عسل سوداني

[صادق محمد عوض]

السبب الحمانا الغمدة جاب سهراجه
البت ام خد حرير وجبينا نار وجاجه
خاتيه الشبيه في الزوق دوام لجاجه
لحاظا تخيرك بين كتاحه وله عجاجا

[عبدالمنعم]

من سيرة العُيـــون ما كان أخير تختاني
ليش تفتح علي بابـاً كم منو كنت بعاني
كم لحظاً هرد قلبي وتوّر علي مصراني
وكم طرفاً كحيل لي نوم عيـوني حماني

السبب الشح منامي وخلاني كاره نفسي
رماش عيون الزول الطرفو ساكن حسي
شاغلاهو القليب دايما يصبح ويمسي
تحلف تقول تيم كوره وملاعب ميسي

[عبدالمنعم]

كتلوني العيــون زادوا اللهيبب الحره
والرمش الكحيــل طوطو قليبي و فره
الطرف الكحيل طــــــــيرني ذي الفره
اركز يا ابضراع الزول بموت فد مره

[صادق محمد عوض]

عيون الصيد ا زول خلاص ضبحني
وبسهامن دوام ضربن قليبي رمني
مرضان بي كلامن والسهام جرحني
سلبن للفؤاد وزادن علي في جني

Originally Posted by عبدالمنعم

كتلوني العيــون زادوا اللهيبب الحره
والرمش الكحيــل طوطو قليبي و فره
الطرف الكحيل طــــــــيرني ذي الفره
اركز يا ابضراع الزول بموت فد مره

كتلوني العيون ما اظن اطيب بالمره
شفت طرفه غافل ورث قليبي الحسره
ظبي الخلا المتاقل الامو والده مضره
صبح فؤادي خراب قاصد يضيقو المره

Originally Posted by صادق محمد عوض

عيون الصيد ا زول خلاص ضبحني
وبسهامن دوام ضربن قليبي رمني
مرضان بي كلامن والسهام جرحني
سلبن للفؤاد وزادن علي في جني

عيون الصيد ازول يتلاصفن جرحني
و سام نشابها متل القنيص صرعتني
هيمان بي غرامن ودا المزود جني
هردن قليبي عذاب ياريتو بات متهني

[صادق محمد عوض]

عيون الصيد صرعن قليبي بالنبال ناشنو
غرزن نشابن في فؤادي وحبهن كجنو
غاب مني العقيل نوم العيون دوام سرقنو
شيلو الفاتحة يا اخوان والفو الجنو

[عبدالمنعم]

يا خِلي العُـيون كاتلاني فيها مـعاني
فيها الشـعر فيها قوافي مـن اوزاني
الخلاني قـــــاعـد في لـهيب نــيراني
زولاً بدري بي نظرات عيونو أزاني

[صادق محمد عوض]

سواد العيون بي البريق ماكنا
ارسل للسهام بلحظو قام كاتلنا
سائلين سيد العباد ربي يا خالقنا
بي قربو الحبيب نهنا ودوام تسعدنا