|
04-02-2013, 07:08 AM | #1 | ||||||
زائر
|
الرئيس نازل معاش
جاني الخبر جاني البلاء قالوا الرئيس مودعنا ودي اخر فترة لية من سمعت الكلام دا وانا خاشي في حالة تانية وسرحت بي فكري بعيد واتزكر يوم جانا في التلفزيون وقال انا رئيسكم عجبي شديد وكلاماتوا عجبتي ودخل قلبي وكل يوم بزيد حلا ويكبر في قلبي لمن ملا شقاف قلبي وابوي الرئيس دابي الخلا واسد افريقيا مافي كلام اقدل وسط الناس وتعجبني فية روحوا المرحة وابتسامتة الغير متصنعة وكمان بساطتوا واكلوا لي ملاح التقلية والكسرة المني لمن قالوا عيان وسقيم ضربت لي كم واحد صاحبي عشان اطمني علية لكن مالوا الرئيس نازل معاش تهون علية العشرة بالبساطة دي ونحن من ما قمنا ماشفنا غيروا ولا حاولنا مرة كدة ساكت نجي بي شارع القيادة لكن لو تسينا ياريسنا زي ماقلتا بنشقي بعدك وما بندوق لي الحياة دي طعم انت الشطة وانت السكر وانت الملح ملحت لينا الحياة واديتنا الامل في بكرة يكون جميل وعشمتنا في العمارات والعربات الفارهة والجيب التقيل سير سير يالبشير والفورة الف |
||||||
04-02-2013, 10:55 AM | #2 | ||
بتفقع في مرارة منو يا ود مهدي السيد الرئيس... قاعد ..إمش وين دا...دا بقا ديك عدة كان نهرو كسرا وكان خلو كسرا وما بنزل براهو....دي كلام ساي ها.... هو عارف كان نزل من كرسي الرئاسة دي لاهاي... بتراري ليهو... أخير يعدي باقي ايامو يجابد فيها كدي أحسن ليهو من مهزله لاهاي.... هناك حليفة طلاق ما بتحلو وشكلو ... ضربة أمو في عضم الشيطان ... بقت تلاوز ليهو ذول كان نصيح...يقول نفرج علي المعتقلين السياسين.... ويمرق ليهو سبعة جارين شنطهم ذي المارقين من فندق ............................... .............. نجي للكلام الجادي السودان... ليس البشير لا البشير السودان المشكلة في السودان... الحاصل ليهو دا وعشان يمرق منها ...بحتاج لي معجزة إلاهية ........ والله يهون القواسي
|
|||
04-03-2013, 05:37 AM | #3 | ||||||
زائر
|
مديرنا العام اطراك الله بالخير رئيسنا البشير ( ربنا يطول في عمروا ) حالف طلاق ما ينزل معاش والا زلط فطيس دا يكون سواهوا ومشكلة لاهاي دي عندنا ليها معالجات تاني المشكلة وين وانت شايف هسي الامور بدت تتحلحل من هنا وهناك ( خايف من يوم تجي تقول شوفوا لي وظيفة في وزارة الصحة ) ولا رخصوا لي اتوس في طريق الحصاحيصا فطيس |
||||||
04-03-2013, 09:06 AM | #4 | ||
الأخ ياسر أبو ساجدة ذكرتنا ...زلط فطيس.... الحصل فيهو شنو؟؟ ما نلحق ..كسرة الفاتح جبرة...........(زلط فطيس الحاصل فيهو شنووووووووووووووووووو) المشكلة ما بقت في موضوع الرئيس... المشكلة بقت... في مشروع الحركة الإسلامية كلو..والتشوهات الأصابتها (إجدع جراح ..تجميل ما يرقعا) المشكلة بقت... في البسوو فيهو دا.... والإنشقاقات.. وأكيد جايانا مسرحية القصر والمنشية تاني وعمر البشير دا... ما بحلو من لاهاي إلا الموت بعدين هو كان زول نجيض...إمش بي كرعي ويثبت إنو ما عمل غلط هو زول ما خاف من ربنا يخاف من لاهاي ومن لاهاي كان طلع براءة... اصبح بطل تاريخي...وكان طلع مذنب ... تكون ليهو كفارة وسجن لاهاي خمسة نجوم...وكان مريض بعالجو..وبعتنو بيهو أحسن ليهو من الثعالب البتنهش حولو ديل وذي ما قال الشيخ عبد القادر الهدية في البوست بتاع يوسف داك في معناهو (الناس دي فتنتهم السلطة...ولا علاقة ليهم بالدين) ......... كسرة مسروقة أخبار زلط فطيس شنوووووووووووووووووو
|
|||
04-04-2013, 05:34 AM | #5 | |||||||
زائر
|
Quote:
ربما بعد الميزانية دي تشد حيلها وادخل فيها قروش البترول وتنتعش احتمال كبير اعملوا فيها حاجة . اصبر ليك شهرين بي الكتير وسوف تري ( دا اجتهاد شخصي ) . كسرة بي موية زلط فطيس الحاصل فية شنوووووووو وووووو وووووو رايك مش كدا حلوة |
|||||||
04-07-2013, 08:35 AM | #6 | ||||||
زائر
|
اخونا ياسر (ابوساجدة ) اديك العافية مشاركاتك دايما بلسم وزيدك من الشعر بيت عمر البشير كما قال عنه الطيب صالح .. رجل اصيل ود بلد وكان لى اوكامبو .. البشير لا بخاف ولا بتر قدام العينيهم خضر .. والفاقعين مرارتنا جد عرمان والحلو وعقار والصادق المهدى وكريمته مريم ( نقة ) وكل من يتبجح باسم الحركة الشعبية .وفاروق ابوعيسى ورفات اليسار .. وزلط فطيس بتم بعون الله .. ويجب التفرقة بين معارضة النظام ومعارضة الوطن السودان كما قال الشريف الهندى عليه الرحمة .. وقريبا سوف تنفقع مرارة اوكامبو عندما تخرج الخرطوم مطالبة بان يحكمها البشير |
||||||
04-08-2013, 07:33 AM | #7 | ||
لا أعتقد أن هناك من يعارض الوطن وتساؤلنا عن الزلط ... ليس ساكين الشماتة..ولكنه تساؤل مشروع بعد ما سكتت الأصوات ... والزلط بجي .. لكن أتحدي اي واحد لو ما كان خاتنو... لشراء الزمم للإنتخابات الجاية .............. بالنسبة للسيد الرئيس أدونا قائمة بإنجازات قام بيها غير - رفع شأن ذو القربي - تدمير مشروع الجزيرة - قتل 10 الف مواطن من دارفور (قالها بلسانو) - الإمضاء لقتل ضباط 28 رمضان - وذي ما قال عبدالقادر الهدية (شوارع زلط.... وكباري والناس بتاكل في الفضلات من البراميل) والقائمة طويلة........ بس دا كلو خلو قول لينا حاجة واحدة... عملها لإنسان فطيس ولا .... دا ما تبع الخطة ............. ............. الناس حقو تخرج من خندق النقد الشخصي والعاطفة اخوك دا كان سواقتو كعبه .. ما بتقول ليهو ... انت كعب قول ليهو سواقتك كعبه ودا سايقنا 24 سنة... كسر تروسا... وقدر ما تنكسر حاجة يجيب مساعد ياي ...... حكاية أوكامبو (اوكامبو خلا المحكمة الجنائية ذمااااااااااااااااان).....وا ي زول معارض يعمل لدولة اجنبية... دي بقت مسرحية قديمة ... كسرة: اخبار زلط فطيس شنووووو وووو ووووو
|
|||
|
|
|