اسراب الباعوض تغزو فطيس

دا علي شاكلة المانشيت في الصحف قبل كم يوم ( اسراب الباعوض تغزو العاصمة ) .

طبعا كل خريف بتزيد فية اسراب الباعوض والذباب ومن المؤكد ان الباعوض الايام دي علي قفا من يشيل وسادي الدرب بي الخرسان فلوا قلنا نعمل رش ضبابي وطرمبات ورش المياة الراكدة وسحبها ورش البيوت بالجبكسين ( زي ناس زمان الله يطراهم بالخير ) انا شايف اخير .
طبعا المحلية او الوحدة او الولائية ما اظن سوف يكونوا حنان ويجوا يفتشوا فطيس دي وين وواقعا بين خطي طول كم عشان ارشوا الباعوض .
فيا ناس اللجنة الشعبية واهل فطيس الساكنين فيها لو عملتوا ليكم يوم كدا بتاع رش وشفتوا ليكم طريقة كدا براكم شغل اهالي انا شايف الكلام دا كويس والا استحملوا الجاياكم .
وعليك الله يا الباعوض شوف ناس الخرطوم المرطبين ديل وامشي عليهم .

ربنا يحمي البلد وناس البلد صوتنا معاك لكل الشباب دي من الحاجات المقدور عليها وما عاوزه غير شويه همه عشان اطفالنا وكبارنا

ونكفي البلد شر الملاريات .


دي رسالة وتنبيه في زمنه يا ياسر ربنا يسهل ويسمعوا الشباب عشان ما نطر نفاوض الباعوضه بالحوار السلمي بالرحيل

[عبده مصطفي إبراهيم]

لك التحية أخ ياسر وحكاية البعوض دي لابدت امس ولا بتنتهي بكرة
لأن المشكلة مافي البعوض المشكلة في الناس
المطر ما بقصر
بملا الشوارع بي موية حاقصة.
وطالما مافي تصريف....أعتقد الناس حقو تتوقع البعوض البرفع الملايا داك
ويرشو شنو ويخلو شنو....وبعد شنو...مافي بعوضة بعد تطير بتجي ترجع للموية
أعتقد الناس تتجهه في الوكت الحاضر...لتوفير...ناموسيات
ودي الأكتر الحلول واقعية...في الوكت الحالي
ودي حقو يفكرو فيها المغتربين...لانو يا ترسل حق الناموسية يا حق العلاج
وكلو زول حسب فهمو
والله يهون القواسي