للتسجيل في المنتدي...نرجو مراسلة الإدارة وشكرا كلمة الإدارة



الإهداءات
أمين عبدالله من البورت : السلام عليكم يا أهلنا الطيبين محمد عزالدين من من سنار : ألف مبرووووووووووووووووووووووووووووووك الأخ فيض عزالدين وبيت مال وعيال محمد عزالدين من من هنا : العيد مبارك على الجميع والقابلة ذي ما دايرين يوسف محمد الطيب من الرياص : التحيه لكل الاعضا وشوق كتير للبلد محمد عزالدين من سنار : تحياتنا لجميع الإخوة الأعزاء طال الغياب والشوق بحر منذر مصطفى من أرض الخير والطيبة - الجزيرة - ودمدني : وما من كاتب ٍ الا سيفنى ويبقى الدهــــر ما كتبت يداه ٌ فلا تكتب بخطك غير شيئ ٍ يسرك في القيامة ان تراه ودالمحينه من السعوديه الخرج : كن في الدنيا عابر سبيل ---- وأترك وراك كل أثر جميل -- فما نحن فيها إلا ضيوف---- وما علي الضيف إلا الرحيل مشتاقين لى كل اعضاء المنتدى وفطيس الحبيبه الله ارجعنا فى اغرب وقت أمين عبدالله من البورت : التحايا العطرة لكل الأعضاء الكرام محمد عبد المنعم حسن فحيل من الرياض : مهما مشينا و روحنا بعيد بنجيك بلهفة و شوق وحنان &&&& التحيه لكل اعضاء المنتدي فردا فردا &&& وكل عام و انتم بخير و سنه سعيده &&&& حسين مبارك من نادوس : سلامات وكيف الحال ومشتاقين منذر مصطفى من ودمدني : تسامحو لأن الرسول الكريم قال ليلة عرفة ترفع جميع الأعمال إلي الله عدا المتخاصمين اللهم إني قد عفوت عن الجميع لوجهك الكريم عيدكم مبارك العفو عبدالرؤوف محمد حسن من الرياض : تحياتنا لكل اﻷهل بفطيس ابومازن من الخرطوم : سلام لاهلنا المنكم طولنا والله شوق شديد للبلد وناس البلد ابوذرابراهيم من المدينه المنوره : عدنــــــــــــــــــــــــــــــــــــــــــــــــــا محمد عبد المنعم حسن فحيل من الرياض : مبروووووووك والفين مبروووووك وتهنئة خاصة الي الاخ العزيز عفيــــف الهادي بمناسبة الزاوج وبيت مال و عيــــال عاطف البدوي من الرياض : بمناسبة العشر الاواخر تقبل الله صيامكم وقيامكم وجعلكم من عتقاء الشهر واظلتم خيرات وبركات الشهر الكريم mohammed alsir saad من من فريق وري : أهني جميع أعضاء المنتدي بحلول شهر رمضان المبارك أعاده الله على الجميع بالخير واليمن والبركات وتقبل الله منا ومنكم صالح الاعمال والدعــــــــــــــــوات ------ رشا محمد من من طرف الحلة : عودا حميدا مستطاب الخال بدر وإجازة سعيدة عبدالعزيز خيرالله الحسن من الرياض : التحية للابن المتفوق في مرحلة الاساس يوسف احمد يوسف واحرازه لمجموع 229 وعقبال الجامعه والتحية لكل ابنائنا المتفوقين محمد عبد المنعم حسن فحيل من الريـــاض : والله مشتــاقييييييين للحــــله و الــي المنتــــدي اخباركم ياشباب


أشعـــار شــــوايقة

المنتدي الأدبي


إضافة رد
قديم 11-21-2010, 07:36 AM رقم المشاركة : 11
معلومات العضو
عبدالمنعم
مشرف المنتديات الأدبية
Monim

الصورة الرمزية عبدالمنعم
إحصائية العضو







 

عبدالمنعم غير متواجد حالياً

 


إرسال رسالة عبر مراسل Yahoo إلى عبدالمنعم
عدد الترشيحات : 6
عدد المواضيع المرشحة : 4
رشح عدد مرات الفوز : 4
كاتب الموضوع : عبدالمنعم المنتدى : المنتدي الأدبي
افتراضي


