الدرس الخمستاشر "جاهز".... لإحتراف إنشاء مواقع علي الإنترنت

[عبده مصطفي إبراهيم]

الطالب النجيب محمد كل شي عملتو صاح..........بس في حاجة كتبتها غلط
وهي رقم الفرع..........
انت في قسم الأخبار عملت فرع اسمو الرياضة....افتح الفروع ستجد أن رقم قرع الرياضة 62
امش للموديول mod_latesnews
واكتب رقم فرع الرياضة في category id
وممكن تخلي section id فاضي
وشوف النتيجة

وين باقي الطلبه ديل.......دي زوغة ولا ..........الحاصل شنو

[نضال احمد]

سلااااااااااااااااااام
والله لي كم يوم الشغل دا دايرا ارفعو(من قبل النبيشة) لكن يبقي لي مفروض المقال اظهر ولا ما كدا يا استاذنا

كدي شوف

[عبده مصطفي إبراهيم]

Originally Posted by جميلة بوحيرد

سلااااااااااااااااااام

والله لي كم يوم الشغل دا دايرا ارفعو(من قبل النبيشة) لكن يبقي لي مفروض المقال اظهر ولا ما كدا يا استاذنا

كدي شوف

نفس مشكلة محمد إبراهيم.........تابعي التصحيح الفوق
بس category id عندك 61
ختيتي ال section id صاح

[نضال احمد]

نان انت السايب دا ما قلت يخلو فااااااااااااااضي
انا لمن اعمل تعديل في المقال باختار secion اللي هو news لكن في الcategory في القائمة المنسدلة ما بظهر لي اعلام وشخصيات عشان اختارو اتخايل لي المشكله هنا لاني اسي بعد ما ادخلت ال61 دي الحال في حالو

[عبده مصطفي إبراهيم]

السيكشن......ما نيوز........السيكشن أخبار
أختاري أخبار........بتظهر ليك.......في الكاتقوري....شخصيات

[نضال احمد]

والله انت حكيم وبصير
شوف عليك الله الشغل دا اداني الليل لكن برضو استفدتا
خلي الجماعة اجو اتشفو
وقال شنو كان بقت فاس ما تكسر الراس
ياااااااااااا حليلم ناس زمان اسي المره بقت تصمم مواقع

هنا

وتصبح علي خير

[محمد ابراهيم احمد ابراهيم]

الحبيب عبده
معليش بس عندى كم استفسار
ظهر الموضوع وانا عاوز اظهر العنوان
بعد د ا قمت باضافة قسم التكنولوجيا وعملت ال ا دى وكان 64 ومشيت وضفتو بس ما بظهرو العنوان والمواضيع

http://alsfa.webege.com/

[عبده مصطفي إبراهيم]

شفقة الكلبه الجابت جناها أعمي
لكن احيك لأنك ماشي في الطريق الصاح
إنت لما تعمل كاتيقوري جديد "تكنولوجيا"... الخطوة التالية ذي ما في الدرس..كتابة موضوع
ووضعه في هذه الكاتقوري"الفرع"
تمش تعمل أو تعدل ليك موضوع "article" وتختوي في الفرع دا
بعدها تمش مكان الموديولز...عشان تضع الموضوع في الصفحة المشاهدة
في الموديلوز...أنت استعملت mod_latestnews
عندك خيارين يا تستعمل نسخة من هذا الموديول أو تختار موديول تاني
وطبعا كل موديول عندك طريقة مختلفة لعرض الخبر
عشان كدا
إستعمل موديول جديد..mod_newsflash
غير التفاصيل علي اليمين بالظبط كما فعلت في الموديول السابع...مع تغير ال "title" من فديوهات مختارة الي اخبار التكنولجيا
علي اليسار بتلقا المؤشرات مختلفة لا نحتاج الي الأي دي بتاع الكاتقوري
فقط نختار من القائمة المنسدلة
أعمل apply
شوف

[محمد ابراهيم احمد ابراهيم]

ههههههههههههههههه خلاص نقيف هنا عشان نمش استب باى استب مع المجموعه



تحياتى لك كميان

[عبدالمنعم]

طبعاً تأخرت كثيراً وتسببت في تعطيل الجماعة

والسبب بعض الدبرسة والعين .. محمد وجميلة سحروني عديييييل كدا

ويمكن الأستاذ زاتو يكون معاهم

غايتو هذا ما توصلنا إليه بعد عك شديد

هنا