نكات ملقطة

[عبده مصطفي إبراهيم]

في مسطول قامت لية حبة فوق عينة عاين لنفسة في المراية قال دي عين و لا غين

في واحد كان راكب الحافلة والحافله خلاص اتملت ومافي مكان وعمناده كان راكب مع الباب بعدين جاء واحد شاب وقال ليه يا حاج الحافله دي ماشه وين قال ليه يا ولدى اسى لو قلنا الحافله دى ماشه بيتكم بتركب وين

واحد قابل الفنان الراحل أبوداؤد في عطبرة ، وقال ليهو: والله يا أبوداؤد انا معجب بيك ، وبسمعك في الإذاعة من زمان ، بس ما كنت قايلك أســــود !!!! فرد عليهو أبوداؤد : يعني كنت قايلني قــاورمـــا !!!!

مجموعة من المحس مغتربين فى السعودية قاعدين عطالة قام جاء واحد من السودان وقال ليهم انشاء الله تكونوا كلكم
شغالين ؛ قام واحد قال ليهو مافى شى شغال الا المكيف دا.

ادروب شغال بيحرس مخزن بتاع دقيق يوم شاف فى التلفزيون ساحات الفداء ولقى واحد مجاهد بيقول والله كتلنا الخوارج وكانت معركة شرسة وكنا جيعانين بس فجاة السماء نزل فينا دقيق وقمح . ادروب رجع المحزن وباع الدقيق كله وقبض الفلة . الجماعة ناس الحكومة جوا تانى يوم سالوه :يا ادروب وين الدقيق . ادروب قال ليهم : والله ادروب ليل كله امبارح ما نام الملائكةتشيل دقيق تودى جنوب

[عارف عبد الرحمن]

هاهاهاها حلوة حقت عمك الواقف في باب الحافلة ..
أستمعت لحلقة كانت مع الدكتور أبو سن .. وكان عمل عملية بتاعت زراعة كلية لواحد من ناس مدني والراجل أسمو موسي كزام راجل نكتة .. والظاهر العلاقة مع ابو سن صارت صداقة .. الراجل مشي السوق واشتري كبدة وكلاوي وقال للمرة الكلاوي شكليها زي ما بتعرفي وملا بيها عامود ووداها لأبو سن ولمن شاف الاكل كلو كلاوي .. قال ليهو دا شنو ياكزام .. قال ليهو مش قلتو ناكل مما نزرع ؟

واحد سنجك شغال بوليس حركة، ومشلَّخ شايقي شلوخاً كبار بالحيل! قام وقـَّف ليهو واحد بتاع بوكسي لفَّ الصينية غلط، وقال ليهو جيب الرخصة والتأمين. الراجل قال ليهو تعال قريب، ومد ليهو يدُّو، وقال ليهو: ( هاك دي تلاتة ألف حق الفطور، كل شلخ من شلوخك دي بألف، رايك شنو؟؟! قام السنجك اتلفت وقابلو بخدو التاني، وقال ليهو: (نان قايل جضم واحد ماشي يمرقك ??

***


شايقية عجوز في محو الأمية.... سألتها المدرسة: قولي لي جملة فيها إدغام بغنة ؟
قالت ليها : عمن يعميك

**

شايقي لقوه بمسح صدره بي ورقة فئة 5جنيه سألوه ليه قال ليهم الدكتور قال لي اشتري زيت سمسم اشربه واتمسح بالباقي16


***

شايقي داير ينزل نعي في الجريدة .. كتب :
الشايقي ينعي ابوه ... ويوجد تمر للبيع18

***
واحد من أهلنا ناس الجزيره إغترب ورسل لى أهلو صندوق مرقة ماجى وقروش وجوابات ...أهلو ردو عليهو قالو ليهو : كتر خيرك ياولدى القروش والجوابات وصلن بس الطِبل مفاتيحها مامعاها
15
***
جعلى راكب فى الطياره حلف طلاق على بناتو يساعدن المضيفات

***