ياسلام عليك ياسلام وحلاتك حلاوة :
بس ياعبدو انت قاعد تخلط بين شجرتين كدي تعال براحة شوف :
بدايتا انا فاهم الملخبطك شنو والربط القاعد تسوي فيهو دا انا ما متاكد منو لان التاريخ بتاع الناس ديل قديم شديد قد يكون راجع لعام 1800 او نهاية 1700 وذلك تاريخ بعيد شديد والناس ديل زمان ماكانوا عاملين لينا شجرة بتاع نسب ولو في زول عارف لية درب للناس ديل انا بقصوا ليكم بس وروني لية .
اولا :
دي شجرة براها :
قلنا الفكي الزين جاب
مريم والسارة
مريم جابت ابراهيم ( تور شادلي )
والسارة جابت جدكم احمد سالم الكبير
بعد ما تكتب مريم الجابت ابراهيم ( تور شادلي لصق ) اولادة وهم كالتالي
احمد - زينب - محمد - الحسين - عبدالله - الحسن - دفع الله - مصطفي - فاطمة ( حلبية ) مريم - ابراهيم
وفصل لكل واحد من الجدود ديل
ثانيا :
جيب السارة وولدها جدكم احمد سالم وجيب اولاد احمد سالم وفرع بعد داك
دي شجرة براها .
.................................
دي شجرة تانية :
قلنا دفع الله جاب خالد - وفاطمة -كلتوم - التومة
خالد جاب
دار الجلال ( زوجة الشيخ البدوي ) - دفع الله ( ناس بلة وابراهيم ) - امنة ( زوجة بابكر )- وزينب ( اولادها فاطمة بابكر - احمد - حماد - وسليمان - والنخيل- والتومة - بتول .... الخ )
فاطمة جابت ابراهيم وابراهيم جاب زينب والدة والدنا واعمامنا ( عبدالله والطيب واحمد .... الخ )
كلتوم ارجع للشجرة السابقة وشوف جابت منوا وكذلك التومة راجع شجرة الفكي ابراهيم تور شادلي .
البقدر اربط الشجرتين ديل يكون ماقصر تب وانا اعلم علم اليقين انهم مربوطات ولكن كيف ؟؟؟؟؟؟ دا السوال
كدي النشرب لي كوز موية وبجيك تاني .