|
|
02-17-2010, 07:54 AM | #1 | ||||||||
|
سوداني زهجان من حكاية الايميلات الحايمه الجزء الثالث والاخير
ثالثا: الدين اخخخخخخخخخخ انا من الرسائل الدينية قم بإرسال هذا الايميل لجميع من عندك وتكسب 258649735 حسنة .... (ياخ انا محتاج 326.50 حسنة بس و اخش الجنة ) ما علينا شوف المغصة الجاية دي لانها ورمت لي قلبي من كترة ما جاتني حارس قبر الرسول (صلى الله عليه و سلم) اسمه احمد حلم ان الرسول (صلى الله عليه و سلم) قال ليهو انه لازم يوصل الرسالة دي............. ياخ هو الغفير بتاع الحرم متين سوا ليهو ايميل اذا لم ترسل هذا الايميل ل100 شخص بقرتك حا تموت فى الولادة و خروفك صوفو حا يتحتا و ابوك حا يطلق امك و حبل الغسيل بتاعكم حا ينقطع و يوقع الهدوم المغسلة .. و بالمناسبة فى واحد كان محكوم بالاعدام و رسل الرسالة دى و طلع براءة وواحد تانى مدير شركة ابا يرسل الرسالة و الشركة بتاعتو حرقت ياخ انعل ابو دا تفكير زاتو .. ابيت ما برسلا و نشوف البحصل و ايميل يقولك دعاء من دعاه حققت له 100 أمنية دعاء الامتحانات, دعاء المرة الدايرة تولد , دعاء فتح اللابتوب, دعاء ركوب الاصانصير, دعاء طهى البيتزا بتجبوا الكلام دا من وين؟؟؟؟ و فتوى تحريم "البوكيمون" و فتوى تحريم "البلايستيشن فتوى تحريم سماعة البلوتوث فتوى تحريم ايسكريم الشعلة" و أحلا فتوى فيهم .. فتوى قتل "ميكي ماوس" دا يلقوهو وين.. و الله لو لاقانى بقتولو طوالى يعني أحسن حل .... انه الواحد لا ياكل و لا يشرب و لا يتنفس و يركب الحمار بدل العربية و يشتغل فى فرن و يلبس ريش نعام و يرسل جوابات بالبوسطة ولا الحمام الزاجل بيكون احسن!!! ملاحظه: اذا لم ترسلها الى 35.56 شخص حيجيك ديناصور الساعة 7:30 يعضيك في راسك الكبير دا.. ملاحظة تانى : بالله الزول البجيهو ايميلى دا تانى ما يرسل لى ايميل بيشبه واحد من انواع الايميلات دى و الا حا اضطر لأني اتخذ معاهو اجراءات صارمة واقاطعو عدييييييييييييييييييييييي ييييييل |
||||||||
02-17-2010, 11:08 AM | #2 | ||
انه اسلوب يستعمله بعض الأشخاص لتجميع اكبر كمية من الإيميلات للإستفادة منها للترويج الإقتصادي مستقلين سزاجة مستخدمي الانترنت الجدد...........والذول دا وصل مرحلة وكل كلمة في محلها وانا اردد "بالله الزول البجيهو ايميلى دا تانى ما يرسل لى ايميل بيشبه واحد من انواع الايميلات دى و الا حا اضطر لأني اتخذ معاهو اجراءات صارمة واقاطعو عدييييييييييييييييييييييي ييييييل "
|
|||
|
|
|