|
|
03-20-2011, 07:04 PM
|
#1 | ||||||
|
زائر
|
شيخ تلب القدال
شيخ تلب حزينة وجوفك دمدم حزين حزنت وقلب الحازنك خلى تعدى الحلم الشفتيهو قديم وتملا حسارك قلبك ملى وكل ما هبهب قاصدك نسيم يلهب جلدك كضباً طلى فطمت جناك وحضنك رحيم وحنـّك تب ما صابو البلى سمعت غناك وصوتك رخيم شديد اوتارك زايد حلى عرفت الغم الصار لك نديم وشفت الكون بى شوفاً جلى لقيت الكاتلك كافر زنيم وانت وحيدك قلبك ولى *********** يا شيخ تلـّب انزل كبكب وارمى الحترب فى الميضنة فى الباردة تعب لى الحارة تسب عجمان وعرب فى الميضنة البس خضرب وادخل قصرب والحس واشرب فى الميضنة دى الدنيا تهب شقيش ما تصب القبلى حرب .. لى سيدك حب لا تخش ضرب لى يوسف جب فى الميضنة دقنا وشنب درويسنا يسوق تايوتا تكب فى الميضنة يا شيخ تلب وين الزغلب الكان تلب ديل صبحو غرب ام اضحو جنب فى الميضنة انزل كبكب وارمى الحترب فى الميضنة كبس الحال على والحال قبض يا سيد غبنا فيا كج اوتادو جنبى معيد مو جنا تجيب سلسل جنازرو تقيد بلا غيبوبة البلد النصيح ونصيد *********** كنا تلاتة ... ود النوق وديك وعتيد قلنا نكمل الفرض العلينا نشيـد جينا عليكى يا المحبوبة شوقنا يأيـد بقينا ضهابة متل زولا ضرير وقليد ***** ود النوق دا بكور العليهو يشفق بقى يتباطى فى خبة مشيهو يلفق ان جاهو العلوق صيحة نفاقو تنفق اصبح جدوا وكل ما شافلو سلقة يصفق - وديك الجن رفيق همى وغنايا وفنى سوا طريقو فى نخبة وصبح متهنى ما هماهو باسط مية سكرة ينى كل ما شافلو زفة جديدة فوقة يغنى - يا عتيد الرماد نط الحيط بالزانة تفضى الخانة تلقى جنابو سيد الخانة فارش دارو لى اسيادو بيت كرخانة غافل ضبحة الفجرى وجرى السلخانة يا حميد اقيف شوف الخلوق محنانة كفكف دمعتك والعبرة فوت خنقانة عسلك سال بحر فوقو النحل ونانة ياد ان طاق غرق جازاك دباير دانة |
||||||
|
|
03-21-2011, 05:16 AM
|
#2 | ||||||||
|
هذه القصيده يااخونا ياسر قصيده تخلب اللب وتجعل المتأمل لابياتها مشدوها فاللغه هنا ليست وسيلة تفريغ لاحتقان وانما اللغه هنا تجلب معها جماليات جديده فالكلمات المنتقاه بعنايه تبعث علي الفضول في البدايه ثم تذهب بك الي عمق البئه ثم ترسو بك اخيرا وسط لجة طرح يجعلك تنحاز دون ان تحس الهزيمه شكرا لك |
||||||||
|
|
|
03-21-2011, 05:39 AM
|
#3 | ||||||
|
زائر
|
السلام عليكم الاخ عوض خضر متعك الله بالصحة والعافية واشيد بحسك الفني الرفيع وزوقك العالي وتزوقك الكلمات الرصينة والقدال انسان يكتب بالكلمات البسيطة الجميلة ويلفها بثوب الوطن والجمال والمعاني الرايعة . ولقد كنت متاكد من انك اول انسان سوف يكتب مداخلة في قصيدة شيخ تلب ولم تخيب احساسي فيك فك التحية والاحترام . يا ابوزوقاً مقة وعسل |
||||||
|
|
 |
|
|
 |
 |
 |
Linear Mode
