|
04-10-2012, 10:57 AM | #1 | ||||||
زائر
|
تايتنك
في الاخبار وفي وكالات متعددة انة تم بناء سفينة تايتنك من جديد تضاهي تلك السفينة في القوة والمتانة وسوف تبحر من بلفاست بانجلترا في نفس اليوم الذي ابحرت فية السفينة المنكوبة متجة الي امريكا يذكر ان السفينة تايتنك غرقت عندما ارتطمت بجبل من الجليد يوم 15 أبريل عام 1912 ولقي 1517 شخصا حتفهم بعد ثلاث ساعات من اصطدام السفينة بجبل الجليد يذكر ايضا ان مالك السفينة قد قال للصحفيين انة لن تغرق تايتنك ابدا حتي ولو اراد الله ذلك ( بيان بالعمل غرقت ) وقد تبقي لزكري تحطمها حوالي خمسة ايام فقط . نشوف تاينك بي جو كيف مع الصور . http://s.alriyadh.com/2012/03/24/img/342876354930.jpg دي صورة تايتنك زمان http://s.alriyadh.com/2012/03/24/img/975996131076.jpg http://s.alriyadh.com/2012/03/24/img/600032309535.jpg http://s.alriyadh.com/2012/03/24/img/375177202513.jpg http://s.alriyadh.com/2012/03/24/img/720856548984.jpg ديل حديثا وياعبدو كدي بعد ماتجي من امريكا بالسلامة السفينة دي ماتقوم تاجرا لينا نقوم بيها رحلة كدا ترفيهية لزوم الفشخرة والترطيبة وكلوا بي حقوا يا اخوي والمابدفع مايركب معانا ومنتظر منك تلفون . |
||||||
04-15-2012, 07:06 PM | #2 | ||||||
زائر
|
مشكور ياسر جدا أعرف بلدك يا ياسر أمشى الابيض وحلفا ودارفور وكسلا وتندلتى وبعداك امشى بعافيتك ( ما تحلم بالنهار ههههه...... أطقاس احلام ) |
||||||
04-16-2012, 05:19 AM | #3 | ||||||
زائر
|
انت يا ابراهيم ما دايرنا نحلم ساكت في الدنيا دي وبالذات مع مركب علي الله دي شوف يا ابراهيم اذا حلمنا دا اتحقق ونجحت فكرتي ما تقول لي انا كنت بهزر ساكت وخلاص خلوني النركب معاكم ان شاء الله في السطوح وتعرف انا من هسي بديت اجهز في مستلزمات الرحلة ( القرقوش - والويكة - والشرموط - والخدرة اليابسة - والشطة - والكجيك ..... الخ ) وبقت لينا حاجات صغيرة صغيرة بس عبدو دا اشد حيلوا وابرمج لينا الرحلة دي في اجازة الوليدات عشان اشموا هواء المحيط الهندي دا وان شاء الله حانسجل ليكم زيارة كدا خفافية في السعودية وامكن ننتظر الحج لو قرب ولا نصوم لينا كم يوم كدا عندكم ( قالوا رمضان خلاص هلالوا قرب اهل مش دا شهر قصير بتاع الابري ) ونكسي الوليدات في باب شريف ونجي متباقصين دعواتك لينا بالتوفيق . |
||||||
04-16-2012, 12:48 PM | #4 | ||||||
زائر
|
ياسر تسلم وتمشى وتجى بالسلامة لكن لاوزته منك الكلام صاح شكلوا من أسى عفوا الله والرسول (ص) |
||||||
04-16-2012, 02:46 PM | #5 | ||||||
زائر
|
الاخ ياسر لكن رحلتك ما رحلة اول حاجة عاين في السفينة دي قزاز عديل شايل ليك خضرة ناشفة وويكة تخيل كيف يكون الحال لو انكشحن وجاتك شوية موية من المحيط ....... أكتب وصتك في خشبة ولا ورقة وغلفها بكيس ودرب السلامة ياخووي |
||||||
|
|
|