخطاء الممارسة الا انه يظل اكثر المناهج تصفية للنفس وصدقا مع الله فهو يدعو لكثير من المعانى التى لو طبقناها فى حياتنا
لساد مجتمعنا السلام مثل المحبة فى الله واخلاص العمل له والتسامح والعفو خذ مثلا قصيدة البرعى بوريك طبك وتدبر معانيها والله لو طبقناها لاصبحنا مجتمع الصفوة
ارجو اخى اكون اوجزت واوفيت ولك التحية مرة اخرى ولى عودة

أخونا ابوعبدالرحمن رجعت ليك عشان متقول الزول دا زاغ منى سؤالك عن موقف عالق بالذاكرة ولن انساهو ابدا هما الحقيقة موقفين حزينين ومؤثرين جدا
الموقف الاول كان مع الوالد عليه الرحمة فى مرضه الاخير وهو بالمستشفى بالحصاحيصا طلب منى ان ادنو منه قليلا ففعلت قال لى اريد ان اتحدث معك فى موضوع قلت له تفضل صمت
قليلا ثم قال لى بخصوص الفراش قلت له فراش منو اشار بيده على صدره ثم سكت طويلا تاثرت ايما تاثير طمانته بان الله سوف يمن عليه بالشفاء نظرت اليه فوجدت الدموع تنهمر من
عينيه مسحت دموعه ثم اكمل حديثه معى بكل يقين وعملنا بما اوصى
الموقف الثانى هو خبر وفاة اخوين عزيزين هما الاخ عوض محمد يوسف والاخ عثمان نورين ... عمرى ناهز الخمسين عاما عايشت خلالها فقد الكثير من الاعزاء من الاهل والاصدقاء
وزملاء العمل والدراسة لكن لم يهزنى فراق ولم يعتصرنى الم مثلما المنى فراق عوض وعثمان نورين والذى المنى اكثر باننى لم اسمع بمرض عثمان الاخير لذلك ذهبت فى اول اجازة
لى بعد موته وجلست بجوار قبره والدموع تنهمر عليه ولسان حالى يقول عذرا اخى عثمان فقد عرفت بمرضك بعد رحيلك الذى اكد لى اننا نطارد فى دنيا فانية نسال الله لهما الرحمة
والمغفرة