ساقتنا الظروف

ساقتنا الظروف يا صاح لـي دار العـذاب والغربـه
فارقنا القرير نتباكـي احكـام الزمـن صـح صعبـه
من شفع صغار يـا دوبنـا ماسكيـن الشطـر نتربـي
مـا فتنـا البلـد بالمـرة حبهـا قـام معانـا وشـب
بـي فـوق البحـر نتجـارا عاشرنـا وبقينـا احبـه
حارسين الجبابيد ديمه نشـرب مـن مياهـو العذبـه
نتغاتت كتير في بعضنـا دسينـا الطعـم فـي العلبـه
مـره نلفـو فـي الأشميقـه بالكشونـه تلقـى مخبـا
نحلف للكمـل صارقيلـو مننـا مـا يضـوق الحبـه
نرجع تاني ننسـى القلنـا نديهـو وتعـود الصحبـه
والطاهر جزيرتو حليلـه نسامـا العليـل فـاح هـب
يلا عليها قـوم يـا رامـي لـو بينـا بيـدور القبـه
آه أنـا حليـل رملاتـا منهـا كــم نشـيـد قـبـه
نرميها ونقـول لبعضنـا سجمانـي ودي فوقـا التبـه
نرجـع للتقـا ونتلـم نسـأل عـن صديقنـا الـغـبَّ
ندفرلـو الصغيـر فينـا يتـأكـد يـعـرف السـبـه
يمشيلو ويجيبو ونبدا كـم فـي الخـط نصيـح نتنبـأ
ماهـن ستـه لـع والله ياتانيهـو عـيـد الحسـبـه
ماهن سبعة لـع والله ماهـن تسعـة جبـت الكضبـه
فجأة يقولو شـد نتجـارا واليركـب تكونلـو الغلبـه
وينو شليـل حليـل فتيشـو ماكنـا بنخـاف أو نأبـه
نتحـاوم حفايـا نكوسـو يدفعنـا الحمـاس والرغبـه
نرجع لامتيـن لقريرنـا يفـرح عـاد قليبنـا الحـبَّ
نيلووروض نخيلو الزاهي حاضناهو الأراضى الخصبه






التوقيع

التوقيع عند النجار

رد مع اقتباس
قديم 11-22-2010, 12:43 PM رقم المشاركة : 12
معلومات العضو
عبدالمنعم
مشرف المنتديات الأدبية
Monim

الصورة الرمزية عبدالمنعم
إحصائية العضو







 

عبدالمنعم غير متواجد حالياً

 


إرسال رسالة عبر مراسل Yahoo إلى عبدالمنعم
عدد الترشيحات : 6
عدد المواضيع المرشحة : 4
رشح عدد مرات الفوز : 4
كاتب الموضوع : عبدالمنعم المنتدى : المنتدي الأدبي
افتراضي

شمعة

ما مات بين ضلوعي هواكي .. حي ..رغم الجراح والدمعة
مهما الليل طواني ظلامو ... ماب تطفي الرياح الشمعـــــة
***
حالف ــ شان اصونو هواكي ــ بالخلق السماوات سبعـــة
من دربي المشيتو معاكي ... لاخوف ، لا حياد ، لا رجعــة
***
إنتِ النخلة شايلي غرامي ، في أحشاها ، تسعة وتسعــــة
لا انتكى من تُـقُـل عرجونا ،لا اشتكى عودا ،يوم،من وجعة
***
ما بِخلت على شتلاتا من فيض الحنان ، بي رضعـــــــة
لا عوبَس جريدا وكشَّ .....لا قمريها طار من فزعــــــة
***
مدت ضلها المترامــــي ، لي قيلـــــــــة النفوس والهجعة
ضُلاّلة القلوب .... و رهينـــي .. للدنيا المقددة ، رُقعــــة
***
شايلي من البلد حن ناسا .....ماب ترجا البَصيح للفزعـة
إن قصَّر جنا ، اتغاباها ... عندها ليهو حق الشُّـــفعــــــة
***
لو شحَّ الحصاد ...عطَّاية ....لا مَن ..لا رياء ..لا خدعة
كان ما هِي .. القساسيب تبقى...علَّمت الله،من فد دقعــة
***
تــربالك أنا ، الكادنـــــــــت حوضــك ، من سموم الأفعى
من نيل المحبـــة دلقت سُقياك ...... ما مقطّعة ترعـــــــة
***
مِـنِّـي ، وفِيِّــي حبك شبَّ ... ما كُــستو ورميتلُو الودعــة
في النَّفَس الطلع واندلَّى...حاسَّبـُو ، ساعت اغبِّى وأوعى
***
في الروح إنسكب ترياقو .... يشفي من العلل بي جرعـة
نعمة من الوهبني وأعطى ، ما كان يوم جريمة وبدعــــة
***
حب ، نيرانو موقدي ... أثافيه وِهّيطة الشجن واللوعـــة
برداً بي سلامو يدفِّـي ... فاض ، غمر الحواس مجتمعـة
***
الزول في جري الفي الدنيا.. كُلْ راسمالو سِيرة وسمعـة
سيرتي وسمعتى المدخورة ... منك تستمــد الروعــــــة






