|
07-06-2010, 06:15 AM | #11 | |||||||||
|
Quote:
|
|||||||||
07-06-2010, 08:00 AM | #12 | ||||||||
زائر
|
عمر الطيب الدوش عاش مسكونا بوطنه السودان غني له وبه وبكي معه وله ...صدحت بكلماته حناجر أعظم الأصوات الغنائية السودانية.. ذهب الدوش وبقي في وجدان الشعب السوداني الذي يردد كلماته وأغانيه .. انفض سامره وتفرق الخلان والرفقاء وحتى في ذكراه تأخذهم مشاغلهم عنه إلا قليل استعان بالفضاء الأسفيري ليوقد شمعة في ذكراه ..ونحن لم يكن من رفقائه وخلانه وسامريه ولكن من الشعب الذي غني له ولاجله الدوش . ولد عمر الطيب الدوش في مدينة شندي 1948م تخرج في معهد الـموسيقي الـمسرح قسم الـمسرح - عام(1974) وهي أول دفعه تتخرج في الـمعهد ومن زملائه هاشم صديق وإسحاق الحلنقي وصلاح الدين الفاضل وناصر الشيخ . وفي قسم الـموسيقي كان محمد وردي وانس العاقب وعثمان مصطفي و(بناديها – العملاق وردي) أتولدت هناك.. وكذلك رائعة (عصافير الخريف) للـمبدع الحلنقي..وهنالك افادة من صلاح الفاضل تقول إن الدوش قد كتب الـمقطع الأول لأغنية (عصافير الخريف) علي السبورة(..ليه يا عصافير الخريف ) ثـم قام الحلنقي وعلي ذات السبورة مجاوبا فكانت هذه الرائعة والتي تغني بها فنان أفريقيا الاول (وردي) . أول أغنياته هي أغنية (الود) التي يتغني بها الفنان محمد وردي وقد كتبها في النصف الثاني من الستينات عندما كان طالبا بالثانوي (بناديها) أغنية قطعت الـمشوار حافية ما بين الأبيض وامدرمان . ركب كمبال وصديقه الدوش قطار الثامنة من الخرطوم إلي الأبيض بحثا عن بناديها ومرا بكل التخوم والـمدن التي ذكرها مكي ابراهيم في قطار الغرب وعندما وصلا للأبيض عرفا تـماما ان بناديها قد انسربت من بين اصابع الدوش وأنها قد تكاثفت كغيوم ستـمطر هناك... وأفتش ليها في التاريخ وأسأل عنها الأجداد ... وأسأل عنها المستقبل اللسع سنينو بعاد ... في اللوحات محل الخاطر الماعاد ... في احزان عيون الناس وفي الضل الوقف مازاد ... بناديها وبعزم كل زول يرتاح علي ضحكة عيون فيها ... الدوش كانت له اوزان تتحمل عبء هذا الدفق الشعري الوهاج ورحيل الدوش القى بظلال الحزن على كثيرين فمنهم من فتح نافذة الخيال و رثاهو وهو لم يزل حيا عندما احس بدنو زمن رحيله من هذه الفانيه . هذا أقل شي نقدمه لشاعر في قامة الشاعر الدوش..وبدوري سأحاول ان اسجل كل ما أعرفه عن هذا الشاعر الاستثنائي .. ملقياً في ذات الوقت الضوء علي تلاميذه يحي فضل الله والرشيد احمد عيسي وقاسم ابوزيد والقدال وهاشم صديق . الرحمة والمغفرة لشاعرنا الدوش فقد كان بقامة وطن وكان لسان شعره السودان وهمه . رحل عمر الطيب الدوش وبقي فينا بكل حروفة واشعاره وهمومة علي بلد رايح بشوف في جوابك التانى .. مُدُن مبنيّةْ متكيّهْ ... بتمْرُق من شبابيكا .. عيون برموشَهْ مطفيَّهْ ... شَرَك لي كُلِّ قُمريَّهْ .. وأماني كتيرَهْ مخصيَّهْ … إنتَ يا ليل المغُنين .. فى صباحات اليتامى ... فى البشيل فوق كتفو يمْشِى … لمَّا ترْخِى الخيل لِجامهْا ... يا حمامَهْ .. ودِّعينى .. ودِّعى الارض البتزْرَع … فى جروف الحُب ضلامهْا ... ارْخِى كتفِك .. واحْضِنينى .. وارْمِى فوق كتفى الملامه ... سئل يحي فضل الله مرة في برنامج عن اجمل ما سمع من ابيات شعر , فاجاب "سحابات الهموم ياليل بكن بن السكات والقول" اجاب فاوفي وهي ايضاً من روائع الدوش والتي تغني بها الراحل الاستاذ مصطفي سيد احمد ورايي الشخصي ان قوة جمال الشعر تكمن في "فعل هذا الشعر فينا" ..والقياس "قوة الهزات بدرجات "ريختر" ومن الهزات ما يرتد.. "الضل الوقف ما زاد " ليست وقوفا للظل فقط .. فالظل اشارة الضوء .. واقوي الإشارات تاتي من "بنااااااااديها" مكتوبة علي قلوب كل الشعب السوداني |
