سلسلة الأمثال الشعبية

[عبدالملك مصطفى]

( البــــــــرقص ما بغطي دقنـــــــه )
الزول في الرقيص بكون برقص بايديه طبعا وتلقاه يصفق وايديه مشغولة ووشو كاشف طبعا والرقيص زمان عند اهلنا القدام للراجل فيه عيب كبير الراجل زمان بعرض ما برقص عشان كده دائما بشوفو الرقيص للراجل سفاهة منه وعيب كبير مادام مجرد بس الرقيص عيب فمابالنا بالراجل البرقص ويكون عنده دقن وعامل فيها تقي وورع ؟؟؟؟؟؟؟؟ طبعا مستحيل يكون مستور ومابقدر يغطي دقنه عشان كده بكون مفضوح والمثل بضربوه للزول المكشوف حال وما مستور ودائما تلقاه مفضوح والمثل بورينا انه السترة والفضيحة متباريات والسترة مافي زيها
الله يستر حالنا وعرضنا وشرفنا ويغطي عوراتنا
لحدي ما نجيب مثل تاني فتكم بعافية وسترة حال