التوقيع

التوقيع عند النجار

رد مع اقتباس
قديم 11-23-2010, 09:21 AM رقم المشاركة : 13
معلومات العضو
عبدالمنعم
مشرف المنتديات الأدبية
Monim

الصورة الرمزية عبدالمنعم
إحصائية العضو







 

عبدالمنعم غير متواجد حالياً

 


إرسال رسالة عبر مراسل Yahoo إلى عبدالمنعم
عدد الترشيحات : 6
عدد المواضيع المرشحة : 4
رشح عدد مرات الفوز : 4
كاتب الموضوع : عبدالمنعم المنتدى : المنتدي الأدبي
افتراضي

لمّا بُحتَ

لمّا بحتَ ... وبحتِ ليَّ ..إكتسى الصبح الوسامة
الشمس رسمت ضياها ، فوق وشي الكون إبتسامة
**
لما بحتَ .. وبحتِ ليَّ
إنطلق وقع الخطاوي ...
فوق دريبات السلامة ... وسكَّة الشِّفا والتدواي
**
لما بحتَ .. وبحتِ ليَّ
للحزن قامت قيامة ...
سهروا سمّار الليالي ... والمغنين والنُّدامـــــــا
**
لما بحتَ .. وبحتِ ليَّ
الكليمات الحميمة ...
والحروف البيني ، بينك ، هن مراسيلنا الهميمة
**
لما بحتَ .. وبحتِ ليَّ
إندحر زمن الهزيمة ..
إنكسر سور الموانع ... وانتصر عصر البسيمة
**
لمّـا بُحتَ .. وبحتِ ليَّ
في ظروف قاسية وأليمة
إرتضينا ندوسو شوكا .. أو نحلِّق فوقا غيمــــة
**
لما بحت .. وبحتِ ليَّ
للغيوم النخلة شابت ..
إتفدع وخدَّر جريدا ...فوق سبيطا تمورا طابت
**
لما بحت .. وبحتِ ليَّ
فاض وزاد النيل عذوبة
المراكب وضفّتينو ... الشراع والخضرة توبا
**
لما بحت .. وبحتِ ليَّ
غنت الحبوبة حجّت ..
منتكي وسهراني ليلا
القماري معاها وجّت ..
والبُطان لمَّت شليلا
**
لما بُحتَ .. وبحتِ ليَّ
في فيافي الغربة دوبا
طنبرابيكي المشلهت .. رسَّل الألحان طروبة
ريدة من غير ريدتك إنت ..تاني ماب بسلك دروبا






التوقيع

التوقيع عند النجار

رد مع اقتباس
قديم 11-26-2010, 09:42 AM رقم المشاركة : 14
معلومات العضو
عبدالمنعم
مشرف المنتديات الأدبية
Monim

الصورة الرمزية عبدالمنعم
إحصائية العضو







 

عبدالمنعم غير متواجد حالياً

 


إرسال رسالة عبر مراسل Yahoo إلى عبدالمنعم
عدد الترشيحات : 6
عدد المواضيع المرشحة : 4
رشح عدد مرات الفوز : 4
كاتب الموضوع : عبدالمنعم المنتدى : المنتدي الأدبي
افتراضي