||||||||
07-06-2010, 08:01 AM | #13 | ||||||||
زائر
|
وهاك ياعم عوض الشغل ده -إنت وأبو عبد الرحمن -ود الخليل -والذوق عاطف بناديها بناديها وبعْزِم كُلّ زول يرتاح على ضحكَة عيون فيهَا وأحْلم اني في أكوان بتْرحَل من مراسيها عصافير نبّتَت جِنْحات وطارت للغيوم بيهَا مسافرِ من فرح لس شوق ونازِل في حنان ليهاَ أغنّي مع مراكب جات وراها بلاد حتمْشيهَا واحزَن لي سُفُن جايات وما بْتلقَى البِلاقيه بنادِيــــــهَا ولمّا تغيب عن الميعاد بفتِّش ليهَا في التاريخ واسأل عنَّها الاجداد واسأل عنّها المستقبل اللسّع سنينو بُعاد بفتِّش ليها في اللوحات مَحَل الخاطر الما عاد في شهقَة لون وتكيَة خط وفي أحزان عيون الناس وفي الضُّل الوقَف ما زاد بناديــــــهَـا والاقيـــــهَــا واحِس بالُلقيا زي أحلام حتصْدِق يوم والاقيــــــهَــا واحْلًم في ليالي الصيف بَسَاهر الليل واحجِّيـــهَــا ادوبي ليهَا ماضيهَا واطنْبِر ليها جاييــهَا وارسِّل ليها غنوَة شوق واقيف مرات واْلُوليهَا بنادِيـــــــــهَــا وبناديــــــــهــا وبناديـــــهــا |
||||||||
07-06-2010, 08:03 AM | #14 | ||||||||
زائر
|
الحفلة (1) بداية الحفلة دلوكة نهاية الحفلة متروكةْ لأي صنم يشيل كرباج يَجِلْد الحق يخلي الحفلةْ مرْبوكهْ نهاية الحفلة متروكه لاى صبي يهز السيف ويمْضَغ حسرتو يلوكهْا وبين السيف وبين كرباج مسافة تودي أمريكا (2) بداية الحفلة بالدوباي نهاية الحفلة بالهبباي ِِبتمْرُق من قلوب الناس عقارب لا فهم لاراي وتزرع في سما الحفلة جهاجه وانتباه وبراح وتنعش معْشر السِّراي وتبسط جملة الأفراح (3) بداية الحفلة مبديه ومن وْلَدو الوجع قامت وصوت المادح المبلوع يخربش فى الفضا الممنوع طنين الفاجعه كان مسموع ويبدا الكلام حتجوع (4) شنو الجدّ عشان نتجارى بين القاهرة وجدة بين القومه والقعده بين الفرهْ والعقدةْ شنو الجدْ؟ وكنا هجين خيول الريح تنسد ولاهمَاهَا تنقد ولا رجعت اذا انسد اهو المشوار َوٍكت عرَّش حدانا ندم براهو اتمطي وامتد (5) نهاية الحفلةْ دلوكهْ نهاية الحفلةْ مبروكهْ لأنو الحوت َفتَح خشمو لأنو الزول عِرٍف أسمو لأنو... لأنو ............. يأخي أقيف أهي الأمواج وداك القيف |
||||||||
07-06-2010, 08:20 AM | #15 | ||||||||
|
كان جنوبيا رغم كثافة الساتر الذي تتخذه والذي يحول دون التواصل الكامل لك التحيه علي هذا الدفق وهذ ا الاثراء للموضوع الذي نحن بصدده وواصل مدك للبوست بالالق ولك الشكر |
||||||||
07-14-2010, 03:48 PM | #16 | ||||||||
زائر
|
