الكــــرسي الســــــــاخن..يجلس عليه (-)

ود الخضر ( أب أحمد ) لك التحيه وقد أتيت بالروائع يا رائع

* حلم كل غيورعلي وطنه أن يرى النور يتدفق على جنباته ولن يرضي حتي تتحقق أمنياته ..


* مسقط الرأس لابد له من مساحات منفرده داخل كل انسان تحوى بطياتها كل الذكريات التي يستمتع بها كثيرا وهو يستعيدها، وعلي كل منا ان يستقل حياته لصنع ماضي حافلا يشعره بالعوده اليه.

* الذي يجعلني حزينا حبي للوطن

* أما فرح الاطفال ..

الاثــير الجاي منهـــــم همسو صـــندل لي كـــــياني

والزمن يوم جابو لي صوتهم بينعش الريد والاماني

ونشوة اللقيا بتداعب شــــوقي لي شـــوفتهم ثواني

اهامس الروح بي خيالهـم شان دلالهــــم إحـــتواني
وانا أصغر بناتي .. دلال

* في بعض الاحيان أحس بالاحباط وينتابنى شعور بالملل وقد لا يقتصر على الملل فقط ولكن يتعداه الى الأضرار البدنية والذهنية وفي حين يهاجمني المللً يعتريني الفتور وأصاب بالعصبيه والارهاق والخمول والأرق ، ولكني ببساطة أعتبر هذه حالة ذهنية ترعرعت في معزل عن الظروف الخارجيه بل هي موقف العقل من هذه الظروف . والحياة ممتعه اذا اردت اعتبارها كذلك ..
ويمكنني مقاومة الاحباط أو الملل مثله مثل بقية التحديات في الحياة
اليوميه بملاحظة الأحداث الصغيره والتفاعل معها بدلاً عن اهمالها
وممارسة الهوايات وبناء العلاقات الجيده وتطويرها

* لم أقترض الشعر ولكن أتذوقه ، فالنص يتدفق في مشاعري وأنا اتفاعل وأشتقل مع هذه الدفقه، وذلك بالوعي والتأمل في أدوات النص والثقافه التي تسيطر عليه . ( ولكن بقرض الكسره )..

[عوض خضر]

المك الله يديك العافيه كفيت ووفيت

[عبده مصطفي إبراهيم]

الصادق سلام ....اها يا ذول اديناك ذمن كافي............
فصاحة في "عسل سوداني"...وباقي لي عوض خدر في حلقو
تعال هنا اترزع هنا ..........بس الشباب ما يقصرو


اها يا الباقر......جيبنا ليك......

الحمد لله .. آخيرا اتذكرتني ماقصرت يا عبده تب .. والليلة جيتك ياحرش ..


أورلو كيف حالك سؤال واحد وخفيف وظريف ...

تذكر في دوري فطيس زمان كنت بتلعب حارس مرمي لي فريكم .. أحكي لينا عن أول مبارة ليكم ضد فريق النيران وكم كانت النتيجه ( يا بريمه ) ؟

[عبده مصطفي إبراهيم]

كدي يا الباقر لووك الصبر..دايرو يقعد يكرش ليك رويسو دا
ابدا بي دا يا الصادق علي بال ما تتزكر
حريش............تعريف كامل........وهل هو لقب ولا إسم في العائلة
وليك الف تحية

[عارف عبد الرحمن]

الزول دا عاوزين تنجضوا من قولة تيت .. أدوه فرصة يا جماعة خلو الزول أول حاجة أصنقر في الكرسي الشايفو براه دا .. بعدين خلونا نورموا بالأسئلة ..جاك الموت يا ملك الموت ...خليني أندردم لي سؤال وبعدين بجيك..

[صادق محمد عوض]

بسم الله ولجنا....وبسم الله المبتدي والمنتهي......
الأخوة الكرام المكرمين: بسم الله نبدأ.... اللهم لا سهل الا ما جعلته سهلا.... اللهم احلل عقدة من لساني يفقهو قولي....
انا جيت والزرق تلاقيط

[Amhar]

حقيقة برد الكرسي بحضورك البهي ولكنا نود الدفء لكي تتدفق .. بهاءاً

[صادق محمد عوض]

اورلو مشتاقين وكده......

المعروف انو تيم فرج الله من اضعف فرق القرية..... او هكذا كانت بدايتة ... وده في جيلنا بس... لانو التيم القدامنا كان من اقوي فرق الحلة....بقيادة عمر فرج الله نجم نجوم فطيس.... اما نحنا جينا خربناها... وفي المباراة مع تيم الكمبو (ب) كنا غلبناهم وانتقلنا للمرحلة التالية ولعبنا ضد النيران الفريق الاول في الكمبو بقيادة انور عمر.... وبعد الهدف الاول في مرمانا ... غيرني المدرب عمر فرج الله الي حراسة المرمي.... لانو حبيب الله قلب علينا اثناء المباراة .... وانتهت المباراة 6-2 وكان نصيبي كحارس مرمي 5 اهداف اخراها من كلابش بعد ان راوغني....
لكن في الدورة اللي بعدا دعمنا الفريق من ام عضام وكسبنا الاهلي والحسين بقيادة الهداف الفحيل الاسم الذي لن تنساه فطيس..... الرجل الذي حاور عاصم احمد عبد الجبار وكان سببا في اعتزال الطريفي المبكر بسبب الركبة....

[صادق محمد عوض]

المدير ....تحياتي ... متحريك لسه الموضوع ما خلص؟؟؟..... ياخي لو راكب في ضهر نملة كان وصلني..... بس انشاء بعد المدة الكافية دي يكون حاجة حدث.....
................. الصادق بن محمد بن عوض الجيد بن البشير بن عبد الله بن بادي....وحريش دا جدي لامي عليهما الرحمة.... من اهلك البطاحين من ود ابو صالح شرق النيل.... وحريش ده كان زول مشاكل وكان بتعرف (السلف) الزول ده كان بعرف دروبو.... ومشهور بالهمبته..... يعني زول مشاكل وقلع ساااااااااااااااااااااااا اااااااااي.... بقية عقبي في ام عضام الغربية..... جدودي واعمامي وخالاتي ..... وخالي وحيد بين اربعة نساء ... ومات رحمه الله شابا...وفطيس دي جابنا ليها الشيخ ودعمر امد الله في ايامو....كان صاحب ابوي عليه الرحمة..... وسكنا في البداية في فرج الله القديمة (ام سبيكة).... وعمل ابوي بالتجارة وكان جزار شهير في السوق.... ورحلت العايلة فيمن رحلو الي فرج الله الجديدة...حيث ولدت... خريج 1999كلية التربية لغة انجليزية ولغويات (linguistics) واتعينت في الخرطوم وتعاقدت في السعودية في2002 وحاليا مدرس في المجمعة ثانوية الملك عبد الله(تطوير) وتطوير دي يعني بدرس عن طريق الحاسب وحاصل علي شهادة استاذ مشارك من شركة انتل مايكروسوفت الاميريكية..... وبحضر في الماجستير في جامعة السودان في النظرية الحديثة للنقد (Discourse Analysis).
انشاء الله اكون كفيت ووفيت.....