حـأكتب لـك

لآخر شهقة في نفسي الأخير .. بكْتِب
لآخر زفرة في حزني المرير .. بكْتِب
لآخر قطرة في دمعي الغزير .. بكتب
**
حأكتب لك ..
لآخر لحظة ، ما بين الوجود والموت
مسجَّى على قفاي مبهوت
أعاين في فوات الفوت
واشهِّد في غنايا علَي بآخر صوت
**
حأكتب لك ..
واظل مفتوح عليكي كتاب
حروف ترجاك على الأبواب
وغيرِك ما لقت أصحاب
ولا غيرِك لقت أحباب
ولا كانت بلاك فرحة
ولا اكتملت على صفحة
معاني الإلفة والترحاب
**
حأكتب لِك ..
إلى ما شاءَ فعلُ الحب
إلى ما ناء بحمْلُو القلْب
إلى ما لانهاية الدَّرْب
بكتب لِك
**
حأكتب لِك
لآخر شمعة في وجه الظلام والريح
تقاوم ، وتحترق لوعة وأسى وتبريح
وتفرد كم شراع للنَّوْ
وتدِّي الليل أغاني الضو
وتفتح للشمس منفذ بلا تصريح
**
حأكتب لك ..
لآخر موجة في بحر الهوى العاصف
تشيلني مع الرحيل المر ، جرح نازف
على شط الأمل برجاك ... وما عازف
ولا أصوات نداي كلَّت
ولا بيرجع صداي آسف.
**
حأكتب لك ..
إلى أن .... ترتمي الصخرة بحضن الغنوة والأوتار
إلى أن .... تكتسي الزهرة نداوة الغيمة والأمطار
إلى أن .... يحتوي المنديل مرارة الدمعة والتذكار
إلى أن .... تكتفي الضفة ، من السفر المع التيار
**
حأكتب لك ..
إلى أن .... تستفيق نسمة من الصمت المباريها
إلى أن .... تنعتق نجمة من الليل المضاريها
إلى أن .... تفترق بسمة من الهم المواريها
إلى أن .... تنطق الكلمة ، وحروفا تقول معانيها
**
حأكتب لك ..
إلى أن .... أن
إلى أن .... أن
لآخر أن .. حأكتب لك
لآخر أن .. حأكتب لك







التوقيع

التوقيع عند النجار

رد مع اقتباس
قديم 11-27-2010, 08:12 AM رقم المشاركة : 15
معلومات العضو
عبدالمنعم
مشرف المنتديات الأدبية
Monim

الصورة الرمزية عبدالمنعم
إحصائية العضو







 

عبدالمنعم غير متواجد حالياً

 


إرسال رسالة عبر مراسل Yahoo إلى عبدالمنعم
عدد الترشيحات : 6
عدد المواضيع المرشحة : 4
رشح عدد مرات الفوز : 4
كاتب الموضوع : عبدالمنعم المنتدى : المنتدي الأدبي
افتراضي

