[عوض خضر]

أمثال سودانية هدامة

دار ابوك كان خربت شيل ليك منها شيلة (عايزين المثل يكون دار ابوك كان خربت عمرا )

بلدا ما بلدك أمشي فيها عريان ( بلدًا ما بلدك امشي فيهااكثر اناقة وكون عنوان لي بلدك )

كان غلبك سدها وسع قدها ( منهزم وكمان ضار )

كان زادت عليك الهموم ادمدم ونوم ( واسعينوا بالصبر وبالصلاة ،، النايم ليها شنو )

شهرا ماعندك فوقو نفقة ماتعد ايامو ( بدل ما تشتغل اوفر تايم ؟؟ )

جلدا ماجلدك جر فيه الشوك ( لا ضرر ولا ضرار .. ليه ياعديم الانسانية )

جندرية هدامة :

الراجل أفجخي بصلة قبال يبقى أصلة .. شوف بالله العوين ديل دواهي كيف

البتأمن للرجال .. بتأمن الموية في الغربال ... والبأمن للنسوان ببقى شنو

ادين و أتبين .............. عاوزين ننسى المثل دا ونغيروا الى من سدد دينو نامت عينو
استلف المال واشهر نفسك في الأوساط التي يلتحق بها لتحترم فيها وتساعد على إجابة طلبك فأن حسن البزة مظنة الغنى خصوصا عند من يجهلون حقيقتك .

سرارة اللعوت تتلاقى يوم الموت . قرابتكم كقرابة شجر اللعوت ما تلتقي أعواده إلا عند حرقها بعد قطعها كذلك انتم لا تلتقون إلا عند وفاة أحدكم في الصلاة عليه – يضرب في المبالغة في الجفا .

وللحديث بقيه