|
04-18-2012, 06:30 AM | #1 | ||||||||||
|
صفحة للوطن
بسم الله الرحمن الرحيم وكنت انوي تسمية المفترع صفحة وطنية بيد اني حسبت حساباتٍ اخر فاعتزمت تسميتها صفحة للوطن او سمها من اجل الوطن عشانك ياوطن كل قامة تنصب طولا نصوغا حروفنا كلمة حق وفيك نقولا وبالكيبورد بنرسم لي ملامحك صورا اذن هي من اجله فقط هذا الذي: في الفؤاد ترعاه العناية بين ضلوعي الوطن العزيز لي عداه بسوي النكاية وان هزمت بلملم قواي غير سلامتك ما لي غاية إن شاء الله تسلم وطني العزيز اقولها بداءً كي احظي بالعذر ختاما النختلف يمنا ويسار بس بالهداوة وبالحوار لا مدت ايد لا ضرب نار ممكن نصل حد الكجار بس ما نكون فى يوم صغار اذن انتظروني |
||||||||||
04-18-2012, 06:57 AM | #2 | ||||||
زائر
|
بس امرقي راسك كان ما كسرتوا ليك بي فراري دا ، وبرضوا ليك التحية وراجنك في شمس النهار الحارة دي وربنا يوفق ... |
||||||
04-19-2012, 07:43 AM | #3 | ||||||||||
|
|
||||||||||
04-20-2012, 02:56 PM | #4 | ||||||
زائر
|
هـــــــــــو الوطـــن
هو الوطن ارض الجـــدود ,,,, ارض الشمـــوخ ,,, ارض الخــــير ,,,, |
||||||
04-20-2012, 03:15 PM | #5 | ||||||||||
|
الاخوه الافاضل السلام عليكم ورحمة الله وبتحرير هجليج اعود لهذا البوست لاني افترعته لاجل قضيتها لكن حالت ظروفي دون رفع ما كنت انتوي كتابته بشان هذه القضية فالشكر لكل من تداخل ياسر-عارف-محمد لكم الشكر اجزله ولي وعد بان اواصل بقضايا وطنية اخري باذن واحد احد اما اليوم فدعونا نحتفل وننشد للجيش والدفاع الشعبي ولجميع الشعب السوداني الصابر الصبور القابض علي الجمر انا ليهم بقول كلام دخلوها وصقيرا حام قرقر ملا للوسادة برنو و شال لي مكادة ديل جنياتنا الندادة سيدي الدار في السيادة انا نميت جب غناكم يا البينين هوي براكم البدوركم وراكم حلق الطير لي غداكم الصف العامر رجاكم اتباشروا لبناكم اركزوا زينب وراكم انا ليهم بقول كلام دخلوها وصقيرا حام |
||||||||||
04-20-2012, 07:41 PM | #6 | ||||||||
زائر
|
سلاما ًيا وطن بحلم أشوفك يا وطن آمن حر وسعيد ومتفتح محل ما يمشي إنسانك عزيز النفس مطامن ومتضامن والخير الظاهر والكامن في الأيدي جميعاً قدامن تعيش إنت ونموت نحن لكي يا غالي ما يكبر جنانا تحت شرا المحنة جرحنا إذا بفرهد فيك ح نمشي علي البجرحنا وحزننا لو يضوي سماكا هو الحزن البفرحنا ودمنا لما يسقي ثراكا ينزل من جوانحنا وإن راحتنا ما ترتاح نقول إنشاءالله ما ارتحنا تضيع أيامنا بس ما تضيع ملامحك من ملامحنا بنرجع ليك توصينا ونسمع ليك تحدثنا ولو علّينا صوتنا عليك يا والدنا سامحنا |
||||||||
04-22-2012, 01:48 PM | #7 | ||||||
زائر
|
أنا سوداني أنا من حقنا نفخر بهذا الوطن الشامخ وبهذا التراب الغالي ونشتاق لكل شئ في وطننا حتى المعاناة حدق العيون ليك يا وطن أصبح مقر وأصبح سكن أنت الملاذ ساعة المحن أنت الشموخ عبر الذمن نحن ابناؤك في الحزن النبيل نحن ابناؤك في الفرح الجميل جعلي ودنقلاوي وشايقي ايه هماني غير اسباب خلاف خلت أخوي عاداني خلو نبأنا يصل البعييد والداني يكفي النيل ابونا والجنس سوداني |
||||||
|
|
|