بِسْم الأَرِِض

بِسْم الأرض
واللوبي ، والعيشريف ، وأطيان الجروف
وندى الصباح
والحِنـــِّي ، والطنبور ، ولمعان السيوف
بسم الوجوه السمرا دي
شايلي الحنان
والطيبة والريد والوفا
تدِّي القلوب كل الأمان من كلِّ خوف
**
بسم الشمامير
والضراع مفتول يشق جوف التراب
شان تحيا ناس
وقع الطواري حلاتو لما يمازج إيقاع الحياة ونقر الدفوف
**
بسم البحر وكتين يلين
ويجي النسيم يرتاح الموية والشفّع عرايا يدفرو طوف
وبإسمهم لمان يروِّحو "ود عِجِل" أو " سيدي أحمد" في صفوف
**
بسم التمر
بركاوي ، قنديل ،
والمدين وكتين يسوِّي أم راس يزربوه من العوين
قلب التمر ، ضفر البروش ،
قطع الجريد ... ونقريشو لي ضُلاَّلة
أو واقود وكت في بلدنا ناسنا يسووا بوش
**
بسم السبيط
طبطابة والآشميقة والمسّيرة
والحبل المبيَّع بالإيدين ..... مليان بَرِم
مكسور تلات مرات
يجيبلو تلات قروش في السوق – عشان ربط الدحوش –
ما يخربن البرسيم ونوَّارو النِّجِض
**
بسم الأرض
والكمتر الشالوهو مقلوع منقرض
والبوغة والموية التّدفِّق تنكسر
وطير البقر دا الماهو داير يتنهر
**
بسم الهجير .. والصيف وحبّات العرق
والفي الشمال ... رغم الضنا
ورغم العنا
قام هبَّ من البيت مرق
وعاد المغيرب للبيوت .. غمران رقد
طعم الكفاح باقيلو أحلى من الشهد
ومرتو اللي جات شايلي الكبابي ملاني شاياً بي لبن
هي تقول له : قوم .. الشاي برد
وأولادو جنبو : أبويا قوم
هيي ... لا تنوم
دايرلي قرشين ... يابا قوم
ديرلي نعلين ....... يابا قوم
دايرين طِرح ... يا يابا قوم
بسم الفرح ... تلقاهو قام
وبسم الفرح أنا داير أقول :
**
بسم الرتاين الفي الديار متوهجي
عاينوها جهرت "ود هناي"
يا أمُّو شيلي ورقِّدي
ما الدارة ذاتا معجّجي
خلق الله لا تتحاججي
أنا قولي لسّع ما كِمل
**
بسم القمر وكتين يهل
بسم القرير دا ، غني وفقير
كبير .... صغير
**
بسم الحفير
حتى الجداول وكل بير
بسم الدلو وساعت النشل
بسم الخلاوي ،
وشيخنا "ابراهيم" ولد "شيخنا العوض"
بسم الكتاب الآيتو تشفى من المرض
الأردواز
شدر الحراز
حتى الطلح وريحة الطلح
والدومي والخرومة والبرم السمح
والساقي والقادوس وسنبلة القمح
**
بسم التُّكُل
ودخانو فوق الدار تعوس سوَّالو ضُل
والصاج وصنقيرة البُقُل
حتى اللَّدايات والدُّقُل
والكسري والقراصة
لاعند العجين الزادو موية لأنو مر
**
بسم البلد دي ... شبر ،،، شبر
الفاس مع القدُّوم ، كمان والكونشبِــر
والطير جميع أصنافو : قمري ، وقنيقرَد
حِمِّير ، وطير الجَّنِّي ، والكُرجي و"حسين كضَّاب"
جنا الوزين يعوم ... والليل برد
**
بسم الشعر
من عِنْ "حسونة" ولا "محمد"
حتى "ود زينوبة" .. "قوتة" ... "بت ود محاري"
وفارس الحوبات "حسن"
بسم الجمال والخضرة والوجه الحسن
غنّالو يوت "حُمَّد سعيد" عبر الزمن
{زولو الوسيم }.. { طيفو الرَّحل } ... ... و {قلبو الجريح }...
{ طيرو البخافلو يجينا بي جاي يتخمل } ...
و{ أخو العزيز} يحيى الولوف ، والعيد كمان
وقولو السمح : {أهدي السلام لي أهلي ديك حبان قساي داني وبعيد }
وقول الخلوق الفيهو يوقد النار يقيد
شان قالوا : عايش كيف سعيد ؟
وان شاالله يا حُمَّدسعيد ، تصيح سعيد
**
بسم المشاوير اللِّي عشتها شايل الأفراح معاك لي كلِّ زول
سهران ... زمن
غلبان ..... زمن
كم حول وحول
وتحوم ، تجول
لا قُتْ فترت ، ولابتقول
ذاكر الأهل
وتغني دايماً للأهل
خلَّد إسم ناس "بت بتول "
**
ومع الزمن يخلد كمان إسمك يمين
متل الشديرة الصامدي فوق "قوز أم شديرة" سنين سنين
تدّي الحياة
معنى الحياة ، وكل الصمود الماب يلين
**
بسم القرابة ، وإلفة ، والريد الشديد
ونغم الطنابير الترن تعزف نشيد
دقّت على دف الزمن إيقاع جديد
رسمت على طين "القرير" ألوان "حجر بت الرسول"
يتراقشن متل الحرير
ويمازجن لمعان هلالك يا عريس
يا خوي وأخوي حُمَّدسعيد
أعذرني .... أبيات القصيد
خذلتني ... ماب أقدر أجيد
ما إنت وحدك في دروب الفن بقيتَ أمير وسيد
ونحن التلاميذ الصغار
من فيضك إتْ نكبر ... نزيد
واعذرني
داير أستمر
لو كان يطاوعني الشعر
أنا كت بقول : بسم الملأ
الليلة بعلن للملأ :
{الحزن تحت المقصلة ...
الحزن تحت المقصلة ....
يا كرنفال أفراحنا طوف كل البيوت
واحضن بلادنا وغازلا
ويا عشّهم
ظلِّل سحابة خير عليهم ورشّهم
بي كلْ عديل
بي كلِّ زين
وان شاالله بالرفا والبنين
وبسم الوجوه السمرا دي
حبوبة : قومي وزغردي
حبوبة : قومي وزغردي






