|
06-12-2010, 08:51 PM | #1 | ||||||||
زائر
|
فطيس تقرر ان تتخلي عن 3 اشياء لها علاقه بالزواج
بسم الله الرحمن الرحيم عقب خطبه الجمعه 11/6 قام استاذ عبد الله ( وجده ) قال في عقد قران (فطيس مدوره اعراس جد) ولكن قبل عقد القران في موضوع لازم نناقشوا فارجوا ان تحضروا عشان تعرفوا وبعد داك الناس سوت الباقيات الصالحات واغلب الناس ما مشت المهم عقدو القران وقام استاد عبد الله قال في4 عادات لازم نتخلي عنها لانها ما منها ايه فايده والله الله يديكم اجر لو خليتوها اول عاده فطور ام العروس الواحد يعرس بره الحله برضوا يمشوا يدو في والله ماشو يودو وقعو بالعربيه جوه الترعه حاجات رمضان لي ام العروس (دكان كامل ايودو ليها واتفاخرو بيها لي يعني لاز نخليها ) تاني الناس لما امشوا يدو المال امشوا ميه نفر بالله المال كلوا تلقا 600 جنيه واجيبوا ليهم بارد 6صناديق بي 300 جنيه في داعي لي دا الحلاله بضم الحاء ولقد رايت القبول والرضاء علي وجوه كل المصلين وبعضهم وصفها بامور النساء فلكم الحكم |
||||||||
06-13-2010, 01:53 AM | #2 | ||
والله عين العقل....لكن حقيقة اغلب هذه العادات والتقاليد ستاتية...واعتقد حقو يلمو النسوان ويناقشو الموضوع دا بجدية والله يوفق الجميع
|
|||
06-13-2010, 04:48 AM | #3 | ||||||||
مشرف قسم العلوم والتكنلوجيا
|
يا عصام الرجال ما بحلوها الموضوع دا قبل اليوم اتكلمو فيهو وانشاء الله اخلوهو لانو عادات ماجميله مشكور |
||||||||
06-13-2010, 07:07 AM | #4 | ||||||||||
|
الموضوع فعلا يجب ان يتوقف....ففي بدايته كان مظهرا من مظاهر التكافل.... والقصد منه ابداء حسن النية بين الاسرتين.... لكنه مؤخرا اتجه اتجاها اخر.... فصار مظهري وتفاخري اكثر من كونه تكافلي... وانتفت الناحيه الدينية التي من اجلها قامت هذه العادات.... ولكن موضوع حسمه شأن نسائي بحت.... فلو لم تقتنع النساء بعدم الجدوي منها..... فستستمر وبصورة فظيعة وتفاخرية... تجعل من الشباب والايامي ضحية هذه العادات |
||||||||||
06-13-2010, 10:19 AM | #5 | ||||||||
زائر
|
هي امور نسايئه بحته ولا اعتقد انا حسمها في ايدي النساء فيجب ان تحسم من قبل الرجال |
||||||||
06-16-2010, 04:41 PM | #6 | ||||||
زائر
|
والله فعلا عادات بايخة وما عندها أي معنى وفعلا أكبر مروج ليها النسوان والناس مفترض تحاربها ومشكور ود جدة بادر بالموضوع والتحية ليك عصام إنك طرحت الموضوع في المنتدى . |
||||||
06-21-2010, 06:31 PM | #7 | ||||||
زائر
|
هوى يالناس العرستو خلونا نعرس اولا وبعداك اعملوها |
||||||
07-17-2010, 10:07 AM | #8 | ||||||
زائر
|
شنو يا الطيب قلوا ليك (دك) تقول النشوف جرتي ؟ |
||||||
08-10-2010, 08:06 PM | #9 | ||||||||
زائر
|
ماذا يعني فطور العريس وماذا تعني موية رمضان ، أليس هذا من البذح والتبذير وهدر الأموال الذي نهى الله سبحانه وتعالي عنه ، فعلاً عادات وتقاليد عمياء ليس لها أي معني ، وقد حكى لي بعض العرسان بأنه أهدى 18 ثوب و18 فتيل ريحة لكل إمرأه حضرت مع فطور العريس حسب العدد الذي حضر يعني المسألة ماشة في تكاليف أزيد ، ولهذا من الواجب ومن الضروري محاربة هذه العادات محاربة فعلية حتى ولو كانت من قبل النساء ، ومشكور الأخ ود جدة لطرح هذا الموضوع الهام . |
||||||||
08-16-2010, 09:23 PM | #10 | ||||||
زائر
|
مشكور للاستاذ عبد الله ودجدةلطرح هذا الموضوع الهام ونتمني ان يجد القبول من الجميع |
||||||
|
|
|