|
|
05-06-2012, 02:52 PM | #1 | ||||||
زائر
|
امي قالت ليكم تعالو اتغدوا معانا
بسم الله الرحمن الرحيم فطيس هي الجمال والاشراق والضياء والخضرة وزرقة سماء هي صياح الديك , تغريد الطيور , تري فيها الشمس والقمر والنجوم والناس تقوم من الصباح تشيل القفة وتجيب الملاح, ورغيف الصباح الحار, واللبن الصافي على الهواء مباشرة, وتسريح الغنم للراعي, وناس الكارو, والراكبين الحمير وحي على الفلاح , والطاحونة و......... فيها نعيش جنبا الي جنب مع الحيوان والطيور والنبات , فطيس اغاثة الملهوف ( ابو مرواااااااا) , احترام الكبير, اعانة الضعيف, حق الجار, الكلام دا كلو غير في فطيس بتلقو ولا بتشوفو وويييين عندنا عاداتنا الاجتماعية الجميلة والحميدة التي ورثناها من ابائنا واجدادنا , ولاكن هل هذة العادات موجودة بنفس الجمال السابق ولا روح الحداثة والتطور والحضارة دخلت الينا من اوسع الابواب ومسحت فينا الفة القرية وطيبة اهلها . زمان كانت عندنا اشياء جميلة ومنها لما تكون في مناسبة عند اهلنا زواج مثلا تقوم كل الناس وتطوع بالمساعدة كلا حسب تخصصه فينا المتخصصة فطيييير , وخبيز , والغسيل الملابس وغسيل العدة , والجيييييير , والنجادة , باختصار حملة شاملة كاملة ونحنا صغار نمسك ليك الحلة فريق فريق, بيت بيت , شارع شارع, زنقة زنقة سلام عليكم امي قالت ليكم تعالو اشتغلو معانا وتغدوا معانا رغم التعب والمشاوير لاكن بنحس بفرحة ومتعة ونكون دايما في مجموعات متسابقة الليلة الكلام دا لو في قليل جدا مع التلفونات والدعوة بقت كوووول كان لحقتو تكون محظوظ ومحظوظ جدا كمان |
||||||
05-06-2012, 06:18 PM | #2 | ||||||||
زائر
|
ام محمد سلام كرعيك غبارن شديد لفيتو الحله وعزمتو الناس ما تكونوا نسيتو زول |
||||||||
05-06-2012, 06:22 PM | #3 | ||
بالرغم روح الحداثة التي كست أغلب هذه الأشياء إلا أنها علي ما اعتقد لازالت تحمل شيئا من ذلك العبق الأصيل من الأشياء التي كنت أرتاح لها جدا -وذكرتني لها كلماتك يا ام محمد- كتابة كروت الدعوة...وتوزيعها ................. لك التحية وام محمد
|
|||
05-07-2012, 05:37 AM | #5 | ||||||||
|
ام محمد الله يديك العافيه كالعاده تستطيعين جعلنا نصيخ لصوت كدنا ان نفقده في زحمة التدافع ناحية الحاضر ويشخر الجدول يفجر في حقولك اغنيات في مسامك ذكريات في شوارعك ورديات بدري في الضحوه بتاكبس في شواديف النضال بكره ترجع امسياتك ويرجع الطير الموالف يبقي في الضهريه نسمه يبقي في العصريه ونسه يبقي في الحيشان زخارف يبقي في هامتك ضريره وانت من يومك دميره الا في يوم جابوا سيرتك ومصوا دمك ناس تقال ابتدعناك في خيالنا لما فارقنا الدروب ياالشجيرات الظليله يابدايه يامزامير عشق واعد يادوايه ياتحالف افتراضي بين ارض فتنت بذورها وبين محايه ياتواريب حلم شامخ ياآمال |
||||||||
05-07-2012, 04:04 PM | #6 | ||||||
زائر
|
الكروت بتوزع وتكتب بدري قبل اسبوع والديوان مليان انت خطك كويس يلا شيل ليك كم واحد واقعد اكتب .السيد فلان ...... المحترم , والتاريخ اها نمشي ودايما همنا ما نكون نسينا زول , والكرعين والغبار بنشطف بعد نخلص المشاوير لسة عندنا كم واحد, لازم نمشي نجيب عدة الجمعية ودي فيها كم ساعة نقعد نسجل كل شئ بالعدد ونشيل معانا نسخة من الورقة عشان نحسب لما نرجعها وكل شئ انكسر ولا اضيع الغرامة هذا قانون على الجميع , انتهينا منها نمشي طواالي زي ما قالت امي نذكر العمة والخالة فضلو الله اديها الصحة والعافية انو الدعوة غدا وغدا جمعة بدري مع الصلاة . اها يمة خلاص في حاجة تاني ؟ ااي ااي امشن شوفن الفريق اي واحدة عندها كانون كبير جيبوا منها , انشاءالله يمة وعلى طوول نمشي ونلف ونجيب اكبر مجموعة من الكوانين ونجي ونحن اكتر فرحا . بعض الذكريات الجميلة ... مشاركاتكم ومدخلاتكم ادتنا دافع نرجع تاني |
||||||
05-07-2012, 06:30 PM | #7 | ||
بس إذا كان الدعوة بكرة...مش بقطعو البصل وبحمرو اليوم ولا انا غلطان ولا منتظرين الحاجة فضلو ..الله يديها العافية... تجي توريكم الكمية
|
|||
|
|
|