عمنا عوض سلام ليك وللجميع لي بعض الملاحظات حول ما تكتبون وتنثرون في هذا البوح الجميل -منتدى فطيس 1- موضيعكم شيقة وجميلة ولكن تفتقر للتسلسل الإبداعي في تناول المواضيع شرح: عندما تبدأون البوست بموضوع جميل وشيق كهذا الموضوع الذي يتناول الدوش رحمة الله عليه - فجأة تتغير المواضيع وتنزل بوستات أخرى قبل أن يوثق للبوست الذي تم فتحه ولم يغلق بمعني أن كل مواضيع البوست مازالت مفتوحة ومن فتحها لم يغلقها بعد أن أستوفت حقها من النقاش والكلام 2- ما الاحظه أن معظم الشباب يجتهد في فتح عناوين جديده وكأنما الإسم مهم مع وجود بوستات مفتوحة تشابه ما يرغب العضو في فتحه من جديد (حيث نجد أكثر من بوست يحمل مواضيع متشابه ) 3- لابد أن يكون المنتدى في يوم ما مرجعاً لأحداث ومقالات تمت كتابتها وتاريخ تم سرده كألقك الجميل ف يموضوع المحطة الضباب والتي أتمنى أن يكون بوست ضربة البداية للمتصفح والزائر ولكن تغطيه في بعض لإيام بعض البوستات ....... 4- اللهم هناك بوسك رائع كروعة صاحبه وهو عسل سوداني يتجادع فيه صادق مع عبد المنعم روائع من الكلمات السودانية عالية النقاء ايضا تخفيه في أحايين كثيرة بعض البوستات ولا تعليق عليها 5- أتمنى أن يكون كل عضو هو صاحب بوسته الذي قام بفتحة وهو من يقوم باغلاقه متى ما رأى .. حتى تتم عملية أرشفة للمواضيعه المنتهية مرة أخرى أتمنى أن يكون حديثي لم يجرح أحد فانتم شامة في هامتنا وثغره وضاءة في جبيننا دوما صباح خيرا يضوي عليك بشاشاتو وحنين زولا يشيلك شوق يعطر بيك مساحاتو صباح أمي وصباح دمي البتمرق من مضخاتو صباح الخير شروق عمري وبداياتو صبحت اليوم سمعتك في حسيس قلبي بتهتف من صباباتو و واتمنى أن تتم العودة لبوست الدوششششش فهو إن كتبنا فيه حتى نهاية العام لا ينتهي |
||||||||
07-15-2010, 06:35 AM | #17 | ||||||||
|
كان جنوبيا لافض فاك لقد لخصت الحاجات والجمت التشتت المواضيع الرئيسيه كالكرسي الساخن او حكاية الضباب اوحتي بداية سرد اخونا عبدالله خيرالله او موضع فصل المرحوم الاستاذالهادي مواضيع ستستمر لفتره طويله اخري حسبما اعتقد هناك مواضيع فتحناها ولم ترفع لانها لم تؤتي اكلها كموضوع نادي فطيس هناك مواضيع تم طرقها ويجب رفعها كموضوع الشيخ الحسين الزهراء اما موضوع الاسماءا والطروحات المتشابهه فهذه مشكله كبيره وغالبا سببها عدم المتابعه اي الغياب والعوده دون البحث في المواضيع المشابهه قبل ان بيدا طرح الموضوع ونتمني من اخونا عبده ان يوسع الخارطه الاداريه قليلا ليكون هناك تخصص في التوثيق وجرد المواضيع وحذف المكرر ومحاولة تجميع المتشابهات الامر يحتاج لشخص يملك وقتا اكبر للفحص والغوص عميقا ومن ثم التشذيب موضوع الدوش الذي نحن بصدده لا اريد رفعه لاني مازلت اظن ان الامر يحتاج للمزيد من البحث وبالذات في زاوية تغيير مسار القصيده العاميه علي يد الدوش وكذلك للتدارس حول بعض اشعاره ورموزه التي اطلقها وصارت بدايات جميله كالبت سعاد و غيرها |
||||||||
07-15-2010, 06:40 AM | #18 | ||||||||
|
كاضافه لتنويهك هناك مواضيع اتمني ان لاترفع ابدا كموضوع عسل سوداني وموضوع القصص الذي فتحه اسخليوس وكذلك موضوع الشعر لفطيس هذه مواضيع يجب ان لايتطرق اليها النسيان ويجب ان تظل دائما متالقه لانها تبدو لي لديها القدره علي التقدم |
||||||||
07-17-2010, 08:41 PM | #19 | ||||||||||
|