التوقيع

التوقيع عند النجار

رد مع اقتباس
قديم 11-29-2010, 07:18 AM رقم المشاركة : 16
معلومات العضو
عبدالمنعم
مشرف المنتديات الأدبية
Monim

الصورة الرمزية عبدالمنعم
إحصائية العضو







 

عبدالمنعم غير متواجد حالياً

 


إرسال رسالة عبر مراسل Yahoo إلى عبدالمنعم
عدد الترشيحات : 6
عدد المواضيع المرشحة : 4
رشح عدد مرات الفوز : 4
كاتب الموضوع : عبدالمنعم المنتدى : المنتدي الأدبي
افتراضي



إتنكــرى

إتنكرى
سوى البيبقالك عديل لى فى صدودك كترى
اوعك تحنى على تيهى ...واغدرى
زى ما صحابك قالوا ليك انسيهو ما تتذكرى
انسينى ما تتذكرى
وتابعى الوشاية واغدرى
اتنكرى
وبكِّى العيون ما ترحميهن ... وسهرى
ماب تقدرى
وعارفك بلاى ماب تقدرى
شيلى السعادة ..عذبينى ودردرى
وخلى الدموع فوق الخدود يجرن جرى
اوصيك ما تتكبرى
وعارفك بلاى ماب تقدرى
ولوتقدرى
فى يوم لقانا اتاخرى
كان ثانية بس اتاخرى واتعذرى
لكن محال حا تبدرى
وبلقاكى واقفة تفكرى
ومرات براك تتحيرى
يسرح خيالك فى لقاى تتذكرى
بالك يغيب وتودرى
ولمان اغيب تتكدرى
تبكى وتوصفى ..(مزدرى)
ليلك يطول بيك تسهرى
***
عارفانى عذرك بقبلو وتتعذرى
وعارفانى بغفر ليك كمان تستغفرى
تستغفرى وتتعذرى
يا سمحة لمان تكبرى
حا تعرفى ليه ما بتقدرى
وعارفك بلاى ما بتقدرى
والله احلف ليكى وبيك ما بتقدرى






التوقيع

التوقيع عند النجار

رد مع اقتباس
قديم 12-04-2010, 08:19 AM رقم المشاركة : 17
معلومات العضو
عبدالمنعم
مشرف المنتديات الأدبية
Monim

الصورة الرمزية عبدالمنعم
إحصائية العضو







 

عبدالمنعم غير متواجد حالياً

 


إرسال رسالة عبر مراسل Yahoo إلى عبدالمنعم
عدد الترشيحات : 6
عدد المواضيع المرشحة : 4
رشح عدد مرات الفوز : 4
كاتب الموضوع : عبدالمنعم المنتدى : المنتدي الأدبي
افتراضي

خالد شـــــقوري



نقره لعرض الصورة في صفحة مستقلة


خالد عباس احمد علي شقوري .. من مواليد كسلا 1968 .. تربي وترعرع بها .. بدأ دراسته بكلية الفنون الجميلة ..
عرف باسلوبه الخاص ونفسه الشعري المميز .. يمتاز شعره بدقة التصوير والبراعة والمفردة الخاصة ..
كتب في مجالات عدة ولكنه برع في الشعر الوطني ..
عمل بالاعلام السوداني وقدم العديد من البرامج في الاذاعة والتلفزيون القومي واذعات ولائية مختلفة ..
تغني بشعره عدد كبير من الفنانين في ساحة الطنبور والاغنية الحديثة


