تداعيات ثلاث ايام قضيتها بفطيس

[نضال احمد]

بسم الله الرحمن الرحيم
لا شي عندي بهذه الدنيا يعادل الخروج من الخرطوم راحةً وسكينة
وهذا ليس من عندي فجميعنا يطرب لنور الجيلاني وهو يؤذن باُذن الزمان:
لو داير روحك تفرحا
تنسي همومك روحا
يلا...........
ودع قووووووم
سيب الخرطـــوم
قوم..قوم..قوم..بارحا
وهكذا ما ان قُدمت لنا دعوة حضور ومشاركة فرح شقيقتنا
مني محمد ادم
إلا..........................
وكبرت كراعي من الفرح
نص في الارض
ونص في النعال
وعندما جاء الخميس الموعود
يممت وجهي صوب فطيس
امني نفسي هواءً نقياً نظيفاَ
وقفشات ستحدث ولا شك
وذهبت
يتبع

الاخت نضال سلام عليك

خلاص بدا مشوار الالف ميل

اووووب علينا كان تسلي روحنا

ياختي لا طولي الغيبة ونقعد نكوس فيك

[عبده مصطفي إبراهيم]

ههه كلامك صاح يا ام محمد
نضال ما تلحقينا ..... الفي الصورة دي

بعدين معاك

[عوض خضر]

والله علي قول ام محمد نطالب بعدم استخدام اسلوب القطّاره

مااجمل استدعاءك للدوش وانت ذاهبه لفطيس

ودعينا نردد

يابرق مترع اماني

ياوعد باالخير يبشر

ياالنشيد

الأرجواني


يافطيسنا يااحاجينا العزيزه يامضافه

ياعيون بت فنجريه

ياعفافها

ياتزاحم في الاسيه

وفي الفرح زحمة اغاني

[نضال احمد]

ام محمد
وعليكم السلام والرحمة
ان شاء الله لن انقطع حتي اكمل تفاصيل هذه الزيارة
عبدو :
زولتك دي تكون قاعدة في الميناء البري حارسا الحافلات والبصات والله قربت احصلا بس ربنا لطف
ياسر مهدي:
كل ما الكرسي اسخن معاك تعال بي جاي برد شوية
عوض خضر:
شكرا للابيات الجميلة ولكم وعد مني بالمواصلة
لكن القطارة واجب وطني عشان التشويق وكدا