|
06-19-2010, 08:45 AM | #101 | ||||||||||||
مشرف المنتديات الأدبية
|
زي مُهر السّبق في مشــيَّتُو وِوِحِيلُو ضامر هافو تُقْل أردافو هدَّد حيـــلو ردفولو الطلح ملَّص عقودو وتيــلو أخد البوخة قام عرقو الصفيح ما بشيلو
|
||||||||||||
06-19-2010, 08:59 AM | #102 | ||||||||||||
مشرف المنتديات الأدبية
|
الزول المحزَّز جيدو فـــاق ناس جيلو مصاقِّر حفرة الدخان صباحو وليــــلو طلع من بيتو طلَّع روحنا بي وحِّيـــلو يضْوِي جبينو زي بدر التمام في ليلو
|
||||||||||||
06-20-2010, 10:28 AM | #103 | ||||||||
زائر
|
عسل سوداني
بجد كدا ابدعت وزكرتني اخونا شريف حسين ،عندو خفشات لزيزة في اغاني الحقيبه،وزيدنا كمان اصلو لينا زمن ماتكيفنا |
||||||||
06-21-2010, 07:41 AM | #104 | |||||||||||||
مشرف المنتديات الأدبية
|
Quote:
بـــص المدرسة البصيتلو بصة عابر ومن داخلو انطلق سهماً يولول هابر حش حشاي ما خلى لي عضماً جابر كيفن الخلاص يا شعرا فيكم خـــابر؟
|
|||||||||||||
06-21-2010, 08:05 AM | #105 | ||||||||||
|
سمرتا زي سماً.. سري في أوصالي حلاتا عسلاً صافي مو متحالي بسمتا تفضحني تكشف حالي ليما بدورو الا صعب يبقالي
|
||||||||||
06-21-2010, 08:44 AM | #106 | ||||||||||
|
يا معروف اخوي مالك بتزيدنا تبهدل بتجيب طاري الطلح اللي عقولنا يخبل قعدن فوقو ستاتو ناس عازة امات جنقل قامن منو بلا البونش ضربوبو هباب سنجل |
||||||||||
06-21-2010, 08:55 AM | #107 | ||||||||||
|
الزول القبيل ازانا بي تفصيلو مقسم جسمو عالي خاتي مثيلو سالب للفؤاد هارد القليب كاويلو يوم طبق البوخة قام وهز حجيلو |
||||||||||
06-21-2010, 09:05 AM | #108 | ||||||||||
|
بص المدارس اقيف في السكة ديك راجنك شايل للبنوت ارفق وجود علينا كترو حنك خلينا النشوف فايق الجمال الفاهو ديمه محنك فرد نظرة لي خديدو وعقب خلينا صد لي جنك |
||||||||||
06-21-2010, 10:41 AM | #109 | ||||||||||||
مشرف المنتديات الأدبية
|
يا الصادق أخوي أظنك بقيت تقطعو أخضر من الراس وأنا قبيـــــــــــل كُت قايلك متلي بتجيـــب من الكراس المهم هذا النم بيســـــــــــعدنا وقد يداوي بعض الناس واصل يالحبيب أصلو النّم سمح من الراس أو الكراس
|
||||||||||||
06-21-2010, 10:47 AM | #110 | ||||||||||||
مشرف المنتديات الأدبية
|
واحدين قالوا شافوها وسريع إتضارت واحدين قالوا مرقت بره تقدل ساااارت الشي الشُفتو أنا وأفكاري فيه أحتارت ليهَ القمره نزلت من سماااااها وزارت
|
||||||||||||
|
|
|