لاتنجع

يا الشايل شمسك في جواك خليها تبين للناس تطلع
يا النازع فرحة والده هناك غير حس آهاتك ما بتسمع
***
يا الناسي اللبقة المفتوحة دي بلاك طوريتك ما بتقرع
المنجل في راس التمرة ناسيهو وامك ما بتطلع
الكتقة وقعت والحملان في اللوبي بقت تجري وترتع
والزير الفي بيت الضيفان حرمان لا نزّ ولا نقع
***
يا السبت عقابك وروحت وحيات عز بلدك لا تنجع
الشتلة تقولك لاتنجع الواطة تقولك لا تنجع
الحوض الما رفعت سرابو ينادي يقولك لا تنجع
الحبل الما تميت وسيرو يهاتي يقولك لا تنجع
والنيل الفي واطاتنا ترع بيقولك ازرع ولا تنجع
***
ماك فاكر يوم داير ترحل وابوك الحاج شايلو عصا
لا حيلو وقف طقش الابريق اندفق سال فوق المصلاة
قام بارى الحيطة واتوكل ويقوم فد مرة ومية يقع
ويقولك يا المبروك ارجع
***
ارجع ارجع يا زول ارجع غير ارضك عاد ما بتلقى بطاح
شن داير في بلدا والناس ما فيهن حاس وما فيها صباح
الليل الويل مليان اتراح الويل الليل مليان اتراح
بياع بيقول افراح افراح زي البيقول تفاح تفاح
***
مجلوبة الفرحة ومفروشة من ضحك الناس دايرين ارباح
لو كان في ايدن ملك الكون كان لمّو عبير الزهر الفاح
كان علمو نفس الزول العاش في سدر الليل داير يرتاح
كان حجزوا الغيم في واطاتو وكان آمسكين باعو الارواح
***
وين تلقى الفرحة وتتهنى في دارا ضيقي ومافي براح
جم ناسا من عين العطشان تخطف ومضات البرق اللاح
***
سايب اهلك ونخلك راحل قول وين ماشي وين آ صاح
الشمس النايري ابت تطلع النيل يا زول اصبح رحراح
الضل قصر ما غتى رويس ولدا ساكب عرق الكتاح
الواطة ابت تديك الخير ولا انت عليك ما هابي رياح
***
قولي وين ماشي ووين غاشي ولي شن سايب بلد الصلاح
النسمة ان جاتك بتجيك ملياني عبير عند الفياح
الموية ان داير تلقاها نقاعا واطيب من الراح
ان درت نغيم الموج تلقى وان درت كمان الطير صداح
***
ارجع ارجع يا زول ارجع
الضحكة هناك من جوة الجوف الفرحة هناك ما فيها الخوف
الشقى ارحم في ضل النيم وبعيد من ناسا واقفة صفوف
جم ناس حبان تلقى المكسور مشيول في كتاف واحد مكفوف
الجن الاحمر فاقد الحيل في خلوة حاج الخير مكتوف
دكان الشيخ فوق الواطة كيمان كيمان ما فيهو رفوف







التوقيع

التوقيع عند النجار

رد مع اقتباس
قديم 12-04-2010, 12:25 PM رقم المشاركة : 18
معلومات العضو
عبدالمنعم
مشرف المنتديات الأدبية
Monim

الصورة الرمزية عبدالمنعم
إحصائية العضو







 

عبدالمنعم غير متواجد حالياً

 


إرسال رسالة عبر مراسل Yahoo إلى عبدالمنعم
عدد الترشيحات : 6
عدد المواضيع المرشحة : 4
رشح عدد مرات الفوز : 4
كاتب الموضوع : عبدالمنعم المنتدى : المنتدي الأدبي
افتراضي

مسافة السكة

كنت بقصِر المشوار لو عارف متين أرجع
كنت بحدد الميعاد وأبقى من الزمن أسرع
إلا مصيري في الأيام هي البتقول وأنا البسمع

*******************************
وما لاقاني يوم في الدنيا زولاً حظو كان فاتو
مسافة السكة وأرجع ليك معايا الشوق وغُنواتو
أنا البهواك وقلبي عليك وأنا الزول البِحب زاتو

*******************************

مسافة السكة مهما تطول برضي مصيري أرجع ليك
ألم حزن السنين الفات وأقيِّل في ظلال عينيك
ألمِّع بالحروف دنياي وأخاف أحزاني ترسى عليك
ألِِم باقي العُمر تحنان وأقول للناس حِكاياتو

*******************************

ما يهِمك كلام الناس وحاتك إنتي ما ناسي
أنا البحسِب عشان ألقاك ثواني الفرقة وأنفاسي
وعارف لوعتك يا روح كيفن إنتي بتقاسي
وأعمل إيه مع الأيام مع قلبي وصباباتو