...... سلاااااااااااااااااام يا رايعين...... عوض يا فخيم..... ما تفأت تأتينا بالجمال.... تتفنن بالالق.... شاعرنا يا سيدي مات في بيته... لانه لا يملك ثمن علاجه... في بلد تمشدق الاخرون خيراته فللا ومالا وكنزوا من الذهب ما لم يكنزه قارون في زمانه..... وهو يدري سلفا.... معاناة شعب.... وها هو يتساءل عن بلد رايح.... حأسأل عن بلد رايح وافتش عن بلد سايح واسأل عن امانينا اللي ما بتدينا صوت صايح وأسأل وين مخابينا إذا جانا الزمن... لا فح واسأل عن بلد مجروح وعارف الجارحو ليه جارح وابكى على بلد ممدوح وعارف المادحو ما مادح واحلم بي حلم مسروق لا هو الليلة لا امبارح أعلق في جناح سفري خطابات لي زمن فجري وادخل من درب سري لكل مضاجع الأحزان واضفِّر من شجر بلدي بروقاً مارقة من صدري حأسأل عن بلد غاطٍ لحدِّ الليلهْ في الوجعة أَنط فوق سرجي واتْحزَّم أقوم من وقعة لي وقعة أخُتْ ايدي البتوجِعْني على السأم البراجِعْني واسأل.. يا وطن يا بيتنا ليه شوقك مواجهني ليه حبك مجهجهني وليه تاريخ زمن خسران موكّر لسَّه في شجني؟ حأكتب لي شجر مقطوع مسادير يمكن يتحرك خطابات لي طفل مجدوع يقوم يجرى يقع يبرُك رسالة لكل قُمْريّة إذا دم الشقا اتوزع على كل البيوت ما تْرِك واسأل.. عن وطن رايِح واديكم خبر جارح: بأنو جميع جموع الناس حيفضلوا لا كراع لا راس ونشترى في الدكاكين يوم مسابح من دموع الناس مساحيق من هموم الناس زهج يتْعَبّا في الأكياس ونعلن في المزاد علنا وترغي الجوقة والأجراس: "نبيع الطفلة والكراس !" واصرَخ ! ياوطن! يا بيتنا ليه ما تبقى لينا الساس قدر ما تجري فيك أفكار... يزيدوا الحبس والحراس قدر ما تجري فيك الخيل تدوس الهيبة والإحساس واسأل يا وطن رايح اذا كل القبور دخلت بيوت الناس بلا اسئذان بلا صلوات بلا أكفان جريمة اسائل الدفَان؟ حريمة طلب تمن قبري من البايع في أي مكان؟ واقولك يا وطن رايح واقولك يا وطن آمر سلام النفس ما كافر ولا كافر ولا كافر |
||||||||||
07-18-2010, 07:25 AM | #20 | ||||||||
|
ياسلام يااسخليوس وحااحكي ليك حكايه علي هامش البحث ذات يوم كنت بامبده مع الشفيع مصطفي دفع الله الاخ الاكبر لقاسم اذ اكان يقطن تلك المنطقه وعندما غابت الشمس قال لي تعال سااعرفك علي شخص لم تكن تتوقع ان تتعرف عليه خرجنا من منزله وفي المنزل المواجه له طرقنا الباب لفتره طويله جاءنا صوت من بعيد كانه من بئر ان تفضلوا ولجنا الحوش الكبير وفي منتصفه وعلي الاضواء الخافته تبينت عنقريب صغير عليه رجل ايضا صغير الحجم جلب الشفيع سرير اخر وجلسنا امامه كان منهوكا يجلس بصعوبه عرفني الشفيع عليه قائلا الشاعر المشهور الدوش كانت الدهشه اكبر من الكلمات تعامل بكل بساطه اوضح له الشفيع انني احب شعره لم ينتظر كثيرا كان مستلقيا استرسل في قراءة اشعاره التي يحفظ جلها بصوت بدا خافتا ثم ارتفع تدريجيا لم نقاطعه كان يتوقف قليلا ثم يواصل حتي احسسنا بانه تعب فطلب منه الشفيع التوقف تحدث معنا عن كل شئ وكان يبدو مازوما رحمة الله عليه كان يبدو علي غير وفاق مع زوجته وهي مسرحيه مشهوره خرجنا من عنده والصبح بدا يتنفس ولكني لم انسي تلك الليله اذعدت ثانية ووجدت وضعه لا يتحمل جلوسي اليه ثم عدت مره اخري ولم اجده ثم رجعت للجزيره عندما عاد الشفيع قال لي ان وضعه الصحي تحسن وان زوجته عادت اليه لم اري مثل تلك البساطه والتلقائيه والتدفق يتوقف احيانا بين الاشعار عند كلمات بعينها كانه يعمل علي توضيح المعني للمستعمين او كانه يعيد مضغها ليستمتع بها نسال الله له الرحمه |
||||||||
|
|
|