هل نحن شعب غير مبدع

ما داير اقول شعب فاشل لان الفشل ( حار علينا )

لكن الناظر لكل الامور يري اننا غير مبدعون في اي مجال

امسك الفن ( الغناء ) بالرغم من وجود اشعار جيدة ولكن نري ان الاداء للاغنية غير متطور وفية الكثير من عدم المواكبة

امسك السياسة فشل زريع من ما قمنا ما شايف واحد كدا تقول علية القلنا موسي طلع فرعون

امسك الكورة اللعب دا فشلنا فية

امسك التمثيل والله اخجلوك مع المصرين ( عوارة شديدة )

امسك الزراعة ( شوال العيش بي 240 ج ) قال مليون ميل صالحة للزراعة ونهر النيل شاقي البلد وبعدا الناس جعانة

امسك الثروة الحيوانية الكيلو بي 40 ج العجالي والضان طولت منوا ماعارف بقي بي كم

امسك الثروة السمكية الواحد الا اشتهي السمك بعد 6 شهور حتين امشي اشتري لية كيلوا بتاع سمك

امسك كل حاجة تلقاها مافي مكانا

بعد دا نحن شعب مبدع

والله ما مبدع الا في الكلام

وفقط الكلام الا بودي ولا بجيب

[عبده مصطفي إبراهيم]

الأخ ياسر
فعلا نحن شعب مبدع في الكلام اللابودي ولا بجيب علي قولك
والأسؤا .... كلنا مقتنع بهذا
الإبداع "هو كفاءة وطاقة واستعداد يكسبه الانسان من خلال تركيز منظّم لقدراته العقلية وارادته وخياله وتجاربه ومعلوماته..
الابداع يعدّ سرّا من اسرار التفوّق في ميادين الحياة
ويُمكن صاحبه من كشف سبل جديدة في تغيير العالم الذي يحيط به والخلاص من الملل والتكرار."
هذا التعريف ... لكي يكون يحتاج إلي بيئة صالحة ... والواضح أن السودان
أبعد ما يكون إلي مكان يسمح بالإبداع.
وقد يختلف معي الكثيرون..ولكنه الواقع
معايير الإبداع إختلت عندما يتشعلق مشجع في برج مهددا بالإنتحار لأن لاعبا تم شطبه
..........إختلت عندما طرب الجميع لأغنية الخاينة جاجيتا ..جاجيتا جاجيتا يا ريتني لو دقيتا......
. . . . . . . . . . إختلت عندما يأتي سياسي ويقول ليك "لحس كوع""ودغمسة"والدفاع بالنظر"
وهناك الكثير
وكلها معايير إبداع أتي بها مشروع حضاري ... لا علاقة له بالحضارة
.......................
نسأل الله أن ينصلح الحال....