*******************************

مراسيك وين عشان أرتاح وأعِوض قلبي عن صبرو
معاك بحصِد من الأفراح حصاد زولاً زرع عُمرو
أنا الراجيك ولي جِراح مُناي بي إلفتك يبرو
والآقيك في زمن نشوان تصُب للحب غماماتو







التوقيع

التوقيع عند النجار

رد مع اقتباس
قديم 12-18-2010, 11:37 AM رقم المشاركة : 19
معلومات العضو
عبدالمنعم
مشرف المنتديات الأدبية
Monim

الصورة الرمزية عبدالمنعم
إحصائية العضو







 

عبدالمنعم غير متواجد حالياً

 


إرسال رسالة عبر مراسل Yahoo إلى عبدالمنعم
عدد الترشيحات : 6
عدد المواضيع المرشحة : 4
رشح عدد مرات الفوز : 4
كاتب الموضوع : عبدالمنعم المنتدى : المنتدي الأدبي
افتراضي

أم الحسن


وقفت بعد حلبت لبينة الشاي تكورك يا الحسن
يا ام الحسن وينو الحسن!!
لمن صفت رغوة شخيبات اللبن
في حلتا المبني من طبق السكن
واقفي في حوش البهايم ولسع تكورك يا الحسن
جاها حساً من بعيد مارق من القاطوع ورا
قال ليها خير يا الحاجي خير
قالتلو خير تعال لي جاي
دايراك تعنون لي جواب يا الراسي لي ولدي الخدير
لا تبقي زي شافع السرير
يقول لي زين آيمة زين وزين تبقي بعد شهير
وان جاني يكتب فد سطير
اقولو يا سجم السجم انا زي قرايتك ما قريت
لكن عويناتي بيفرزن الوريقة البيضاء من لون القلم
بعد المغيرب بي شوي جاها الحسن تعبان يسير
العشى غنمو من الدرب سرقت ندي وشو الهجير
سوتلو شاياً بي لبن قرض معاهو حرف فطير
قالتلو بسم الله قول وأكتب وصيتي انا للخدير
الزمن يا ولدي ماحقاهو السنين
البعيش في الدنيا ما بعيش مرتين
العمير فاضلي بس منو اليقين
وانت طوّل في البنادر يا الحبيب لا متين
تعال اوريك حق ابوك الجم حقيق حاج اللمين
ان عرفتو بلا عمار يقولو ولدا عندو طين
العلاج لا تنسي رسلو لي دحين
العوينات آجناي شوفن ضنين
سلامنا ليك مطرز للبنيات والبنين
ولو الارض يا ولدي تنشال في الايدين
انا كت برسلا ليكا في لوري الخزين






التوقيع

التوقيع عند النجار

رد مع اقتباس
قديم 12-18-2010, 11:46 AM رقم المشاركة : 20
معلومات العضو
عبده مصطفي إبراهيم
المدير العام
A.Mustafa

الصورة الرمزية عبده مصطفي إبراهيم
إحصائية العضو







 

عبده مصطفي إبراهيم غير متواجد حالياً

 


إرسال رسالة عبر مراسل MSN إلى عبده مصطفي إبراهيم
عدد الترشيحات : 12
عدد المواضيع المرشحة : 9
رشح عدد مرات الفوز : 8
كاتب الموضوع : عبدالمنعم المنتدى : المنتدي الأدبي
افتراضي

اقتباس : المشاركة الأصلية كتبت بواسطة عبدالمنعم [ مشاهدة المشاركة ]
أم الحسن



وقفت بعد حلبت لبينة الشاي تكورك يا الحسن
يا ام الحسن وينو الحسن!!
------
---------------

ولو الارض يا ولدي تنشال في الايدين

انا كت برسلا ليكا في لوري الخزين




لوحة مبالغة ........فيها بساطة ثلاثة الأبعاد..........تتحسسها في كل سطر
الله يديك العافية وانت دايما تجيب لينا السمح






التوقيع

رد مع اقتباس
إضافة رد

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


Powered by vBulletin®
Copyright ©2000 - 2014, Jelsoft Enterprises Ltd
Ads Management Version 3.0.0 by Saeed Al-Atwi