...........................
إنقسمت الأراء عند سماع خبر مقتل خليل إبراهيم ..في الشارع السوداني.. وكل ذول له الحق في رايو
وخروج الناس في مظاهرات مؤيدة دليل علي سيطرة الحكومة علي "أين ومتي وكيف يكون التعبير"
وما أظن يمكن تسمح للناس دي لو مرقت مناهضة للغلاء و الفساد
خليل إبراهيم وغيرهم رفعو السلاح ليس ضد الشعب السوداني ولكن ضد الحكومة
لأسباب تعرفها الحكومة جيدا... وبدلا من النظر الي هذه الإسباب
تتشبث الحكومة دائما بأنها في طريق الحق ومن خالفها "كافر"...رغم أن سيرة خليل "الفوق"
نوضح من أين اتي...
مسألة الجهاد والإسلام ... وديل كفار...مفترض الناس تصحي ليها... لأنها كانت حجة ضد الجنوب
ولا أعتقد إنها ممكن تمشي في "ناس الغرب"....
................
ناس دارفور لديهم قضيه ويعرفون من هو عدوهم
ناس المناصير لديهم قضية ويعرفون كيف يعبرون عن رفضهم
ناس الشرق لديهم قضايا ...وناس الجنوب الجديد لديهم قضايا
......
ناس الجزيرة "ناس قريعتي راحت" كما يحلو لبقية ناس السودان مناداتهم
عدوهم ليس خليل إبراهيم أو مالك عقار...
ناس الجزيرة عدوهم ... "القلع السكة حديد"
عدوهم من دمر أليات المشروع
عدوهم من يسرق عرق جبينهم
عدوهم من دمر ويدمر في المشروع
عدوهم من أهمل الخدمات الصحية والتعلمية
"ذكر إلي احدهم بأنه عندما زار البشير الجزيرة قال لهم العندو خزنة غنفض منها التراب.... لأنها حتتملي
والراكب حمار حيكرب عربية".....هلل وكبر الناس ....
ونسي الجميع إنو الحمار زاتو باعو عشان ياكلو "بليلة"
.................
فإن كان مقتل خليل إبراهيم... سيعيد كل هذا ....فهاكم زغرودة علي طريقة صلاح مصيبة "ايوووووووووووووووي"
.................
|