نكات رهيبة تضحك وبس

مرة واحد بيعدي الشارع مع صحابه خبطته عربية مات، فشالوه لبيته و وقفوا برة البيت
إختاروا واحد منهم عشان يقول لمراته فراح لها فتحت له الباب قال له: " جوزك ضيع كل فلوسه ع القمار"
قالت له: " إلهي ينشل البعيييد!"
قال لها: " و باع البيت"
قالت له: " إلهي يبيعوا عنيه!"
قال لها: " و اتجوز عليكي على فكرة"
قال له: " إلهي يدخلوا عليا شايلينه"
الراجل قال لزملاه: " بس.. خشوا يا شباب..."

***
كان في شايقية بتعوس وماسكة القرقريبة فقاموا قالوا ليها راجلك عرس فييك فكانت جنبها جدادة ، فمسكتها ومسحت بيها الصاج وجدادة تكاكي كاك
كاك كاك قامت قالت ليها :والله لو كاكيتي وال ما كاكيتي ياكي المعراكي
ياكي المعراكي

***
رباطابي مشى للجزار قال ليه اديني كيلو لحمة
الجزار كل مرة يقطع حتة لحمة ويرميها في الميزان
الجزار قال الميزان ده ما داير ينزل مالو؟؟
الرباطابي قال ليه ينزل كيف عاد وانت بترمي ليه في الدوهات من قبيل...

***
ادروب مشي يخطب قالوا ليهو البنت بتقرا قال ليهم خلاص وقت الفسحه نجي

***
واحد من اهل العوض عايز يعمل لمرتو مفأجاة في عيد ميلادها طلقها

***
صرصار راقد في المستشفى بأزمة.. سأل زميله المجبص : بف باف برضو؟ زميلو قال ليهو : لا شبشب

***
شايقي جبار جداً إشترى ساعة سألوه الساعة كم؟ قال:أها خلاص دايرين تكملوا الحجر..

***
رباطابي بيبيع في حنه جاهو مسطول قال ليهو دي حنه؟ رد عليهو الرباطابي لا ده سد مال

***
قالت لخطيبها بزهج:
الحكاية شنو !! سنتين وانت بتجينا كل يوم جمعة ، حا نتزوج متين ؟؟
رد عليها:نتزوج !!!وتاني يوم الجمعة امشي وين ؟؟؟

***
طلاب عندهم امتحان في حفظ القرآن, دخل عليهم المدرس زعلان ومعاهو سوط عنج

سأل الأول اسمك منو ؟؟, قال يوسف, قال ليهو سمع سورة يوسف

وسأل الثاني وانت؟؟, قال يونس, قال ليهو سمع سورة يونس

وسأل الثالث اسمك؟؟, قاله اسمي عمران.. بس بدلعوني كوثر

***
مسطول جنو مظاهرات مشا الحج لقا الناس برمو في الجمرات حرق لستك ,,,,,,

***
في طالب بليد دخل الامتحان وهو ما قاري ولا ناقش أي حاجة ولحسن حظه الاسئلة كلها أجب بلا أو نعم. قام طلع شلن من جيبه وبقى يرمي طرة صاح كتابة غلط، انتهى في زمن وجيز وقياسي عاوز يخرج لقى لسه زمايله ما خلصوا رجع تاني وطلع الشلن قال عايز يراجع الاجوبة

***
جعلي مات
ولدو قاعد جنبو
قام الميت فرفر
الولد جرا لي عمو قال ليهو : ابوي بفرفر عمو قال ليهو : اسكت كمان يقولو الجعليه مابعرفو المووت الليله كان قام رقص دافنينو24

***
إمراءة كبيرة من اهل العوض بتاخد فى حصة محو اميه وكان الدرس عن دخل حامد وخرج حامد
كل ماالاستاذ يقول دخل حامد تقوم المرة تغطى وشها
ولما يقول خرج حامد تفتح وشها
لما رجعت البيت زوجها سأله اها الليله ادوكم شنو؟
قالت ليه هو حامد خلانا نقرا حاجة طالع وداخل فينا من مامشينا لحدى ماجينا

***

[صادق محمد عوض]

ههههههههههههههههههههههههه هههههههه ....مشكوووووووووووووووووووو وووووور : ادام الله انبساطك....... الواحد ليهو زمن ما سمع نكات وضحك... الليله جيت واضحكتنا

بجد ابدعت يامصطفي لينا زمن ماضحكنا زي دا .والمسطول الحرق اللستك ابدع بجد .لك الشكر

[محمد ابراهيم احمد ابراهيم]

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههه

نكاتك روعة وبالذات المصرية لذيذة شديد .